योहान 18:32 - पवित्र पोल्‍ले

³² अद अल्हा बारि जर्गता इत्‍ते, येसुंक बसोंटा हामुर वायनद मंता इंचि येसु कुद्‍दु वेहता पोल्‍ले पुरागा आयनाहाटीं अल्हा जर्गता.

योहान 18:32 Iomraidhean Croise

मत्‍तयाल 20:19

पजा यहुदि आयवोरा कय्‍दे अप्‍पजेपनुर, ओर नाकुन सिडांच्‍नुर, नापोर्रो उस्कानुर, पोट्‍टेते तन्‍नानुर, पजा नाकुन क्रुसुनपोर्रो मोल्‍लां कोह्कानुर. गानि मूडोव रोजुने नना मर्रा जीवाते तेदंतन,” इंचि इत्‍तोर.

योहान 10:31

अस्‍के मरुंदि मल्का यहुदिल्क येसुन हव्कालय बंडां पेरतुर.

योहान 10:33

अस्‍के ओर, “निमे कीता बेसता कबाह्कुनाहाटीं नीकुन बंडाने तन्‍नोम. गानि निमे पेनदा अपमानम कीतिन. अचोने आयका निमे मनकन आसिगुडा नीवद निमे पेन इंचि वेहकुंतिन, अदुनहाटीं मोमोट नीकुन बंडाने तनंतोम” इत्‍तुर.

योहान 13:18

“नना मी अंटोरा बारेमते वळ्कसेक हिल्‍लेन. नना बोर्कुन अय्ते पेर्कुत्‍तन, ओरा बारेमते नाक बेस एरपाट. गानि, ना हारि तित्‍तोरे नाकु अड्‍डम आतोर, इल्‍हा दर्मसास्‍त्रमते रासि मत्‍ता पोल्‍ले पुरागा आयना इंचि इल्‍हा जर्गपींता.

योहान 18:31

“अल्हा अय्ते ओन ओसि, मीवा सतता नियम परकारम मिमेटे ओना न्‍यायम कीम्‍टु,” इंचि पिलातुस इत्‍तोर. अस्‍के यहुदिल्क, “हामुर सिक्‍सा हियना अदिकारम सिराप, रोम सरकारुंके मंता,” इंचि इत्‍तुर.

योहान 21:19

पत्रु बसोंटा हामुर हासि, पेनदुक महिमा हियनुरो, इदुन ओन्क हुप्‍सालय येसु अल्हा वळ्कतोर. अल्हा वळकता पजा, “नावा पज्जो ताका,” इंचि ओन्क वेहतोर.

योहान 3:14

नाकुन बोर अय्ते विस्वासम कींतोर, ओन्क बस्‍केळ्‍क पिस्सना पिस्वर दोर्कगोम इत्‍ते, मूसाल बल्हा बय्‍लि बूमिते इत्‍तोळता तरासुन कोय्यापोर्रो वेलाड वाटसि मत्‍तोर, अल्‍हेने मनकना रूपमते पुटतोन नाकुनगुडा वेलाड वाटमळ जर्गागोम,” इंचि येसु इत्‍तोर.

योहान 8:28

अदुनहाटीं येसु, “मनकना रूपमते पुटतोन नाकुन, बस्के अय्ते वेलाड वाटमळ जर्रगंतनो, अस्‍के, ओन ननाने आंदुन इंचि, मीकु एरपाट आयार. अचोने आयका, नना सतागा बतले कीसेक हिल्‍लेन, गानि बव पोल्‍लें अय्ते बाबाल नाकु कराहतोरो, अवे पोल्‍लें नना वेहतन.

प्रेरितुल्‍कुना कबाह्‍क 7:59

लोकुल्‍क बंडाने तनानेंके स्‍टिपन, “येसु सामि, नावा आत्मातुन निमे एतकुन.” इंचि पारतना कीतोर.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.