योहान 5:25 - पवित्र पोल्‍ले

²⁵ नना निजम-निजम वेहासेक, हासोत्‍तोरगुडा पेनदा मर्रिना अल्किर केंजना वेला वासेक मंता. अद अय्ते वासे मंता. बोर अय्ते अद अल्किरतुन केंजांतुर, ओर्क पिस्वर दोर्कार.

योहान 5:25 Iomraidhean Croise

लूकाल 15:24

बारित्‍ते, नावा मर्रि नहागटाल वेल्‍लेन लक्‍कु होंचि हासोत्‍ताप मत्‍तोर, इंदके ओर मल्सि वातोर. तप्‍सोंचि मत्‍तोर गानि इंदके दोर्कतोर, इंचि इत्‍तोर. इल्‍हा ओर कूस आयालय दल्‍गुतुर.

लूकाल 15:32

गानि ईर नीवा तम्मुर वेल्‍लेन लक्‍कु होंचि हासोत्‍ताप मत्‍तोर, इंदके पिस्सि मल्सि वातोर. तप्‍सोंचि मत्‍तोर गानि इंदके दोर्कतोर. अदुनहाटीं मनम कूस आयमळ गावाले इत्‍तोर.” इल्‍हा वेहचि येसु वेसुडि वेहमळ महतोर.

लूकाल 9:60

अस्‍के येसु ओन इत्‍तोर, “बोर अय्ते हाताप मंतुरो, ओरे ओरा हातोरा गति किय्‍यिर. निमे मात्रम होंचि पेनदा राज्येम बारेमता बेसता कबुर वेहा.”

योहान 13:1

इद दुनियातुन होळसि पेनबाबानगा मल्सि होनना वेला दग्गेर्क एव्ता इंचि, येसुंक दाटसि होनना पंडुगुंकन्‍ना मुन्‍नेन तेळियता. इद दुनियाते मनना ओना लोकुल्‍कुन ओर वेल्‍लेन पावरम कीतोर. अचोने आयाका अद पावरमतुन आकिरदाका ओरपोर्रो हुपिच्‍चेकेन मत्‍तोर.

योहान 17:1

इव अन्‍नि पोल्‍लें वेहमळ आतस्के, येसु पोर्रो स्वर्गमताहेके हूळसेक इल्‍हा पारतना कियालय दल्‍गतोर. “बाबा, अंटोर लोकुल्‍कुनपोर्रो निमे नाकु अदिकारम हीतिन. दीनहेंदाल निमे बोर्कुन अय्ते नाकु हीतिनो, ओर्क अंटोर्क नना बस्‍केळ्‍क पिस्सना पिस्वर हीकन. निमे वरोने सत्‍तेम पेनदुन आंदिन, बोर अय्ते नीकुन, निमे लोहता येसु किरिस्‍तुन एरपाट कींतुरो ओर्के आ बस्‍केळ्‍क पिस्सना पिस्वर दोर्कंता. निमे नाकु बव कबाह्‍क अय्ते कियालय हीतिनो, अवुन पुरागा कीसि, नना बूमिपोर्रो नीवा महिमा कीतन. इंदके नावा वेला एव्ता. अदुनहाटीं निमे नाकु कदर हीते, नना नीवा महिमा कींतन.

योहान 4:21

अस्‍के येसु दान्क इल्‍हा वेहतोर: “बाई नाकुन नम्मा! पेनबाबांक मोळ्‍कनाहाटीं इद गुट्‍टातगा हिलाकोंटे येरुसलेम सहर होनना अव्‍सरम हिल्‍ले, मिमेट बगानना मोळ्‍का परंतिट, इसोंटा वेला मुन्‍ने वासेक मंता.

योहान 4:23

गानि पेनदुन निजम मोळ्‍कानोर पेनदा सत्‍तेमतुन एरपाट कीसि ओर पेनदा आत्माते मोळ्‍कना वेला मुन्‍ने वासेक मंता. आनि अद वेला एव्‍से मंतां. बारित्‍ते इल्‍हा मोळ्‍कानोर्कुने पेन मेच्‍कुंता.

