योहान 5:29 - पवित्र पोल्‍ले

²⁹ पजा बोर अय्ते बेस पुन्‍नेम कबाह्‍क कीतुरो ओर अंटोर बस्‍केळ्‍क पिस्सना पिस्वरहाटीं मर्रा जीवाते तेदानुर. आनि पापि कबाह्‍क कीतोर बारे सिक्‍साताहाटीं मर्रा जीवाते तेदानुर.

योहान 5:29 Iomraidhean Croise

लूकाल 14:14

अस्‍के नीवा बाकि तीरसालय ओर नीकु बतल हिया पर्रुर. गानि पेनदा नदरते नीतिमंतुल्क मत्‍तोर हासि मर्रा जीवाते तेदतस्‍के पेनदाहेंदाल नीकु नीवा इनाम तप्‍पाकोंटा दोर्कंता.”

प्रेरितुल्‍कुना कबाह्‍क 24:15

नीतिते ताकानोर, नीतिते ताकवोर इव्वुरगुडा हातोरा लोप्पोटाल मर्रा जीवाते तेदांतुर इंचि ईर आसे इरताप, ननागुडा पेनदापोर्रो आसे इरंतन.

1 तिमोति 6:18

इचोने आयका इंका ओर्क आदेस हीम गदा, ओर बेस कबाह्‍क कीसेक मनना, बेस कबाह्‍क कीसे सिरमंत आयाना. मनागा मत्‍तदुनाल अव्‍सरम मत्‍तोंक, पंचि हियालय बस्‍केळ्‍क मनसुनाल तयार मनगोम.

इब्रि 10:27

गानि दाना बदुलते, बोर अय्ते पेनदा विरोदमते ताकतुरो ओराहाटीं पेन सिक्‍साता आदेस हीसि, ओर्कुन बरा-बरा पोत्‍तना तळमिते वाट्‍सि बूळ्‍दि किय्‍यार इत्‍ता, वेरियानसोंटा पोल्‍लें मात्रम मिगिल्सि मंतां.

इब्रि 13:16

वेरेतोराहाटीं बेस कियमळतुन आनि मिहगा मत्‍तव्टेटाल ओर्कु तूस हियमळतुन होळ्‍समट. इल्‍हा कियमळगुडा उंदि मोक्‍के आंद. दीनहेंदाल पेन कूस मनंता.

1 पत्रु 3:11

ओर कराब कबाह्‍कुन होळसिसि बेसता कबाह्‍क कियाना, ओर सांतितुन पहकिसि दान पीसि ताकाना.