योहान 4:38 - पवित्र पोल्‍ले

³⁸ बोरो वेरेतोर कस्‍टपळसि पंडिस्ता पंटातुन कोय्‍यालय नना मीकुन लोहतन. मिमेट कस्‍टपळा हिल्‍लिर, गानि ओर कीता कस्‍टमता पायदा मीकु दोर्कसंता,” इंचि येसु वेहतोर.

योहान 4:38 Iomraidhean Croise

मत्‍तयाल 4:23

यहुदिल्कुना दर्मसास्‍त्रम कराहना लोतागा येसु पेनदा पोल्‍लें कराहतोर. स्वर्ग राज्येम बारेमते बेसता कबुर वेहचेके, लोकुल्‍कुना अन्‍नि तीरकुना रोगाल्‍कुन, कमजोरिन बेस कीसेके गालिल एरियाते पूरा तिरियतोर.

योहान 1:7

आ वेलगुना बारेमते ओर गवाइ वेहतस्के ओना पोल्‍ले केंजसि, अंटोर लोकुल्‍क आ वेल्‍गुनपोर्रो विस्वासम कियना, इंचि ओर वेहालय वातोर.

योहान 17:18

बल्हा अय्ते निमे नाकुन ई दुनियाते लोहतिन, अल्हेन नना ईरकुन दुनियाते लोहंतन.

योहान 4:37

वरोर वीतंतोर, इंकावरोर कोय्‍यंतोर इनना वेसुड इगे निजम आंता.

योहान 4:39

“नना कीतव अन्‍निना बारेमते वरोर मनकल नाकु वेहतोर,” इंचि वेहता, आ मुरतटा गवाइतुन केंजसि, अद नाटेना वेल्‍लेन मंदि सामरिया लोकुल्‍क, येसुनपोर्रो विस्वासम इरतुर.

प्रेरितुल्‍कुना कबाह्‍क 2:41

अस्‍के बोर अय्ते ओना पोल्‍लेन ओप्‍कुत्‍तुर, ओर अंटोर बापतिस्मा एततुर. इल्‍हा ओर अंटोर कलियसि मूड वेय्‍कुना मंदि आतुर.

प्रेरितुल्‍कुना कबाह्‍क 4:32

विस्वासुल्‍क अंटोर उंदि मनसु, उंदि जीवा आसि मत्‍तुर. बोरन्‍ना आयि बदे सोम्मु, इद नावद इंचि इनाकोंदुर, गानि बोनगन्‍ना बतलन्‍ना मत्‍ते दान तूसकुनुंदुर.

प्रेरितुल्‍कुना कबाह्‍क 4:4

गानि बोर अय्ते ओरा पोल्‍लें केंजतुरो, ओराव्टेटाल वेल्‍लेन मंदि येसुनपोर्रो विस्वासम कीतुर. विस्वासम कीतोरा लोप्पोटाल मांड्‍सा दग्‍गेर-दग्‍गेरा हेय्युं वेयकुनदाका आतुर.

प्रेरितुल्‍कुना कबाह्‍क 5:14

अयना वेल्‍लेन मंदि मुर्ताह्क-मांडसा सामिन विस्वासम कीसि ओरगा वासि कलियुंदुर, इल्‍हा एक्‍कोते एक्‍को मंदि बेरस्सेक होत्‍तुर.

प्रेरितुल्‍कुना कबाह्‍क 6:7

इल्‍हा पेनदा पोल्‍ले वेल्‍लेन मंदिक एवसेक होत्‍ता. येरुसलेमते विस्वासुल्कगुडा वेल्‍लेन आतुर. अचोने आयका वेल्‍लेन मंदि यहुदि पेर्मालोर्कगुडा विस्वासमते वातुर.

2 कुरेंति 10:15

वेरेतोर कीता कबळतुन मोमोटे कीतोम इंचि पेद्‍दिरकेम किय्‍योम. बल्हा-बल्हा मीवा विस्वासम बेर्स्‍सेके दांता, अल्हा-अल्हा मावा सेवा मना गेट्‍टुना लोप्‍पोने मीवाहाटीं पैलांचेके दांता इंचि आसे मंता.