योहान 5:21

बल्हा अय्ते बाबो हातोर्कुन मर्रा जीवाते तेहंतोरो, अल्हेन मर्रिगुडा ओन्क इस्‍टमातोर्कुन मर्रा जीवाते तेहंतोर.

योहान 5:28

मिमेट इदुन केंजसि इचंत्रम आयमटु. बारित्‍ते मुन्‍ने इसोंटा वेला वायनद मंता गदा, हातोर अंटोर पेनदा मर्रिना अल्किर केंजानुर.

योहान 6:60

इव पोल्‍लें केंजसि, येसुना सिस्युल्‍कुनाल वेल्‍ले मंदि सिस्युल्क, “इव पोल्‍लें तेळियालय वेल्‍लेन कस्‍टम मंता, इवुन बोर केंजंतुर?” इंचि इनालय दल्‍गतुर.

योहान 8:43

नना वेहानदुन मिमेट असल केंजिर, अदुनहाटींगे नावा पोल्‍लें मीकु अर्तम आयों.

योहान 8:47

बोर अय्ते पेनदा मनकल, ओर पेनदा पोल्‍लें केंजंतोर. गानि मिमेट पेनदा मनकालोर आयिर, अदुनहाटीं मिमेट अव पोल्‍लेन केंजसेक हिल्‍लिर,” इंचि येसु इत्‍तोर.

योहान 9:27

अय्ते गुड्‍डितनमताल दिस्‍सानाल आता आ मनकल, “दीनकन्‍ना मुन्‍नेन नना मीकु वेहतन, गानि मिमेट केंजा हिल्‍लिर. अय्ते मर्रा-मर्रा बारि पूस कीसंतिर? मीकुगुडा ओना सिस्युल्क आयानद मंतना?” इंचि इत्‍तोर.

रोम सहरतोरहाटीं पौलुसना सिट्‍टि 6:4

बापतिस्माहेंदाल मनम येसु सामिनतोनि हासि बोंदा दोसताप आतोम. बल्हा अय्ते पेनबाबाना महिमाता ताकतते किरिस्‍तु हामुरताल मर्रा जीवाते तेदतोर, अल्‍हेने मनमगुडा बापतिस्मा एतसि पूना पिस्वरते ताका परांतोम.

इपीसि 2:1

मुन्‍ने मिमेट तप्‍पु कबाह्‍क कीसि, पापाल्क कीसि आत्माते हासि मत्‍तिर. गानि मीकुनगुडा किरिस्‍तु जीवाते तेहातोर.

इपीसि 2:5

मनम तप्‍पु कबाह्‍क कीसि हासि मत्‍तास्‍के मनाकुन अद किरिस्‍तुनतोनि जीवाते तेहाता. पेन कुर्पा कीताहेंकेन मीकु मुक्‍ति दोर्कता.

इपीसि 5:14

अदुनहाटींगे मरि, “अरे निद्राते मनानोना, हातोराव्टेटाल तेदसि उद्‍दा. किरिस्‍तुना वेलगु नीपोर्रो मेर्संता,” इंचि रासि मंता.

कुलुसि 2:13

मिमेट तप्‍पु कबाह्‍क कीतिर, यहुदि आयवोर मत्‍तिर, अदुनहाटीं आत्माते हासि मत्‍तिर. गानि पेन मना अन्‍नि पापाल्कुन मापि कीसि किरिस्‍तुनतोनि मीकुन जीवाते तेहता.

पेन हुपिस्‍ता पोल्‍लें 3:1

सरदिस सहरता कलिसियाता दूताक इल्‍हा रासा. बोनगा अय्ते पेनदा एडुं सुक्‍कां आनि एडुं आत्मां मंतां ओर बतल इंतोर इत्‍ते, निमे कियाना कबाह्‍क नाकु एरपाटे; नीवद निमे “जीवाते मंतन” इंचि इनकुंचंतिन गानि असल इत्‍ते निमे हासि मंतिन.