योहान 5:19 - पवित्र पोल्‍ले

¹⁹ अस्‍के येसु ओर्क इल्‍हा वेहतोर: “नना मीकु निजम-निजम वेहचंतन, मर्रि ओनद-ओर बतले किय्योर. गानि बाबो बतल-बतल अय्ते कींतोर, बाबो कियनदुन हूळसि मर्रि अल्हेन कींतोर.

योहान 5:19 Iomraidhean Croise

मत्‍तयाल 26:39

इच्‍चुर मुन्‍ने होंचि बोकबोर्लें अर्सि ओर इल्‍हा पारतना कियालय दल्‍गुतोर, “ए बाबा, ओक्‍कला कुदुरते, नावा इद गोसा तप्‍पिसि होन्‍नि, गानि इद नावा विचारम मत्‍ताप आयो, नीवा विचारम मत्‍तापे आयि.”

लूकाल 21:15

वेला वातस्के नना मीकु इसोंटा पोल्‍लें आनि बुद्‍दि हींतन गदा, मिमेट वळ्कानेंके मीवा पगातोर केंजसि वळ्‍काकोंटा आयनुर, इंका मीवा पोल्‍लेक अड्‍डमगुडा वळ्का पर्राकोंटा आयानुर.

योहान 10:18

नावा जीवातुन नहगटाल बोरे तेंडकुन्‍नुर, नावा जीवातुन नना कुद्‍दे हींतन. नावा बाबाल नाकु आदेस हीताहेंका नावा जीवातुन हियनद, हीसि मर्रा मल्सि तेंडकुनना अदिकारम नाकु मंता,” इंचि येसु इत्‍तोर.

योहान 12:49

बारित्‍ते नना नावा मनसुंक वाताप वळ्का हिल्‍लेन, गानि नना बतल वळकना, बतल वेहना, इंचि नाकुन लोहचीता बाबाले नाकु आदेस हीतोर.

योहान 12:50

ओना आदेस बस्‍केळ्‍क पिस्सना पिस्वरताहेके ओंता इंचि, नाकु एर्का मंता. अदुनहाटीं बाबाल नाकु बल्हा वेहना इंचि वेहतोरो, अल्हेन नना मीकु वेहचंतन,” इंचि ओर्क वेहतोर.

योहान 14:10

नना बाबाना लोप्पो, बाबाल नावा लोप्पो मंतोर. इदुन निमे विस्वासम कीसेक हिल्‍लिना? नना वेहना पोल्‍लें ना इच्‍चटा नना वेहसेक हिल्‍लेन, गानि नावा लोप्पो मनना नावा बाबाल, ओना कबाह्‍कुन नाहेंदाल कीकुंचंतोर.

योहान 2:19

अस्‍के येसु, “इद गुळितुन कूल्हाट, नना मूड रोजकुने मर्रा निलाहंतन,” इंचि जवाब हीतोर.

योहान 3:3

अस्‍के येसु ओन, “नना निजम-निजम वेहासेक, बोरे आयिर, पूना रीतुने मर्रा पुट्‍टुवा, ओर पेनदा राज्येमतुन हूळा परोर,” इंचि वेहतोर.

योहान 5:21

बल्हा अय्ते बाबो हातोर्कुन मर्रा जीवाते तेहंतोरो, अल्हेन मर्रिगुडा ओन्क इस्‍टमातोर्कुन मर्रा जीवाते तेहंतोर.

योहान 6:38

बारित्‍ते नना नावा इच्‍चां पूरा कियालय स्वर्गमताल हिळु रेय्‍सि वाया हिल्‍लेन. नाकुन लोहतोना इच्‍चातुन पूरा कियालय नना वातन.

योहान 8:28

अदुनहाटीं येसु, “मनकना रूपमते पुटतोन नाकुन, बस्के अय्ते वेलाड वाटमळ जर्रगंतनो, अस्‍के, ओन ननाने आंदुन इंचि, मीकु एरपाट आयार. अचोने आयका, नना सतागा बतले कीसेक हिल्‍लेन, गानि बव पोल्‍लें अय्ते बाबाल नाकु कराहतोरो, अवे पोल्‍लें नना वेहतन.

योहान 9:4

नाकुन लोहतोना कबाह्‍कुन मनम, पोळ्‍द होनाका मुन्‍नेन महापींता. बोरे कबळ किया परुर असोंटद नर्का वायनद मंता.

प्रेरितुल्‍कुना कबाह्‍क 2:24

गानि येसुन पेन हामुटाल अलग कीसि मर्रा जीवाते तेहाता, अदुनहाटीं हामुर ओन इर्रा पराहिल्‍ले.

