योहान 5:15 - पवित्र पोल्‍ले

¹⁵ पजा आ मनकल यहुदिल्कुना पेद्‍दाल्कुंक कलियसि, “नाकुन बिमारताल बेस कीतोर, येसु आंदुर,” इंचि वेहतोर.

योहान 5:15 Iomraidhean Croise

मरकुस 1:45

गानि आ मनकल अगटाल पेय्सि अद पोल्‍ले अंटोर्क वेहालय दल्‍गतोर. अस्‍के, “अंटोर्क तेळियता, नाकुन हूळसि लोकुल्‍क मंदानां-मंदां वांतुर,” इन्कुंचि येसु कळमता नाह्कुने होना हिल्‍लोर. ओर अल्किर हिल्वा जेगाते मत्‍तोर, अगागुडा लोकुल्‍क नालुं-मूलानाल ओना जाडा पीसि होत्‍तुर.

योहान 1:19

“निमे बोन आंदिन?” इंचि योहानुन पूसकियालय येरुसलेम सहरते मनना यहुदि पेद्‍दाल्क, इच्‍चुर पेर्मालोर्कुन आनि लेवि जातितोर्कुन, ओनगा लोहतस्के योहानुना गवाइ इल्‍हा मत्‍ता.

योहान 4:29

“इदवेरादाका नना कीतव अन्‍निना बारेमते वरोर मनकल वेहतोर. ओरे किरिस्‍तु बारे, मिमेट वासि हुळट!” इंचि नाटेनोर्कुन इत्‍ता.

योहान 5:10

अदुनहाटीं बिमारताल बेस आता मनकन, “नोमकेम रोजुने निमे इल्‍हा कटुल तेहचि ताकमळ मावा दर्मसास्‍त्रम परकारम न्‍यायम आयो,” इंचि यहुदि पेद्‍दाल्क इत्‍तुर.

योहान 5:12

अस्‍के “नीकुन कटुल पीसि ताका इंचि वेहतोर, ओर बोर आंदुर?” इंचि यहुदि पेद्‍दाल्क ओन पूसकीतुर.

योहान 5:16

येसु इसोंटा कबाह्‍क नोमकेम रोजुननाड कीतोर इंचि यहुदि पेद्‍दाल्क येसुन तकलिप कियालय दल्‍गतुर.

योहान 5:18

येसु इल्‍हा इत्‍ताहेंका यहुदि पेद्‍दाल्क ओन हव्कालय उंदे पट्‍टु पीतुर. बारित्‍ते नोमकेम रोजुने कबळ कियानायो इत्‍ता नियमतुन ओर हेळाहतोर. आनि पोर्रोटाल, पेनदुन “ना बाबाल,” इंचि वेहचि “नना पेनदुक समानमतोन” इंचि ओनद ओरे वेहकुत्‍तोर.

योहान 9:15

तत्‍तस्के, आ मनकन, “नीवा दिसवा कळ्‍क बल्हा दिसालय दल्‍गतां?” इंचि परिसिल्कगुडा पूसकीतुर. अस्‍के आ मनकल, “ओर नावा कळ्‍कुंक बुर्दा होकतोर, पजा होंचि नोरतस्के, नावा कळ्‍क दिसालय दल्‍गतां,” इंचि इत्‍तोर.

योहान 9:25

अस्‍के गुड्‍डितनमताल दिस्‍सानाल आता आ मनकल, “ओर मनकल पापि आंदुरो, आयोरो नाकु एरका हिल्‍ले. गानि मुन्‍ने नाकु कळ्‍क दिस्साकोंदुं, इंदके दिसंतां, इद मात्रम नाकु एरका,” इंचि इत्‍तोर.

योहान 9:30

पजा आ मनकल इल्‍हा वळ्कालय दल्‍गतोर, “इद वेल्‍लेन इचंत्रम आयना पोल्‍ले आंद. ओर बगाटाल वातोर मीकु बतले एरपाट हिल्‍ले. अय्नागानि ओर मात्रम नावा दिसुवा कळ्‍कुन दिस्‍सानाल कीतोर.

योहान 9:34

इव पोल्‍लें केंजसि परिसिल्क, “निमे अय्ते पुरागा पापमते पुट्‍सि-बेरस्तोन आंदिन. निमे माकु कराहंतिना?” इंचेके आ मनकन पेचाहचि गेदुमतुर.