योहान 4:47 - पवित्र पोल्‍ले

⁴⁷ अय्ते यहुदिया राज्येमताल गालिल राज्येमते येसु वातोर इंचि ओन्क कबुर तेळियताहेंका ओर येसुंक कलियालय होत्‍तोर. होंचि येसुना काल्कुनपोर्रो अरसि, “नावा मर्रि इरगा बिमार आसि हायनाल आसि मंतोर, निमे ओन बेस कियालय नातोनि ताका,” इंचि विनंति कीतोर.

योहान 4:47 Iomraidhean Croise

मत्‍तयाल 2:1

येसु यहुदिया एरियाता बेतलहेम नाटे पुटतस्के अगा हेरोद इनना राजाल राज्येम कीसेक मत्‍तोर. अदे कालमते पोळ्‍द पेयसनाहेंदाल बोरो पंचांगम हूळानोर येरुसलेम सहरते वातुर.

मरकुस 10:47

नासरेत सहरता येसु इगेटाल होंचेके मंतोर इंचि ओन्क तेळियतस्के ओर, “येसु, दाविद राजाना वंसमतोना! नापोर्रो दया कीम,” इंचि जोरसे वरगेयतोर.

लूकाल 8:41

अच्‍चोटेन दर्मसास्‍त्रम कराहना लोता अदिकारि याईर इननोर अगा वातोर. ओन्क पन्‍नेंड वर्सानद उंदे मिय्यड मत्‍ता, अद हायनाल आसि मत्‍ता. अदुनहाटीं ओर येसुना काल्कुनपोर्रो अर्सि, “नावा लोन वा,” इंचि विनंति कीतोर. अस्‍के येसु आ अदिकारिनतोनि होनालय पेय्सतोर. अगा ओना सुट्‍टु वेल्‍ले गर्दि मत्‍ताहेंके लोकुल्‍क दोब्बें-नूकें कीसि येसुन इटसेक मत्‍तुर.

योहान 11:21

मार्ताल येसुंक कलियसि, “सामि, निमे गिंटा इगे मंचि मत्‍ते, नावा तम्मुर हायाकोन्‍नेर.

योहान 11:32

येसु मत्‍ता जेगातगा मरियम एवसि, ओन हूळता. हूळसि ओना काल्कुनपोर्रो अरसि, “सामि, निमे इगे मंचि मत्‍ते ना तम्मुर हायाकोन्‍नेर,” इंचि इत्‍ता.

योहान 4:3

इद पोल्‍ले सामिंक तेळियतस्के ओर यहुदिया राज्येमतुन होळसि, मर्रा गालिल राज्येम होनालय पेय्सतोर.

योहान 4:54

यहुदियाताल गालिलते वासि येसु कीतद इद रोंडो इचंत्रमायना चिन्‍हे आंद.

प्रेरितुल्‍कुना कबाह्‍क 9:38

लुद्‍दा नार यापा सहरकु दग्गेरेन मत्‍ता. अय्ते पत्रु अगा मंतोर इत्‍ता संगति सिस्युल्कुंक तेळियतस्के इव्वुर मनकालोर्कुन ओनगा लोहचि, आलसेम कियाकोंटा ओरहेके वायालय विनंति कीतुर.