योहान 19:4 - पवित्र पोल्‍ले

⁴ पिलातुस मरुंदि मल्का पलाते पेय्सि, “हुळाट, ओन्क सिक्‍सा हियालय, नाकु ओनालोप्‍पो बतले कसूर दोर्काहिल्‍ले, इद मीकु तेळियना इंचि नना ओन मीहेके पलाते तच्‍चंतन,” इंचि वेहतोर.

योहान 19:4 Iomraidhean Croise

मत्‍तयाल 27:19

अचोने आय्‍का पिलातुस न्‍यायम कियालय बस्के अय्ते गद्‍देपोर्रो उदतोर अस्‍के ओना मुत्‍तोनाहेंदाल उंदि कबुर वाता, अद इल्‍हा मत्‍ता, “नाकु उंदि कला वाता, ओर तप्पु हिलुवा मनकल आंदुर. ओन निमे बतले कियमा. नना ओनाहाटीं इय्याला पोद्‍दला दुक्‍कमते मत्‍तन.”

मत्‍तयाल 27:24

इच्‍चो वेल्‍ले लोकुल्‍कुना मुन्‍ने नावद बतले ताका पर्रो. ओर लोल्‍लि कींतुर इल्‍हा पिलातुस इनकुंचि, इच्‍चुर एर पीसि लोकुल्‍कुना मुन्‍ने कय्‍क नोर्सि, “ईना हामुटे नावद कय हिल्‍ले, मिमेटे दीना जबाबदारी मंतिर,” इंचि इत्‍तोर.

मत्‍तयाल 27:4

“नना तप्पु हिल्वा मनकन हव्कालय पीसि हीसि पापम कीतन” इंचि इत्‍तोर. अस्‍के ओर, “माकु बतल कियना मंता? नीवद निमे हूळकुन” इंचि इत्‍तुर.

मत्‍तयाल 27:54

अगा जर्गुता गटनां आनि बूमि अदुल्तद हूळसि, नूर मंदि सिपाइल्कुना पोर्रो मनना अदिकारि आनि येसुनगा कावेल कीसेक मत्‍ता सिपाइल्क वेल्‍ले वेरियतुर. वेरियसि, “ईर निजमे पेनदा मर्रि आंदुर” इंचि इत्‍तुर.

लूकाल 23:4

अस्‍के पिलातुस पेद्‍दा पेर्मालोर्कुन आनि लोकुल्‍कुन, “नाकु ई मनकनगा बतले तप्पु दिस्सेक हिल्‍ले,” इंचि इत्‍तोर.

लूकाल 23:41

मनम अय्ते तप्पु कीतोम इंचि न्‍यायम परकारम मनाकु सिक्‍सा दोर्कता. गानि ईर अय्ते बतले तप्पु किया हिल्‍लोर,” इंचि इत्‍तोर.

लूकाल 23:47

नूर मंदि सिपाइल्कुनपोर्रो मनना दरोगाल अगा जर्गतद हूळसि, “ई मनकल निजमे नीतिमंतुड आंदुर,” इंचेके पेनदुन तल्‍सकुत्‍तोर.

योहान 18:33

पजा पिलातुस ओना राजवाडाते होंचि येसुनलोप्‍पो केया वेहतोर. केय्‍सि, “निमे यहुदिल्कुना राजाना?” इंचि पूसकीतोर.

योहान 18:38

अद केंजसि पिलातुस, “सत्‍तेम इत्‍ते बतल?” इंचि येसुन पूसकीतोर. अल्हा पूस कीसि, पलाते यहुदिल्कुनगा होत्‍तोर. होंचि, “नाकु ईना लोप्पो अय्ते बतले कसूर दिस्सेक हिल्‍ले.

योहान 19:6

येसुन हूळसि, पेद्‍दा पेर्मालोर आनि गुळितगा कावेल कियानोर, “ओन क्रुसुनपोर्रो वेलाड वाटा, ओन क्रुसुनपोर्रो वेलाड वाटा,” इंचि वरगेयतुर. अस्‍के पिलातुस ओर्कुन, “ओन ओसि मिमेटे क्रुसुनपोर्रो वेलाड वाटट, नाकु ओनालोप्‍पो बदे कसूर दोर्काहिल्‍ले,” इंचि इत्‍तोर.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

इब्रि 7:26

येसु पवित्र मत्‍तोर, ओनगा बतले कसूर मनाहिल्‍ले, ओन्क बस्‍केने पापम अंटा हिल्‍ले, पापिल्कुनाल लक्‍कु मत्‍तोर. अदुनहाटीं ओन स्वर्गमकन्‍ना एत्‍तु तेहामळ जर्गता. इसोंटा पेद्‍दा पेर्मले मनाहाटीं बेस कुदरंतोर.

1 पत्रु 2:22

ओर बतले पापम किया हिल्‍लोर, ओना तोळ्‍दाल बस्‍केने बोंकिच्‍चना पोल्‍ले पेय्‍सा हिल्‍ले.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.