योहान 4:36 - पवित्र पोल्‍ले

³⁶ पंटा कोय्‍यानोर बूति दोर्किच्‍कुंचेक मंतोर आनि बस्‍केळ्‍क पिस्सना पिस्वरताहाटीं पलम जमा कीसेक मंतोर. दीनहेंदाल वीततोर, कोय्‍यानोर इव्वुरगुडा कुसिते कलियसि मना परांतुर.

योहान 4:36 Iomraidhean Croise

मत्‍तयाल 19:29

अचोने आयका नावाहाटीं बोर अय्ते लोन-दारातुन, दादल-तम्मुह्‍कुन, अक्‍कल-हेलाह्कुन, तल्‍लुर-बाबोन, पिलाल्कुन, इंका बूमिं-जेगान होळसीतुरो ओर्कु आ होळसीतवुंकन्‍ना नूर अंताल्‍क एक्‍को दोर्कार. इंका ओर बस्‍केळ्‍क पिस्सना पिस्वरता वारसदार आयानुर.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

योहान 4:14

गानि नना हियना एतुन बोर अय्ते उंटोरो, ओन्क मर्रा बस्‍केने दूपायो. नना हीता एर ओनालोप्‍पो बस्‍केळ्‍क ऊरसेके मनना ऊटालेसीं मारियसि, ओन्क बस्‍केळ्‍क पिस्सना पिस्वरतुन हिय्यार,” इंचि जवाब हीतोर.

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

रोम सहरतोरहाटीं पौलुसना सिट्‍टि 1:13

विस्वासुल्‍कुनिटा! नना मीकु वेहानद बतल इत्‍ते, यहुदि आयवा लोकुल्‍कुंक बेसता कबुर वेह्‍चि ओर्क सहायम कीतन, अस्‍के ओर ओरा विस्वासमता पिस्वरते बेस बेर्सतुर. अल्हेन मिमेटगुडा मीवा विस्वासमता पिस्वरते बेस बेर्सना इंचि नना ऊके-ऊके मिहगा वायालय हूळुंदुन, गानि इदवेरादाका बतलन्‍ना-बतल अड्‍डम वासेक मत्‍ता, इद पोल्‍ले मीकु तेळियना इंचि नना वेहासेके मंतन.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

रोम सहरतोरहाटीं पौलुसना सिट्‍टि 6:22

गानि इंदके पेन मीकुन पापमता कय्‍दाल होळसीताहेंका मिमेट दाना दासुल्क आतिर. अदुनहाटीं इंदके मीकु दोर्कना इनाम बतल इत्‍ते, पेन मीकुन दाना पवित्र हर्दे ताक्‍किचि, आकिरते बस्‍केळ्‍क पिस्सना पिस्वरताहेके ओंता.

रोम सहरतोरहाटीं पौलुसना सिट्‍टि 6:23

पापि कबाह्‍कुना कूलि इंचि मनाकु हामुर दोर्कंता. गानि पेन मनाकु मना सामि येसु किरिस्‍तुनहेंदाल वरम इंचि बस्‍केळ्‍क पिस्सना पिस्वर हींता.

1 कुरेंति 9:17

नना ओक्‍कला नावा इच्‍चाताल इदुन कीते नाक इनाम दोर्कंता. ना इच्‍चाताल कियाकोन्‍नागानि दाना जिम्मेदारि पेन नाक अप्पजेपता.

1 कुरेंति 9:18

अय्ते नावा इनाम बतल? नना बेसता कबुर वेहनेंके नाक दोर्कना अदिकारम एताका बेसता कबुर पुक्‍कटते वेहमळ, इदे नावा इनाम आंद.

1 तेसलोनि 2:19

मावा आसे आयि, मावा कुसि आयि, मना येसु सामि मर्रा वायानस्के ओना मुन्‍ने मावा पेद्‍दातनमता किरिटम आयि! बतल आंद? मिमेट आयिरा?

1 तिमोति 4:16

निमे नीवा पिस्वर बारेमते आनि निमे वेहना पोल्‍लेन बारेमते वेल्‍ले जेर्गताते मन. अल्हा मत्‍तिनित्‍ते, नीवद निमे कापाळकुंतिन, नीवा पोल्‍लें केंजानोर्कुनगुडा कापाळंतिन.