योहान 18:4 - पवित्र पोल्‍ले

⁴ ओन्क बतल जर्गनद मंता इत्‍तदुन एरपाट कीसि, येसु मुन्‍नेळ्‍क होत्‍तोर. होंचि, “मिमेट बोन पहकसंतिर?” इंचि ओर्कुन पूसकीतोर.

योहान 18:4 Iomraidhean Croise

मत्‍तयाल 16:21

अस्‍केटाल येसु ओना सिस्युल्कुंक इल्‍हा वेहालय दल्‍गतोर. “नाकु येरुसलेम होनापींता. अगा यहुदि पेद्‍दाल्क, पेद्‍दा पेर्मालोर आनि दर्मसास्‍त्रम कराहना गुरुल्कुनाहेंदाल वेल्‍ले तिप्‍पल्‍क कीसि नाकुन हव्कानुर. मूडोव रोजुने नना मर्रा जीवाते तेदंतन,” इत्‍तोर.

मत्‍तयाल 26:21

तिननेंके येसु ओर्कुन, “हीके केंजट नना निजम वेहचंतन, मिहगटाल वरोर नाकुन पगातोरा कय्‍दे पीसि हींतोर.” इंचि इत्‍तोर.

मत्‍तयाल 26:31

अस्‍के येसु ओर्कुन इल्‍हा इत्‍तोर. “इय्याला नर्कळ्‍क मिमेट अंटोर नाकुन होळसि वित्‍तंतिर, बारित्‍ते, गोर्रें कोहानोन नना हव्कंतन, मंदता गोर्रें बेंदव-हेके पायसि वित्‍तंतां. इंचि दर्मसास्‍त्रमते रासि मंता.

लूकाल 24:44

तित्‍तारित्‍ते येसु ओर्कु, “इव पोल्‍लें बव इत्‍ते, नाकुन हव्कका मुन्‍ने नना मीवातोनि मत्‍तन, अस्‍के मीकु वेहतव आंदुं. मूसाना नियमते, पेनदा कबुरतोरा पुस्तकाल्कुने आनि बजन संहिताने रासि मत्‍ता अन्‍नि पोल्‍लें निजम आयनदे मत्‍ता,” इंचि इत्‍तोर.

योहान 13:1

इद दुनियातुन होळसि पेनबाबानगा मल्सि होनना वेला दग्गेर्क एव्ता इंचि, येसुंक दाटसि होनना पंडुगुंकन्‍ना मुन्‍नेन तेळियता. इद दुनियाते मनना ओना लोकुल्‍कुन ओर वेल्‍लेन पावरम कीतोर. अचोने आयाका अद पावरमतुन आकिरदाका ओरपोर्रो हुपिच्‍चेकेन मत्‍तोर.

योहान 13:11

ओन्क दोका हियानोर बोर इंचि, ओन्क एरपाट मत्‍ता. अदुनहाटीं ओर, “मिहागटाल अंटोर बेस साप हिल्‍लिर,” इंचि इत्‍तोर.

योहान 18:5

अस्‍के ओर, “नासरेत नाटेना येसुन पहकसंतोम,” इंचि जवाब हीतुर. पजा येसु, “ओन ननाने आंदुन,” इंचि इत्‍तोर. येसुंक दोका हियना यहुदलगुडा ओरतोनि निलसि मत्‍तोर.

योहान 18:7

येसु, “मिमेट बोन पहकसंतिर?” इंचि मर्रा उंदि मल्का पूसकीतोर अय्ते ओर, “नासरेत नाटेना येसुन पहकसंतोम,” इंचि इत्‍तुर.

योहान 19:28

पजा, ओर बद कबळहाटीं वातोर, अद कबळ पूरा आता, इंचि ओर एरपाट कीसि, दर्मसास्‍त्रमते रासि मत्‍तद पूरा आयनाहाटीं, “नाकु दूपा आसंता,” इंचि इत्‍तोर.

योहान 6:64

गानि मीलोप्‍पो इच्‍चुर नावा पोल्‍लेन नमवोरगुडा मंतुर,” इंचि इत्‍तोर. बारित्‍ते, ओन नम्मनोर बोर, ओन वेरे लोकुल्‍कुंक पीसि हियानोर बोर? इत्‍तद येसुंक मुन्‍नेटाले एर्का मंता.

प्रेरितुल्‍कुना कबाह्‍क 2:28

निमे नाकु पिस्सना हर्रि हुपिस्‍तिन, नीवा लोप्पो नाकुन आनंदमते इर्रंतिन.”

1 पत्रु 4:1

बल्हा अय्ते किरिस्‍तु मेंदुल्ते मत्‍तस्के तकलिप बोगांचतोर, मिमेटगुडा ओनसोंटा मनसु इर्सि दान मीवा विस्रेलेसीं वाळकुंटु. बारित्‍ते, बोर अय्ते तकलिप बोगांचंतोर, ओर पापमतुन होळसींतोर.