योहान 3:29 - पवित्र पोल्‍ले

²⁹ मरमिन पेडल मत्‍तागेन मरमिन पेगिड मनंता. नना अय्ते मरमिन पेडाना पक्‍काते निलसि मनना ओना दंटागानसंटोन आंदुन. मरमिना पेडल बतलन्‍ना वेहते अद केंजसि आ दंटागाल वेल्‍लेन कूस आंतोर. ननागुडा अल्हेन, लोकुल्‍क ओनगा होननद हूळसि नना पुरागा कुसिते निंडसोत्‍तन.

योहान 3:29 Iomraidhean Croise

मत्‍तयाल 22:2

स्वर्ग राज्येम वरोर राजानलेसीं मंता. ओर ओना मर्रिना मरमिंकु उंदि कुळ्‍पु इरतोर.

मत्‍तयाल 25:1

येसु मर्रा उंदि वेसुड वेहालय सुरुव कीतोर. ओर इत्‍तोर, स्वर्ग राज्येम बारेमते नना उंदि वेसुड वेहंतन केंजट. पदि लेय्यां कंदिलिं पीसि वरोर मरमिना पेडांक कलियालय होत्‍तां.

मत्‍तयाल 9:15

अस्‍के येसु ओर्क इल्‍हा वेहतोर, “मरमिन पेडल मरमिं वाता हेडमितोरतोनि मननेंके, ओर्कु दुक्‍कम आयाना अव्‍सरम मनंतना? मन्‍नो. गानि मरमिन पेडल ओरागटाल लक्‍कु आयाना रोजकु वायनुं, अस्‍के ओर ओक्‍कापोद्‍दु मनानुर.”

लूकाल 15:6

वासि, दंटातोर्कुन, लोता पक्‍कातोर्कुन केय्‍सि, ‘नावा तप्‍सोत्‍ता गोर्रे नाक दोर्कुता, नावातोनि कलियसि आनंदम कीम्‍ट,’ इंचि इंतोर.

योहान 15:11

नावा कुसि मीलोप्‍पो मनना, आनि मीवा कुसि पुरागा आयना इंचि, नना मीकु इव पोल्‍लें वेहतन.”

योहान 16:24

इदवेरदाका मिमेट ना पोरोल्ते बतले तल्का हिल्‍लिर. तल्‍कट मीकु दोर्कार, अस्‍के मीवा कुसि पूरा आयार.”

योहान 17:13

नना इंदके निहगा वासंतन. गानि नावा आनंदम ओरा लोप्पो पुरागा आयना इंचि, इव पोल्‍लें नना इद दुनियाते मननेंकेन वेहंतन.

योहान 3:30

इंदके ओना कदर वेल्‍लेन बेर्सगोम, नावा कदर वेल्‍लेन तक्‍को आयगोम अचोने!” इंचि योहान वेहतोर.

2 कुरेंति 11:2

मीवा बारेमते नना आसेते मंतन, इद आसे नावा लोप्पो पेनदाहेंदाले मंता. बारित्‍ते ओना वरोरे मंदना मांडसाता कय्‍दे हियालय, मरमिं आयवा पवित्र लेय्याटालेसीं मीकुन किरिस्‍तुना कय्‍दे अप्पजेप्पना इंचि नाक मंता.

पिलिपिया 2:2

इव अन्‍नि पोल्‍लें निजमे गदा! अय्ते मीवा अंटोरा विचाराल्क बस्‍केळ्‍क उंदे मन्‍निंकांटी, मिमेट वरोंक-वरोर उंदच्‍चोने पावरम कीम्‍टु, मीवा अंटोरद उंदे मनसु, उंदे उद्‍देसम मनना. इल्‍हा पिसतिरित्‍ते नना निजमते पुरागा कूस मनंतन.

1 योहान 1:4

मिमेट मातोनि कलियसि मावा आनंदम पुरागा आयाना इंचि मोमोट इव पोल्‍लें मीकु रासेक मंतोम.

2 योहान 1:12

इंका वेल्‍लेन पोल्‍लें मीहाटीं रासाना इंचि नावा मनसु मंता. गानि अवुन नना साइते कायदोमपोर्रो रासोन. बारित्‍ते, मिहगा वासि मीकुन कलियसि, मीतोने अन्‍नि पोल्‍लें वळ्‍काना इंचि मनसुने आसे पडसेक मंतन. अस्‍के मना कुसि इत्‍तदगुडा पुरागा आंता.

पेन हुपिस्‍ता पोल्‍लें 21:9

पजा, एडुं वाटिने आकिरता एडुं गंडाल्‍कुन पीसि मत्‍ता एडुं दूतानाल उंदि दूता नहगा वासि, “हिक्‍के वा! नना नीकु मरमिना पेगिटुन, इत्‍ते गोर्रे पोरिना मुत्‍तोन हुप्‍संतन” इंचि इत्‍ता.