योहान 3:18 - पवित्र पोल्‍ले

¹⁸ ओन बोर अय्ते नम्मंतुरो, ओर्क ओर सिक्‍सा हिया वेहोर. गानि बोर अय्ते ओन नम्मुरो, पेनदा वरोरे मर्रिनपोर्रो विस्वासम कियवाहेंका ओर्क पेन मुन्‍नेन सिक्‍सा हीसि इरता.

योहान 3:18 Iomraidhean Croise

मरकुस 16:16

बोर अय्ते विस्वासम कीसि, बापतिस्मा एतंतोर ओनके मुक्‍ति दोर्कंता, गानि बोर अय्ते विस्वासम किय्योर, ओनकु पेन सिक्‍साता आदेस हिय्यार.

योहान 1:12

गानि बोर अय्ते ओन ओप्‍कुंचि ओना पोरोल पोर्रो विस्वासम कीतुरो, ओर्क अंटोर्क पेनदा मर्क-मियाह्क आयना अदिकारम ओर हीतोर.

योहान 1:18

पेनदुन बस्‍केने बोरे हूळा हिल्‍लुर. गानि पेनबाबाना संकाते मनना ओना वरोरे मर्रि, ओरे मनाकु ओन हुपिस्तोर.

योहान 20:31

गानि येसे किरिस्‍तु, ओरे पेनदा मर्रि, इंचि मिमेट विस्वासम कीसि ओना पोरोल्ते पिस्वर दोर्किच्‍कुननाहाटीं, इवन्‍नि रासमळ जर्गता.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

योहान 3:36

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

योहान 6:40

नावा बाबाना इच्‍चा बतल मंता इत्‍ते, मर्रिनेके हूळसि ओनपोर्रो विस्वासम कियानोर अंटोर्क बस्‍केळ्‍क पिस्सना पिस्वर दोर्कना. अल्हा बोर अय्ते विस्वासम इर्रंतुरो, ओर्कुन नना आकिरता रोजुने मर्रा जीवाते तेहांतन,” इंचि येसु ओर्क वेहतोर.

योहान 6:47

नना निजम-निजम वेहासेक, नापोर्रो विस्वासम कीतोन्कु बस्‍केळ्‍क पिस्सना पिस्वर दोर्कते इनकुंटु.

रोम सहरतोरहाटीं पौलुसना सिट्‍टि 5:1

इल्‍हा, मना विस्वासमहेंदाल पेन मनाकुन नीतिमंतुल्क कीता. अदुनहाटीं सामि येसु किरिस्‍तुनाहेंदाल, पेनतोनि मनक सांति मंता.

रोम सहरतोरहाटीं पौलुसना सिट्‍टि 8:1

अदुनहाटीं बोर अय्ते येसुन नम्मिसि ओनतोनि कलियतुर, ओर्क पेन सिक्‍सा हिय्यो. बारित्‍ते येसुन विस्वासम कीतोर, ओर ओरा बुद्‍दि मत्‍ताप आयो गानि आत्मा वेहताप ताकंतुर.

रोम सहरतोरहाटीं पौलुसना सिट्‍टि 8:34

अय्ते मरि मनाकु सिक्‍सा तप्‍पो इंचि बोर इना परांतुर? सिराप पेने इना परंता. गानि येसु किरिस्‍तु मनाहाटीं हातोर अस्‍के पेने ओन मर्रा जीवाते तेहाचि दाना तिना बाजुंक उपिस्ता. इंदके ओर अगा मनाहाटीं पेनतोनि विनंति कीसंतोर.

इब्रि 12:25

इद दुनियाते, लोकुल्‍कुंक जेगर्ता मनालय पेन वेहतस्के, ओर पेनदा पोल्‍ले केंजा हिल्‍लुर. अदुनहाटीं ओर पेन हीता सिक्‍साताल तपिच्‍कुना पर्राहिल्‍लुर. अय्ते इंदके मनम स्वर्गमताल वेहनोना पोल्‍लेतुन केंजाकोंटे, पेन हिय्यना सिक्‍साताल बल्हा तपिच्‍कुना पर्रांतोम? अदुनहाटीं जरा जेगर्ता मंटु, बोर अय्ते वळ्‍कसंतोरो ओना पोल्‍लेन पास्काकोंटा, बेस केंजट.

इब्रि 2:3

अय्ते इच्‍चोर पेद्‍दा मुक्‍तिता कबुरतेके लक्‍से इर्राकोंटे, वायाना सिक्‍साताल मनम बल्हा तपिच्‍कुना पर्रांतोम? इदुना बारेमते मोट्‍टा मोदाला सामिए वेहतोर. अद कबुरतुन सामिनगटाल बोर अय्ते केंजतुरो, ओर अद कबुरतुन मनाकु तेळियागोट्‍सि रुजुव कीतुर.

इब्रि 3:19

इल्‍हा ओर्कु विस्वासम हिलुवाहेंकेन, ओर आराम दोर्कना जेगाते होळिया पर्राहिल्‍लुर, इंचि मनाकु तेळियंता.

1 योहान 3:23

दाना आदेस बतल इत्‍ते, मनम दाना मर्रि येसु किरिस्‍तुनपोर्रो विस्वासम इर्राना आनि ओना आदेस परकारम मनम वरोंक-वरोर पावरम कियाना.

1 योहान 4:9

दाना मर्रिनाहेंदाल मनाकु बस्‍केळ्‍क पिस्‍साना पिस्वर दोर्कना इंचि पेन दाना वरोरे मर्रिन, इद दुनियाते लोहता. इल्‍हा पेन, मनापोर्रोटा दाना पावरमतुन मनाकु हुपिस्‍ता.

1 योहान 5:10

बोरय्ते पेनदा मर्रिनपोर्रो विस्वास इर्रंतोर, ओर ओनालोप्‍पो पेनदा साक्‍सितुन इर्रंतोर. पेन इत्‍ता पोल्‍लेनपोर्रो बोरय्ते विस्वास इर्रोर, ओर पेनदुन आबद्‍दम कींतोर. बारित्‍ते पेन तना मर्रिना बारेमते हीता साक्‍सितुन ओर विस्वास किया हिल्‍लोर.

1 योहान 5:12

बोरय्ते पेनदा मर्रिन स्विकार कींतोर, ओनाकु ई पिसवर दोर्कंता गानि बोनगा अय्ते पेनदा मर्रि हिल्‍लोर, ओनगा ई पिसवर हिल्‍ले.