योहान 3:17 - पवित्र पोल्‍ले

¹⁷ पेन ई दुनियातोर्क सिक्‍सा हिया वेहालय, दाना मर्रिन ई बूमिपोर्रो लोहा हिल्‍ले, गानि दुनियातोर्कुन पिसागोटालय ओन लोहचीता.

योहान 3:17 Iomraidhean Croise

मत्‍तयाल 1:23

“हुळाट, मरमिं आयवा पेगिड्‍क पीर आसि, वरोर मर्रिन कनांता. ओना पोरोल इम्मानुएल दोस्सानुर.” इत्‍ते, “मनातोनि पेन मंता,” इंचि ई पोरोल्क अर्तम.

मत्‍तयाल 18:10

हुळाट, नावापोर्रो विस्वासम कीता ई सिन्‍नोरकुन बोने तेंडसि पोहमटु. नना वेहनद बतल इत्‍ते, ओरा पेनदा दूतां स्वर्गमते मनना नावा पेनबाबांक बस्केळक कलियसेके मनंतां.

मत्‍तयाल 18:11

अचोने आयका मनकना रूपमते पुटतोन नना तप्‍सोत्‍तोर्कुन पिसागोटलय वातन.

लूकाल 9:56

पजा ओर अगटाल वेरे नाटे होत्‍तुर.

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

योहान 11:42

निमे बस्‍केळ्‍के नावा पारतना केंजंतिन इंचि नाकु एरके. गानि नाकुन निमेन लोहतिन इत्‍तादुन, ना सुट्‍टु निलसि मत्‍ता लोकुल्‍क नम्मुगोम इंचि ओराहाटींगे नना ई पोल्‍ले वळ्‍कतन,” इंचि इत्‍तोर.

योहान 17:18

बल्हा अय्ते निमे नाकुन ई दुनियाते लोहतिन, अल्हेन नना ईरकुन दुनियाते लोहंतन.

योहान 17:21

बाबा! बल्हा अय्ते निमे नहगा, नना निहगा उंदि आसि मंतोमो, अल्हेन ओरगुडा उंदि आसि मननाहाटीं पारतना कीसंतन. नाकुन निमेन लोहतिन, इंचि दुनियातोर विस्वासम कियना इत्‍ते, ओरगुडा मनांटे उंदि आयापींता.

योहान 17:25

बाबा! निमेन नीतिमंतुन आंदिन. ई दुनिया नीकुन एरपाट किय्‍यो. गानि नना एरपाट कींतन. अल्हेन नाकुन निमेन लोहतिन इंचि ई सिस्युल्क एरपाट कींतुर.

योहान 17:8

बारित्‍ते बव पोल्‍लें अय्ते निमे नाकु हीतिनो, अवुन नना ओर्क एविच्‍तन. ओर अवुन ओप्‍कुत्‍तुर. नना निजम निहागटाले वातन, नाकुन निमेन लोहतिन इंचि ओर विस्वासम कीतुर.

योहान 20:21

येसु मर्रा उंदि मल्का ओर्कुन, “मीकु सांति दोर्कि. बाबाल नाकुन ई दुनियाते लोहताप, ननागुडा मीकुन ई दुनियाते लोहंतन,” इंचि इत्‍तोर.

योहान 3:34

बोन अय्ते पेन लोहचीता, ओन पेन दाना आत्माते पुरागा निहता. अदुनहाटीं ओर सिराप पेनदा पोल्‍लेंगें वेहांतोर.

योहान 5:36

गानि योहानुना गवाइकन्‍ना पेद्‍दा गवाइ नहगा मंता. बारित्‍ते पूरा कियनाहाटीं पेनबाबाल नाकु हीता कबाह्‍क आनि नना कियना कबाह्‍क. इवे पेनबाबाल नाकुन लोहतोर इत्‍तादांकु गवाइ मंतां.

योहान 5:38

अचोने आयका ओर लोहतोना पोर्रो मिमेट विस्वासम इर्रुवाहेंका, ओर कराहता पोल्‍लें मीवा मनसुना लोप्पो मना पर्रों.

योहान 5:45

बाबाना मुन्‍ने नना मीपोर्रो तप्पु दोसतन इंचि इनकुन्‍मट. मिमेट अय्ते मूसाना पोर्रो आसे पडसि मनंतिर, आ मूसाले मीवापोर्रो तप्पु दोसंतोर.

योहान 6:29

पूसकीतस्‍के, “पेन बोन अय्ते लोहतनो, ओनपोर्रो मिमेट विस्वासम इर्रट,” इंचि येसु जवाब हीतोर.

योहान 6:38

बारित्‍ते नना नावा इच्‍चां पूरा कियालय स्वर्गमताल हिळु रेय्‍सि वाया हिल्‍लेन. नाकुन लोहतोना इच्‍चातुन पूरा कियालय नना वातन.

योहान 6:40

नावा बाबाना इच्‍चा बतल मंता इत्‍ते, मर्रिनेके हूळसि ओनपोर्रो विस्वासम कियानोर अंटोर्क बस्‍केळ्‍क पिस्सना पिस्वर दोर्कना. अल्हा बोर अय्ते विस्वासम इर्रंतुरो, ओर्कुन नना आकिरता रोजुने मर्रा जीवाते तेहांतन,” इंचि येसु ओर्क वेहतोर.

योहान 6:57

नाकुन लोहता जीवाते मनना नावा बाबाना ताकततोनि, नना जीवाते मंतन. अल्हेन बोर अय्ते नावा मेंदुलतुन तिंतुर, ओर नाहेंदाल जीवाते मनांतुर.

योहान 7:29

गानि नना ओन एरपाट कींतन. बारित्‍ते ओरे नाकुन लोहातोर, नना ओनागटाले इगे वातन,” इंचि लगांचि वेहतोर.

योहान 8:11

अस्‍के अद मुरतळ, “नाकु बोरे सिक्‍साता आदेस हिय्या हिल्‍लुर सामि!” इंचि इत्‍तस्के येसु, “ननागुडा नीकु सिक्‍साता आदेस हिय्योन. होन, इंका बस्‍केने पापम कियमा,” इंचि दान्क वेहतोर.

योहान 8:42

अस्‍के येसु ओर्कुन इल्‍हा इत्‍तोर, “पेन मीवा बाबाल आसि मत्‍ते मिमेट नाकुन पावरम कीसि मन्‍नेर. बारित्‍ते नना पेनदागटाल वातन. इगे नावद ननेन वाया हिल्‍लेन. पेने नाकुन लोहता.

1 योहान 2:2

मना पापाल्क मापि आयाना इंचि ओर मनाहाटीं मोक्‍कु आतोर. ओर सिराप मना पापाल्क मापि आयानाहाटींगे आयो, पूरा दुनियातोरा पापाल्क मापि आयानाहाटीं मोक्‍कु आतोर.

1 योहान 4:14

दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.