योहान 3:27 - पवित्र पोल्‍ले

²⁷ अय्ते योहान ओर्क इल्‍हा जवाब हीतोर, “स्वर्गमताल पेन हियवद बोनके बतल दोर्का परो.

योहान 3:27 Iomraidhean Croise

मत्‍तयाल 21:25

अय्ते वेहट, योहानुंक बापतिस्मा हियाना अदिकारम बगाटाल दोर्कता? स्वर्गमताला हिलाकोंटे मनकालोराहेंदाल दोर्कतना?” इत्‍तोर. अस्‍के ओर ओरे इल्‍हा वळ्ककुनालय दल्‍गतुर. “ओक्‍कला स्वर्गमताल दोर्कता इंचि मनम इनानय्ते, ‘योहानुन बारि विस्वासम किय्‍यिर?’ इंचि इनानुर.

मत्‍तयाल 25:15

ओर ओरा उसारतनमतुन हूळसि, वरोंक बंगारमते निंडसि मत्‍ता हेय्युं मुल्‍लें हीतोर, वरोंक रोंडु मुल्‍लें हीतोर. इंकावरोंक उंदि मुल्‍ले हीतोर. पजा ओर पय्‍नेम होत्‍तोर.

मरकुस 13:34

इद वरोर मनकनलेसीं मंता, बोर अय्ते पय्‍नेम होनाका मुन्‍ने, ओना जीतागाह्कुन केय्‍सि, बोना कबळ ओनकु अप्‍पजेपसि, लोतुन कावेल कियानोन ‘तेल्‍विते मन’ इंचि आदेस हींतोर.

योहान 10:41

अस्‍के ओनगा वेल्‍लेन मंदि वासि, “बापतिस्मा हियना योहान इचंत्रम आयनव बवे कबाह्‍क किया हिल्‍लोर. गानि ई मनकना बारेमते ओर बतल अय्ते वेहतोरो, अव अन्‍नि निजम आतां,” इंचि ओरद-ओरे वळ्कालय दल्‍गतुर. पजा अगा वेल्‍लेन मंदि येसुनपोर्रो विस्वासम कीतुर.

योहान 6:65

पजा येसु, “नना मीकु वेहचि मत्‍तन गदा, बाबाल लोहवद बोरे नहगा वाया परुर इंचि. अदुनहाटींगे इव अन्‍नि पोल्‍लें नना मीकु वेहतन,” इंचि इत्‍तोर.

रोम सहरतोरहाटीं पौलुसना सिट्‍टि 1:5

अंटोर लोकुल्‍क ओन विस्वासम कियना, ओर वेहताप ताकना इंचि पेन नावापोर्रो कुर्पा हुपिच्‍चि नाकुन येसुनहेंदाल प्रेरित इंचि निलाहता.

रोम सहरतोरहाटीं पौलुसना सिट्‍टि 12:6

पेन मनापोर्रो कुर्पा हुप्पिचि मनाकु वरोर-वरोंक उंद-उंदि वरम हीता. आ वरमतुन एरपाट कीसि मनम पेनदा सेवा किय्युळ गावाले. ओक्‍कला बोनकन्‍ना पेनदाहेंदाल कबुर तच्‍चि वेहना वरम दोर्कते, ओर ओना विस्वासमता लेक्‍कातेन अद कबळ कियगोम.

1 कुरेंति 1:1

नना पौलुसुन, किरिस्‍तु येसुना प्रेरित आयालय पेन नाकुन दाना मनसुनाल केयता. नावा आनि सोस्‍तिनेस दादानाहेंदाल जोहर.

1 कुरेंति 12:11

गानि इवन्‍नि अद उंदे आत्मा दाना इस्‍टम वाताप वरोंक-वरोंक तूसि हीसि कबाह्‍कुन पूरा कींता.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 3:5

अप्‍पुलोस बोर आंदुर? नना पौलुसुन बोन आंदुन? मोमोट इव्वुरमगुडा पेनदा सेवाकुल्कुमे. पेन माक बतल अय्ते कबळ अप्पजेपता, अदुन वेहतोम, मिमेट विस्वासम कीतिर.

1 कुरेंति 4:7

बारित्‍ते नीकुन आनि इंकावरोन बोर अलग हूळंतुर? निहगा मत्‍तव अन्‍नि पेन हीतवे गदा, अय्ते इवन्‍नि नावांगे बोरे हिया हिल्‍लुर इत्‍ताप बारि पेद्‍दिरकेम कींतिन?

गलातिया 1:1

नना येसु किरिस्‍तुना वरोर प्रेरितुन आंदुन, नावा पोरोल पौलुस. नना प्रेरित इंचि मनकालोराहेंदालो हिलाकोंटे बोरो वरोर मनकल नाकुन कीताहेंका आया हिल्‍लेन, गानि कुद्‍दु येसु किरिस्‍तु आनि ओन हामुरताल मर्रा जीवाते तेहता आ पेनबाबाले नाकुन केयतोर.

इपीसि 1:1

नना पौलुसुन, पेनदा इच्‍चा परकारम, किरिस्‍तु येसुना प्रेरितुन आतन. इपीसि सहरते मनना किरिस्‍तु येसुन विस्वासम कियाना पेनदा लोकुल्‍कुंक नना इद सिट्‍टि रासेक मंतन.

1 तिमोति 2:7

इदे गवाइतुन वेहनाहाटीं, नाकुन प्रचार कियानोर प्रेरित इंचि पेरमळ जर्गता. इंका यहुदि आयवोर्कुंक विस्वासम आनि सत्‍तेमता बारेमते कराहनोर इंचि निलाहमळ जर्गता. नना निजम वेहचंतन, आबद्‍दम वेहासेक हिल्‍लेन.

याकोब 1:17

हरेक बेसता वरम आनि अन्‍निंकन्‍ना बेसता इनाम पोर्रोटाले वांता, वेल्‍गुल्कुना पेनबाबानगटाल वांता, ओनालोप्‍पो बतले तेडा हिल्‍ले, ओर नीडातालेसीं बदलांचानोर आयोर.