योहान 2:19 - पवित्र पोल्‍ले

¹⁹ अस्‍के येसु, “इद गुळितुन कूल्हाट, नना मूड रोजकुने मर्रा निलाहंतन,” इंचि जवाब हीतोर.

योहान 2:19 Iomraidhean Croise

मत्‍तयाल 12:40

इत्‍ते योनाल बल्हा नर्का-पिय्यल मूड रोजकु पेद्‍दा जिम्माता पीटा लोप्पो मत्‍तोर, अल्‍हेने मनकना रूपमते पुटतोन नना, नर्का-पिय्यल मूड रोजकु बूमिता पीटा लोप्पो मनंतन.

मत्‍तयाल 16:21

अस्‍केटाल येसु ओना सिस्युल्कुंक इल्‍हा वेहालय दल्‍गतोर. “नाकु येरुसलेम होनापींता. अगा यहुदि पेद्‍दाल्क, पेद्‍दा पेर्मालोर आनि दर्मसास्‍त्रम कराहना गुरुल्कुनाहेंदाल वेल्‍ले तिप्‍पल्‍क कीसि नाकुन हव्कानुर. मूडोव रोजुने नना मर्रा जीवाते तेदंतन,” इत्‍तोर.

मत्‍तयाल 27:63

“महाराज, आ बोंकिच्‍चना मनकल जीवाते मननेंके, ‘नना हासि मूड रोजकुंक मर्रा जीवाते तेदंतन’ इंचि इत्‍तोर, अद माकु मते मंता.

मरकुस 15:29

अद हर्रि पीसि होनानोर-वायानोर तल्‍लां ऊपसेके, “ओ! गुळितुन कूलाह्‍चि मूड रोजकुने दोहानोन, क्रुसताल रेय्‍सि निमे नीवा जीवातुन पिसागोटकुन,” इंचि अपमानम कियुंदुर.

मरकुस 8:31

पजा ओना सिस्युल्कुंक इल्‍हा कराहलय दल्‍गतोर. “यहुदि पेद्‍दाल्क, पेद्‍दा पेर्मालोर आनि दर्मसास्‍त्रम कराहना गुरुल्कुनाहेंदाल मनकना रूपमते पुटतोन नाकु तिप्‍पल्‍क अर्रापींता. ओर हय्साकोंटा आसि नाकुन हव्कानुर. गानि नना हासि मूड रोजकुंक मर्रा जीवाते तेदंतन,” इत्‍तोर.

योहान 11:25

अद केंजसि येसु, “हातोर्कुन तेहानोन आनि पिस्वरतुन ननाने आंदुन. नापोर्रो विस्वासम कीतोर, हायिनागानि मर्रा जीवाते तेदांतुर.

योहान 5:19

अस्‍के येसु ओर्क इल्‍हा वेहतोर: “नना मीकु निजम-निजम वेहचंतन, मर्रि ओनद-ओर बतले किय्योर. गानि बाबो बतल-बतल अय्ते कींतोर, बाबो कियनदुन हूळसि मर्रि अल्हेन कींतोर.

प्रेरितुल्‍कुना कबाह्‍क 2:24

गानि येसुन पेन हामुटाल अलग कीसि मर्रा जीवाते तेहाता, अदुनहाटीं हामुर ओन इर्रा पराहिल्‍ले.

प्रेरितुल्‍कुना कबाह्‍क 2:32

आ येसुन पेने मर्रा जीवा तेहता इंचि मोमोट अंटोरम गवाइ मंतोम.

प्रेरितुल्‍कुना कबाह्‍क 3:15

मिमेट लोकुल्‍कुंक बस्‍केळ्‍क पिस्‍साना पिस्वरता हर्रि हुप्‍सानोन हव्कतिर, गानि पेन ओन हातोराव्टेटाल मर्रा जीवा अरहता, दीना मोमोट गवाइ मंतोम.

प्रेरितुल्‍कुना कबाह्‍क 3:26

पेन ओना सेवक येसुन मर्रा जीवा अरहतस्के, मीकुन कराब हरदाल तप्पिचि आसिर्वाद हियनाहाटीं मोदाला मीहेके लोहता,” इत्‍तोर.

प्रेरितुल्‍कुना कबाह्‍क 6:14

बारित्‍ते, नासरेत नाटेना येसु इद गुळितुन कूलाह्‍चि नासडेम कियानुर आनि मूसाल वेहता रीति-रिवाजकुन बदलांचनुर, इंचि वेहनेंके मोमोट केंजतोम” इल्‍हा गवाइ हीतुर.

रोम सहरतोरहाटीं पौलुसना सिट्‍टि 4:24

गानि अद मनाहाटींगुडा मंता. हातोरव्टेटाल येसु सामिन मर्रा जीवाते तेहता पेनदुन मनम विस्वासम कीतोम, इंचि अद मनाकुनगुडा नीतिमंतुल्क इंता.

रोम सहरतोरहाटीं पौलुसना सिट्‍टि 6:4

बापतिस्माहेंदाल मनम येसु सामिनतोनि हासि बोंदा दोसताप आतोम. बल्हा अय्ते पेनबाबाना महिमाता ताकतते किरिस्‍तु हामुरताल मर्रा जीवाते तेदतोर, अल्‍हेने मनमगुडा बापतिस्मा एतसि पूना पिस्वरते ताका परांतोम.

रोम सहरतोरहाटीं पौलुसना सिट्‍टि 8:11

येसु किरिस्‍तुन हातोरव्टेटाल मर्रा जीवाते तेहता पेनदा आत्मा ओक्‍कला मीलोप्‍पो मनानय्ते, मीवा नासडेम आसि होनना मेंदुलतुनगुडा, मीलोप्‍पो मनना दाना आत्माहेंदाल जीवाते इर्रंता.

1 कुरेंति 15:12

किरिस्‍तु हातोरा लोप्पोटाल जीवाते तेदतोर इंचि मोमोट गिंटा कबुर वेहानय्ते, हातोर मर्रा जीवाते तेदुर इंचि मीवा लोप्पोटोर इच्‍चुर इंतुर. अल्हा बारि इंतुर?

कुलुसि 2:12

अचोने आयाका, मिमेट बापतिस्मा एतताहेंका किरिस्‍तुनतोनि बोंदा दोस्‍ताप आतिट. हातोरव्टेटाल ओन जीवाते तेहाता पेनदा सक्‍ति पोर्रो मिमेट विस्वासम इरताहाटीं ओनतोनि जीवातेगुडा तेदतिट.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.