योहान 5:34 - पवित्र पोल्‍ले

³⁴ मीकु मुक्‍ति दोर्कगोम, इंचि इव पोल्‍लें नना मीकु वेहासेक मंतन अचोने. गानि नावा बारेमते लोकुल्‍कुना गवाइता अव्‍सरम नाकु हिल्‍ले.

योहान 5:34 Iomraidhean Croise

लूकाल 13:34

ए येरुसलेमतोरिटा, ए येरुसलेमतोरिटा! मिमेट पेनदा कबुरतोर्कुन हव्‍कानोर आंदिर, इंका पेन मिहगा लोहचीतोर पोर्रो मिमेट बंडां हुक्‍कानोर आंदिर. कोर्रु दाना पीसेन रेक्‍काना हिळु बल्हा जमा कींतनो, अल्हेन ननागुडा मीवा पिलाल्कुन जमा कियना इंचि बच्‍चुंगो मल्कां कोरतन. गानि मिमेट मात्रम कोराहिल्‍लिर.

लूकाल 24:47

पापाल्क मापि आयनाहाटीं मनसु मार्सकुनुळ अव्‍सरम मंता. इदे कबुरतुन येरुसलेमताल सुरुव कीसि, दुनियाता अन्‍नि देसेल्‍कुना लोकुल्‍कुंक किरिस्‍तुना अदिकारमते वेहमळ जरगार.

योहान 20:31

गानि येसे किरिस्‍तु, ओरे पेनदा मर्रि, इंचि मिमेट विस्वासम कीसि ओना पोरोल्ते पिस्वर दोर्किच्‍कुननाहाटीं, इवन्‍नि रासमळ जर्गता.

योहान 5:32

गानि नावा बारेमते गवाइ वेहालय इंकावरोर मंतोर. ओर वेहना गवाइ सत्‍तेम इंचि नाक एरपाट मंता.

योहान 5:41

नना मनकालोराहेंदाल कदर कोरोन.

योहान 8:54

येसु ओर्क इल्‍हा जवाब हीतोर, “नावद ननाने कदर कीकुत्‍ते, अद कदरक बतले विलुवा मन्‍नो. गानि बोन अय्ते मिमेट, ‘मावा पेन आंदुर’ इंचि इंतिरो, ओरे नावा बाबाल आंदुर, ओरे नाकु कदर हीसंतोर.

रोम सहरतोरहाटीं पौलुसना सिट्‍टि 10:1

विस्वासुल्‍कुनिटा! नावा इस्राएल लोकुल्‍कुंक पेन मुक्‍ति हिय्यि इंचि नावा वेल्‍लेन मनसु मंता. अदुनहाटीं नना पेनदुक पारतना कीसेकेन मंचंतन.

रोम सहरतोरहाटीं पौलुसना सिट्‍टि 10:21

गानि इस्राएल लोकुल्‍कुना बारेमते पेन बतल इत्‍ता इत्‍ते, “ना पोल्‍ले केंजाकोंटा मर्लाबळता लोकुल्‍कुनाहाटीं, नना दिन्‍नम एदुर हूळसेक मत्‍तन,” इंचि पेन वेहता पोल्‍लेतुन यसायाहल रासतोर.

रोम सहरतोरहाटीं पौलुसना सिट्‍टि 12:21

मीवा कय्‍दाल सेड्‍डा कबाह्‍क आयाकोंटा उसारते मंटु, बेसता कबाह्‍क कीसि सेड्‍डा कबाह्‍कुन ओळिच्‍चट.

रोम सहरतोरहाटीं पौलुसना सिट्‍टि 3:3

यहुदिल्कुना लोप्पो पेनदा पोल्‍ले केंजवोर इच्‍चुर मत्‍तुर. ओर अल्हा मत्‍तुर इंचि पेन विस्वासमतद आयो इनकुंचंतिरा?

1 कुरेंति 9:22

विस्वासमते कमजोर मत्‍तोर्कुन किरिस्‍तुनगा तर्रालय, नना ओरालेसीं आतन. बल्हैना आयि इच्‍चुरन्‍ना पिसागोम इंचि, बोर बल्हा मंतुर, ननागुडा ओरालेसीं आतन.

1 तिमोति 4:16

निमे नीवा पिस्वर बारेमते आनि निमे वेहना पोल्‍लेन बारेमते वेल्‍ले जेर्गताते मन. अल्हा मत्‍तिनित्‍ते, नीवद निमे कापाळकुंतिन, नीवा पोल्‍लें केंजानोर्कुनगुडा कापाळंतिन.

1 योहान 5:9

मनम मनकनाहेंदाल हीता साक्‍सितुन मानांचंतोम अय्ते, पेनदाहेंदाल हीता साक्‍सि बच्‍चोर पेद्‍दा. बद साक्‍सि अय्ते पेन तना मर्रिना बारेमते हीता. अदे साक्‍सि पेनदा साक्‍सि आंदु.