योहान 2:21 - पवित्र पोल्‍ले

²¹ गानि येसु मात्रम ओना सतता मेंदुलता गुळिता बारेमते वळ्कतोर.

योहान 2:21 Iomraidhean Croise

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 2:22

येसु हासि मर्रा जीवाते तेदतस्‍के ओना सिस्युल्कुंक इद पोल्‍ले मति वाता. अस्‍के ओर दर्मसास्‍त्रमते रासि मत्‍तादुन आनि येसु वेहता पोल्‍लेन नम्मुतुर.

1 कुरेंति 3:16

मिमेट पेनदा गुळि आंदिर, पेनदा आत्मा मीलोप्‍पो मनंता, इद मीक तेळियोना?

1 कुरेंति 6:19

मीवा मेंदुल पवित्र आत्माता गुळि आंद, अद पेनदाहेंदाल मीलोप्‍पो वासि मनंता, ई मेंदुल मीवद आयो, इंचि मीक तेळियोना?

2 कुरेंति 6:16

बोम्मांक, पेनदा गुळिकु बाता संबंदम? बारित्‍ते मनम अय्ते जीवाते मनना पेनदा गुळि आंदुम. पेनदा दर्मसास्‍त्रमते, “नना ओरा लोप्पो मनंतन, ओरतोनि तिरियंतन, नना ओरा पेन आसि मनंतन, ओर नावा लोकुल्‍क आयानुर,” इंचि रासि मंता.

कुलुसि 1:19

बारित्‍ते ओनालोप्‍पो पेनदा गुनम पूरा निंडसि मत्‍तेने बाबो कूस मनंतोर.

कुलुसि 2:9

बारित्‍ते पेनदाव अन्‍नि गुनाल्‍क किरिस्‍तुना मेंदुल्ते मनंतां.

इब्रि 8:2

कुद्‍दु पेने निल्‍हाता अन्‍निटकन्‍ना पवित्र जेगा आनि निजम डेराते येसु सेवक आसि पेनदा सेवा कीसेके मंतोर.