योहान 19:41 - पवित्र पोल्‍ले

⁴¹ येसुन क्रुसुंक वेलाड वाटता जेगाक दग्गेरेन उंदि तोटा मत्‍ता. आ तोटाते उंदि पूना बोंदा मत्‍ता, अद बोंदाते अदवेरदाका बस्‍केने बोनदे पीनगुन इर्रा हिल्‍लुर.

योहान 19:41 Iomraidhean Croise

मत्‍तयाल 27:60

बंडातुन तुल्हाचि ओनाहाटीं तयार कीता पूना बोंदाते, येसुना पीनगुन इर्सि, बोंगाकु उंदि पेद्‍दा बंडातुन अड्‍डम दोसतोर. पजा अगटाल पेय्सि होत्‍तोर.

लूकाल 23:53

तल्किसि येसुना पीनगुन क्रुसुनपोर्रोटाल हिळु रेहतोर. पजा एक्‍को दराता हामुर कप्पिडते ओना पीनगुन हुटतोर. अल्हा कीसि बंडातुन तुल्हाचि तयार कीता बोंदाते ओसि इरतोर. अद बोंदाते दीनकन्‍ना मुन्‍ने बोना पीनगुन इर्रा हिल्‍लुर.

योहान 19:42

अद बोंदा दग्‍गेरा मत्‍ता, अचोने आयाका अद यहुदिल्कुना दाटसि होनना पंडुगुना तयारिं कियना रोज मत्‍ता. अदुनहाटीं ओर येसुन अदे बोंदाते इरतुर.

योहान 20:15

अस्‍के येसु, “बाई, निमे बारि अळसंतिन? बोर्कुन पहकसंतिन?” इंचि मरियमुन पूसकीतोर. अस्‍के मरियम ओन, ओर तोटाक कावेल मनानोर बारे इन्कुंचि, “महाराज, निमे गिंटा सामिना पीनगुन इगेटाल ओयानय्ते, अदुन बगा इरतिन नाकु वेहा नना होंचि तरकुंतन,” इंचि इत्‍ता.