रोम सहरतोरहाटीं पौलुसना सिट्‍टि 6:4

बापतिस्माहेंदाल मनम येसु सामिनतोनि हासि बोंदा दोसताप आतोम. बल्हा अय्ते पेनबाबाना महिमाता ताकतते किरिस्‍तु हामुरताल मर्रा जीवाते तेदतोर, अल्‍हेने मनमगुडा बापतिस्मा एतसि पूना पिस्वरते ताका परांतोम.

रोम सहरतोरहाटीं पौलुसना सिट्‍टि 8:11

येसु किरिस्‍तुन हातोरव्टेटाल मर्रा जीवाते तेहता पेनदा आत्मा ओक्‍कला मीलोप्‍पो मनानय्ते, मीवा नासडेम आसि होनना मेंदुलतुनगुडा, मीलोप्‍पो मनना दाना आत्माहेंदाल जीवाते इर्रंता.

1 कुरेंति 15:12

किरिस्‍तु हातोरा लोप्पोटाल जीवाते तेदतोर इंचि मोमोट गिंटा कबुर वेहानय्ते, हातोर मर्रा जीवाते तेदुर इंचि मीवा लोप्पोटोर इच्‍चुर इंतुर. अल्हा बारि इंतुर?

2 कुरेंति 4:14

बारित्‍ते, सामि येसुन जीवाते तेहता पेने मोमोट येसुना लोप्पो कलियसि मत्‍ताहाटीं माकुनगुडा जीवाते तेहंता आनि मीवातोनि माकुनगुडा दाना मुन्‍ने निप्‍संता इंचि माक एरपाटे मंता.

2 कुरेंति 5:10

बारित्‍ते मनक अंटोर्क किरिस्‍तुना न्‍यायम कियाना राजगद्‍दे मुन्‍ने नित्‍ताना मंता. मनागटाल हरेक मनकंक मनम कीता बेसता कबाह्‍क आयि, कराब कबाह्‍क आयि अवुना हिसाबते इनाम हिलाकोंटे सिक्‍सा दोर्कंता.

इपीसि 2:5

मनम तप्‍पु कबाह्‍क कीसि हासि मत्‍तास्‍के मनाकुन अद किरिस्‍तुनतोनि जीवाते तेहाता. पेन कुर्पा कीताहेंकेन मीकु मुक्‍ति दोर्कता.

इपीसि 3:16

पेनबाबाल ओना वेल्‍लेन कदरगल्‍ला महिमाता दनमतुन पीसि, ओना आत्मातोनि मीवा पिस्वरतुन लोप्पोटाल इरगा गट्‍टिगा किय्‍यिर इंचि पारतना कीसंतन.

पिलिपिया 3:21

अन्‍निटवुन ओना कय्‍दा हिळु इर्रना ताकत ओनगा मंता. ओर वातस्के आ ताकततोने मना नासडेम आयाना इद मेंदुलतुन बदलांचि ओर हासि तेदतस्‍के ओन्क दोर्कतसोंटा महिमाता मेंदुललेसीं कियानुर.

पिलिपिया 4:13

किरिस्‍तु नाक ताकत हीसेक इंचि, बसोंटा परिस्तिति वायिनागानि नना अन्‍नि किया परांतन.

कुलुसि 1:11

दाना महिमाता अन्‍नि तीरकुना बलमतोनि मीकुन गट्‍टिगा कींता, अदुनहाटीं अन्‍नि तीरकुना ओप्के, ओर्सकुनमळ इद मीक आनंदमतोनि दोर्कंता.

कुलुसि 1:16

बारित्‍ते, स्वर्गमते आयि, बूमिपोर्रो आयि, दिस्सानव आयि, दिस्‍सुवव आयि, राजगद्‍दें आयिं, सरकार आयि, पेद्‍दाल्‍क आयिर, आदिकारिल्‍क आयिर इव अन्‍निन ओनतोनि, ओनाहेंदाल आनि ओनाहाटीं पुटिच्‍मळ जर्गता.

1 तेसलोनि 4:14

बारित्‍ते येसु हासि मर्रा जीवाते तेदतोर इंचि मनम विस्वासम कींतोम, अल्‍हेने बोर अय्ते येसुन विस्वासम कीसि हातुर, ओर्कुन पेन येसुनतोनि पीसि वायार.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

पेन हुपिस्‍ता पोल्‍लें 2:23

अद कराहता पोल्‍लेन पीसि ताकाना दाना पिलाल्कुन नना हव्‍किसि पोहंतन. अस्‍के, बुद्‍दितुन आनि मनसुन एरपाट कियानोन ननाने आंदुन इंचि अन्‍नि कलिसियातोर्क तेळियार. पजा मीकु वरो-वरोंक मिमेट कीता कबाह्‍कुन पीसि, इनाम हींतन.