योहान 3:32 - पवित्र पोल्‍ले

³² ओर अगा बतल अय्ते हूळतोर, केंजतोर अदुना बारेमतेन गवाइ वेहंतोर, गानि ओना गवाइतुन बोरे नम्मुर.

योहान 3:32 Iomraidhean Croise

मत्‍तयाल 7:8

बारित्‍ते बोर अय्ते तल्कंतोर ओन्क हियमळ जर्गंता, बोर अय्ते पह्कंतोर ओन्क दोर्कंता, बोर अय्ते तल्‍पुन तनंतोर ओनाहाटीं तल्‍पु तेंडमळ जर्गंता.

योहान 1:11

ओर ओना लोकुल्‍कुनेन वातोर, गानि कुद्‍दु ओना लोकुल्‍के ओन ओप्कुना हिल्‍लुर.

योहान 15:15

इंदकेटाल नना मीकुन दासुल्क इंचि केयोन. बारित्‍ते मालक बतल कींतोर अद ओना दासुंक बतल तेळियो. गानि नना अय्ते मीकुन दंटातोर इंचि केयंतन. बारित्‍ते नावा बाबाल नाकु वेहता अन्‍नि पोल्‍लें मीकु वेहतन.

योहान 18:37

अस्‍के पिलातुस, “अल्हा अय्ते निमे राजाना?” इंचि इत्‍तोर. अय्ते येसु, “निमेन इंचंतिन नाकुन राजाल इंचि! नना अय्ते सत्‍तेम बारेमते गवाइ वेहालय पुटतन. इद कारनमहाटींगे नना ई दुनियाते वातन. सत्‍तेमते ताकाना हरेक मनकल, नावा अल्किरतुन केंजंतोर,” इंचि वेहतोर.

योहान 3:11

नना निजम-निजम वेहासेक, माकु तेळियता पोल्‍लेंगें मोमोट वेहांतोम, कळ्‍कुने हूळता पोल्‍लेना गवाइ मोमोट मीकु वेहांतोम. अयना मिमेट मावा गवाइतुन ओप्‍कुंचेक हिल्‍लिर.

योहान 3:26

दानहाटीं योहानुना सिस्युल्कु योहानुनगा वासि, “गुरु, निमे योर्दन बेरेटा हब्बेरा मननेंके नीवातोनि बोर अय्ते मत्‍तोरो, निमे बोना बारेमते अय्ते गवाइ हीसि मत्‍तिनो, ओर इंदके लोकुल्‍कुंक बापतिस्मा हीसंतोर. अंटोर लोकुल्‍क ओनहेकेन होंचंतुर,” इंचि वेहतुर.

योहान 3:33

ओर वेहता गवाइतुन बोर अय्ते नम्मंतुरो, ओर अंटोर पेने सत्‍तेम इंचि पक्‍का कबुल कींतुर.

योहान 5:20

मर्रिनपोर्रो बाबोंक वेल्‍लेन पावरम मंता, अदुनहाटीं ओर कियानव अन्‍नि कबाह्‍कुन ओना मर्रिंक हुपिच्‍चंतोर. वायना रोजकुने इवुंकन्‍ना पेद्‍दा-पेद्‍दा कबाह्‍क कीसि मर्रिंक हुप्‍सना मंता. अस्‍के मिमेट हूळसि अंटोर इचंत्रम आकिर.

योहान 8:26

मीवा बारेमते वळ्कालय, मीवा न्‍यायम कियालय, नहगा वेल्‍लेन पोल्‍लें मंतां. गानि नाकुन लोहतोर सत्‍तेमंतुड आंदुर, इंचि नना सिराप ओनागटाल केंजता पोल्‍लेंगें लोकुल्‍कुंक वेहचंतन,” इंचि इत्‍तोर.