Biblia Todo Logo
Bìoball air-loidhne

- Sanasan -




योहान 3:36 - पवित्र पोल्‍ले

36 पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

Faic an caibideil Dèan lethbhreac




योहान 3:36
38 Iomraidhean Croise  

पजा “ई सेड्‍डा लोकुल्‍कुंक मारवा सिक्‍सा आंता. नीतिमंतुल्‍कुंक बारे बस्‍केळ्‍क पिस्सना पिस्वर दोर्कंता,” इंचि येसु इत्‍तोर.


बोर अय्ते विस्वासम कीसि, बापतिस्मा एतंतोर ओनके मुक्‍ति दोर्कंता, गानि बोर अय्ते विस्वासम किय्योर, ओनकु पेन सिक्‍साता आदेस हिय्यार.


बारित्‍ते निमे पेरकुत्‍ता पिसागोटनोन नना नावा कळ्‍कुन निंडा हूळतन,


अस्‍के अंटोर लोकुल्‍क पेन मुक्‍ति हियानदुन हूळंतुर.”


गानि बोर अय्ते ओन ओप्‍कुंचि ओना पोरोल पोर्रो विस्वासम कीतुरो, ओर्क अंटोर्क पेनदा मर्क-मियाह्क आयना अदिकारम ओर हीतोर.


नना अवुंक बस्‍केळ्‍क पिस्सना पिस्वर हींतन, अव बस्‍केने नासडेम आयों, नावा कय्‍दाल अवुन बोरे गुंजकुना पर्रोर.


अस्‍के येसु ओन, “नना निजम-निजम वेहासेक, बोरे आयिर, पूना रीतुने मर्रा पुट्‍टुवा, ओर पेनदा राज्येमतुन हूळा परोर,” इंचि वेहतोर.


पंटा कोय्‍यानोर बूति दोर्किच्‍कुंचेक मंतोर आनि बस्‍केळ्‍क पिस्सना पिस्वरताहाटीं पलम जमा कीसेक मंतोर. दीनहेंदाल वीततोर, कोय्‍यानोर इव्वुरगुडा कुसिते कलियसि मना परांतुर.


नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.


स्वर्गमताल हिळु वाता निजम तिंडि ननाने आंदुन. मीवा एनकटा पेद्‍दाल्क मन्‍ना इनना तिंडि तिंचिगुडा हातुर, गानि इद तिंडितुन तिनानोर मात्रम बस्‍केळ्‍क जीवाते मनांतुर,” इंचि येसु ओर्क वेहतोर.


नना निजम-निजम वेहासेक, बोरे आयिर नना कराहता पोल्‍लेनपोर्रो ताकानय्ते, ओर बस्‍केने हामुरतुन हूळोर,” इंचि इत्‍तोर.


गानि विस्वासम कियवा यहुदिल्कु, विस्वासुल्‍कुनतोनि जगडम कियालय वेरे जातितोर्कुन एक्‍किस्तुर.


पेन नियमकु हीतस्के अवुन पीसि ताका पींता. ताकाकोंटे पेन सिक्‍सा हींता. गानि नियमकु हिलाकोंटे अवुन नेम्‍हना सवालगुडा वायो.


येसु सामिना नेत्‍तुरहेंदाल पेन मनाकुन नीतिमंतुल्क कीता. अदुनहाटीं पेनदा होंगुनाल मनाकुन तप्‍पाकोंटा ओनाहेंदाले पिसागोटमळ जर्गंता.


अदुनहाटीं बोर अय्ते येसुन नम्मिसि ओनतोनि कलियतुर, ओर्क पेन सिक्‍सा हिय्यो. बारित्‍ते येसुन विस्वासम कीतोर, ओर ओरा बुद्‍दि मत्‍ताप आयो गानि आत्मा वेहताप ताकंतुर.


गानि बोर अय्ते मूसाना नियमतुन नम्मिसि मनंतोरो, ओन्क सिराप सापनेमे दोर्कंता. बारित्‍ते, “मूसाना नियमते रासि मत्‍ता अन्‍नि नियमकुन अन्‍नि वेलाते बरोबर पीसि ताकवोर अंटोर्क पेनदा सापनेम दल्‍गंता,” इंचि दर्मसास्‍त्रमते रासतद मंता.


उत्‍तुत्‍ता पोल्‍लें वळ्‍किसि मीकुन बोरन्‍ना पोक्‍कते अरहानायो हुळाट. बारित्‍ते इसोंटा कबाह्कुनहेंकेन पेन दाना आदेस परकारम ताकवोरपोर्रो होंग हुपसंता.


पेन येसुन हातोरव्टेटाल तेहता. इंदके स्वर्गमताल दाना मर्रि येसु मल्सि वायानदुन एदुर हूळसेक मंतिर, इंचि इव पोल्‍लें अंटोर्क वेहासेक मंतुर. वायाना पेनदा होंगुनाल ओरे येसु मनाकुन पिसागोटंतोर.


बारित्‍ते पेन मनापोर्रो होंग हुप्‍सालय आयो, गानि मना येसु किरिस्‍तु सामिनाहेंदाल मुक्‍ति दोर्किच्‍कुनालय मनाकुन निलाहता.


अय्ते, इंदके पेनदा मर्रिन पास्काना मनकंक, बद नेत्‍तुरहेंदाल अय्ते पवित्र कियमळ जर्गता आ पूना करारता नेत्‍तुरतुन, पवित्र आयो इंचि इनना मनकंक, कुर्पा हुप्‍साना पेनदा आत्मातुन पास्कानोंक, बच्‍चोन पेद्‍दा सिक्‍सा दोर्कारो, मिमेटे विचारम कीसि हुळट.


अय्ते इच्‍चोर पेद्‍दा मुक्‍तिता कबुरतेके लक्‍से इर्राकोंटे, वायाना सिक्‍साताल मनम बल्हा तपिच्‍कुना पर्रांतोम? इदुना बारेमते मोट्‍टा मोदाला सामिए वेहतोर. अद कबुरतुन सामिनगटाल बोर अय्ते केंजतुरो, ओर अद कबुरतुन मनाकु तेळियागोट्‍सि रुजुव कीतुर.


“ओर्कुन आराम दोर्कना जेगाते बस्‍केने होळिया हिय्योन,” इंचि पेन बोरा बारेमते ओट्‍टु तित्‍ता? दाना पोल्‍ले परकारम बोर अय्ते ताका हिल्‍लुरो, ओरा बारेमतेन गदा!


इल्‍हा ओर्कु विस्वासम हिलुवाहेंकेन, ओर आराम दोर्कना जेगाते होळिया पर्राहिल्‍लुर, इंचि मनाकु तेळियंता.


गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.


Lean sinn:

Sanasan


Sanasan