योहान 2:23 - पवित्र पोल्‍ले

²³ दाटसि होनना पंडुगुना वेलाते येसु येरुसलेम सहरते मत्‍ताहाटीं, वेल्‍लेटोर लोकुल्‍क ओर कीता अद्‍बूताल्‍क हूळसि, ओनपोर्रो विस्वासम इरतुर.

योहान 2:23 Iomraidhean Croise

लूकाल 8:13

विज्‍जां अरता बंडाना गेर्से जेगातसंटोर बोर इत्‍ते, बोर अय्ते पेनदा पोल्‍लेतुन कुसिते केंजसि दान ओप्‍कुंतुर. गानि ओरा मनसुने पेनदा पोल्‍ले गट्‍टि पळुवाहाटीं, ओर कोन्‍नि रोजके विस्वासमते मनांतुर. पजा पट्‍टु हूळना वेला वातस्के विस्वासमताल ओर लक्‍कु आंतुर.

योहान 11:45

येसु कीता अद कबळतुन हूळसि, मरियमुनगा वाता यहुदिल्कुनाल वेल्‍ले मंदि यहुदिल्क, येसुन नम्मुतुर.

योहान 2:11

इल्‍हा येसु गालिल राज्येमता काना नाटे इचंत्रम आयना कबळ कीसि, ओना महिमातुन हुपिस्तोर. इद ओना मोट्‍टा मोदाटा चिन्‍ह आंद. अदुनहाटीं ओना सिस्युल्क ओन नम्मुतुर.

योहान 2:13

यहुदि लोकुल्‍कुनद दाटसि होनना पंडुगु दग्गेर्क एवसि मत्‍ता. दानहाटीं येसु येरुसलेम होत्‍तोर.

योहान 3:2

ओर उंदि रोजु नर्कटा वेलाक येसुंक वासि कलियतोर. कलियसि, “रब्‍बी, निमे कियना ई अद्‍बूतामाता कबाह्‍क पेनदा तोळ हिल्वा बोरे किया परोर. दीनहेंदाल निमे पेनदाहेंदाल वाता गुरुनिंचि मोमोट तेल्‍पिचकुत्‍तोम,” इंचि इत्‍तोर.

योहान 4:45

दाटसि होनना पंडुगुनाहाटीं गालिल राज्येमता लोकुल्‍कगुडा येरुसलेम होंचि मत्‍तुर. अगा येसु कीतव अन्‍नि कबाह्‍कुन ओर हूळतुर. अदुनहाटीं येसु गालिल राज्येमते वातस्के ओर अंटोर येसुन बेस दग्‍गेरा कीकुत्‍तुर.

योहान 5:36

गानि योहानुना गवाइकन्‍ना पेद्‍दा गवाइ नहगा मंता. बारित्‍ते पूरा कियनाहाटीं पेनबाबाल नाकु हीता कबाह्‍क आनि नना कियना कबाह्‍क. इवे पेनबाबाल नाकुन लोहतोर इत्‍तादांकु गवाइ मंतां.

योहान 6:14

येसु कीता इसोंटा अद्‍बूतामाता चिन्‍हतुन हूळसि लोकुल्‍क, “निजमे! इद दुनियाते वरोर पेनदा कबुरतोर वायानोर मत्‍तोर, ओर ईरे आंदुर,” इंचि इनालय दल्‍गुतुर.

योहान 6:2

बिमार मत्‍तोर्कुन बेस कीसि येसु इचंत्रम आयाना कबाह्‍क कीतोर. आ कबाह्‍कुन हूळसि, वेल्‍लेन मंदि ओना पज्जो-पज्जो वासेक मत्‍तुर.

योहान 7:31

अयना गुळितगा मत्‍ता मंदिताल वेल्‍लेटोर येसुन नमतुर. नम्मिसि, “किरिस्‍तु वातस्के, ईनकन्‍ना एक्‍को अद्‍बूतम आयना कबाह्‍क कियनुरा?” इंचि ओर वळ्कालय दल्‍गुतुर.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

1 योहान 3:23

दाना आदेस बतल इत्‍ते, मनम दाना मर्रि येसु किरिस्‍तुनपोर्रो विस्वासम इर्राना आनि ओना आदेस परकारम मनम वरोंक-वरोर पावरम कियाना.