योहान 4:42 - पवित्र पोल्‍ले

⁴² “सिराप निमे वेहताहेंकेन मोमोट येसुन नम्मा हिल्‍लोम. इंदके कुद्‍दु मोमोटे ओना पोल्‍ले केंजसि, दुनियातोर्कुन पिसागोटना निजम किरिस्‍तु ईरे आंदुर इंचि मोमोट विस्वासम कीतोम,” इंचि आ लोकुल्‍क मुरतटुन इत्‍तुर.

योहान 4:42 Iomraidhean Croise

मत्‍तयाल 1:21

अद पेडन कनंता, ओर ओना लोकुल्‍कुन ओरा पापाल्कुनाल पिसागोटंतोर. अदुनहाटीं ओना पोरोल येसु दोस्‍सा,” इंचि वेहता.

लूकाल 2:32

वेरे जातिनोर्क बेसता हर्रि हुप्‍सना वेल्‍गु, नीवा इस्राएल लोकुल्‍कुंक पेनदाहेंदाल दोर्कुता पेद्‍दातनम ओरे आंदुर.”

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 11:17

बेतानि नाटे एवतस्‍के, लाजरुन बोंदाते ताससि नालुं रोजकु आता, इंचि येसुंक तेळियता.

योहान 17:8

बारित्‍ते बव पोल्‍लें अय्ते निमे नाकु हीतिनो, अवुन नना ओर्क एविच्‍तन. ओर अवुन ओप्‍कुत्‍तुर. नना निजम निहागटाले वातन, नाकुन निमेन लोहतिन इंचि ओर विस्वासम कीतुर.

योहान 4:29

“इदवेरादाका नना कीतव अन्‍निना बारेमते वरोर मनकल वेहतोर. ओरे किरिस्‍तु बारे, मिमेट वासि हुळट!” इंचि नाटेनोर्कुन इत्‍ता.

योहान 4:41

येसु कराहता पोल्‍लें केंजसि इंका वेल्‍लेन लोकुल्‍क ओन विस्वासम कीतुर.

प्रेरितुल्‍कुना कबाह्‍क 13:23

“पेन हीता पोल्‍ले परकारम ईना वंसमताले इस्राएल लोकुल्‍कुंक मुक्‍ति हियानोर इंचि येसुन, पेन लोहता.

प्रेरितुल्‍कुना कबाह्‍क 4:12

येसुना पोरोल तप्‍पा मब्बुना हिळु मनानोरा बोना पोरोले मनाकुन पापमताल पिसागोट्‍टो, इंका बोरे मनाकुन पिसागोट्‍टोर,” इंचि वेहतोर.

प्रेरितुल्‍कुना कबाह्‍क 5:31

हामुरताल तेहचि ओने पेन, राजाल आनि पिसागोटनोर इंचि निलाहता. मावा इस्राएलता दादालोर्कुंक मनसु मार्सकुनालय, पापाल्कुनाल मापि कियालय पेनदा तिना बाजुंक ओन कदर हीसि उपिस्ता.

2 कुरेंति 5:19

अद बल्हा इत्‍ते, लोकुल्‍कुना पापाल्क लेक्‍का पिय्याकेन, ओर्कुन किरिस्‍तुना हामुरताहेंदाल दानतोनि कल्‍पता. इल्‍हा कल्‍पना पोल्‍लेतुन लोकुल्‍कुनगा ओयालय माकुन निल्‍हाता.

1 तिमोति 4:10

इदुनाहाटींगें मनम बागा कस्‍टपळसेके, पोराटम कीसेके मुन्‍नेळ्‍क ताकसेके मंतोम. बारित्‍ते मनम मना आसे, बस्‍केळ्‍क जीवाते मननद आनि अंटोर लोकुल्‍कुन कापाळना पेनदापोर्रो इरतोम, विसेस कीसि दान विस्वासम कियानोर्कुन पिसागोटना पेनदापोर्रो इरतोम.

1 योहान 2:2

मना पापाल्क मापि आयाना इंचि ओर मनाहाटीं मोक्‍कु आतोर. ओर सिराप मना पापाल्क मापि आयानाहाटींगे आयो, पूरा दुनियातोरा पापाल्क मापि आयानाहाटीं मोक्‍कु आतोर.

1 योहान 4:14

दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.