41 नना मनकालोराहेंदाल कदर कोरोन.
बारित्ते, ओराहाटीं पेनदाहेंदाल दोर्कना कदरकन्ना, लोकुल्कुनहेंदाल दोर्कना कदरे ओर्क एक्को पावरम.
मीकु मुक्ति दोर्कगोम, इंचि इव पोल्लें नना मीकु वेहासेक मंतन अचोने. गानि नावा बारेमते लोकुल्कुना गवाइता अव्सरम नाकु हिल्ले.
अयना, बस्केळ्क पिस्सना पिस्वरहाटीं मिमेट नहगा वायालय हूळिर.
बारित्ते मिमेट बसंटोर आंदिरो नाकु एरपाटे. मीलोप्पो पेनदाहाटीं पावरम हिल्ले.
मीवद मिमेटे कदर कीकुनमळ इत्ते मीकु वेल्लेन इस्टम. गानि पेनदाहेंदाल दोर्कना कदरतुन मात्रम बोरे पहका हूळिर. असोंटस्के मिमेट नापोर्रो बल्हा विस्वासम किया परांतिर?
पजा लोकुल्क ओन राजाल कियालय बल्हैना बल्मि कींतुर, इंचि ओन्क तेळियता. अदुनहाटीं ओर वरोरे मर्रा गुट्टातेके पेय्सि होत्तोर.
बोर अय्ते ओना सतता पोल्लें कराहंतोरो, ओर ओना पोरोल्तुने पेद्दा कियालय हूळांतोर. गानि बोर अय्ते ओन लोहतोन्कु कदर दोर्कना इंचि इनकुंतोरो, ओर सत्तेम मनकल आंदुर, ओनगा बतले आबद्दम हिल्ले.
नाकु कदर दोर्कना इंचि नना बस्केने इनकुनोन, गानि नाकु कदर दोर्कना इंचि इनानोर वरोर मंतोर. ओरे न्यायम कियानोर आंदुर.
येसु ओर्क इल्हा जवाब हीतोर, “नावद ननाने कदर कीकुत्ते, अद कदरक बतले विलुवा मन्नो. गानि बोन अय्ते मिमेट, ‘मावा पेन आंदुर’ इंचि इंतिरो, ओरे नावा बाबाल आंदुर, ओरे नाकु कदर हीसंतोर.
इच्चोरे आयाका, मोमोट अय्ते किरिस्तुना प्रेरितुल्कुम इंचि मीपोर्रो मावा अदिकारम हूपिस्तोमे, गानि मिमेट आयि, वेरेटोर आयि, इंका बोनाहेंदाले आयि पेद्दातनम दोर्किच्कुनालय मोमोट हूळा हिल्लोम.
इदुनहाटींगे मीकुन पेन केयता आनि किरिस्तु मीवाहाटीं तकलिप अरतोर, मिमेट इंका ओना अळगुने अळगु वाटसि ओना पज्जो तकलिप अर्सि ताकना इंचि उंदि उदाहरनलेसीं पेन मीकुन निलाहता.
बस्के अय्ते पेनबाबानाहेंदाल कदर आनि महिमा दोर्कता, अस्के आ स्वर्गमताल, “ईर नावा पावरमगल्ला मर्रि आंदुर, ईनतोनि नना आनंदमते मंतन,” इंचि उंदि अल्किर आ महिमाता वेल्गुनाल केंजावाता.
