योहान 18:3 - पवित्र पोल्‍ले

³ अय्ते यहुदल सिपाइल्कुना गेंगुन, पेद्‍दा पेर्मालोर, परिसिल्क लोहता गुळितगा कावेल कियानोर्कुन पीसि अगा वातोर. ओरतोनि दिव्टीं, कंदिलिं, लडाइ कियना विस्रें मत्‍तां.

योहान 18:3 Iomraidhean Croise

मत्‍तयाल 25:1

येसु मर्रा उंदि वेसुड वेहालय सुरुव कीतोर. ओर इत्‍तोर, स्वर्ग राज्येम बारेमते नना उंदि वेसुड वेहंतन केंजट. पदि लेय्यां कंदिलिं पीसि वरोर मरमिना पेडांक कलियालय होत्‍तां.

योहान 13:2

येसु, ओना सिस्युल्क नर्कटा वेलाते गाटो तिनालय उद्‍दिस मत्‍तुर. गानि गाटो तिन्‍नका मुन्‍नेन देय्यम, इस्‍कारियोत नाटेना सिमोन इनानोना मर्रि यहुदन लोप्पो वासि, येसुंक दोका हियालय ओन एक्‍किसता.

योहान 18:12

अस्‍के अगा वाता सिपाइल्कुना गेंग, ओरा दरोगाल आनि गुळितगा कावेल कियानोर येसुन दोर्कापीसि दोह्‍चि वाटतुर. दोह्‍चि वाटसि, मोट्‍टा मोदाला ओन हन्‍ना इनानोनगा ओतुर. ई हन्‍नाल कयपा इनानोना मामाल आंदुर. अद वर्सा ई कयपाल पेद्‍दा पेर्माल मत्‍तोर.

योहान 18:18

अद वेलाते वेल्‍लेन पीनि मत्‍ता. अदुनहाटीं सेवाकुल्क आनि गुळितगा कावेल कियानोर, तडमि मासि, सेका कासेके मत्‍तुर. अगा पत्रुगुडा ओरतोनि नित्‍तिसि आरसेक मत्‍तोर.

योहान 18:22

येसु अल्हा इत्‍तस्के, दग्‍गेरा नित्‍तिसि मत्‍ता वरोर गुळितगा कावेल कियानोर, “पेद्‍दा पेर्मांक इल्हेन जवाब हींतिना?” इंचि येसुना सेंपापोर्रो तंतोर.

योहान 19:6

येसुन हूळसि, पेद्‍दा पेर्मालोर आनि गुळितगा कावेल कियानोर, “ओन क्रुसुनपोर्रो वेलाड वाटा, ओन क्रुसुनपोर्रो वेलाड वाटा,” इंचि वरगेयतुर. अस्‍के पिलातुस ओर्कुन, “ओन ओसि मिमेटे क्रुसुनपोर्रो वेलाड वाटट, नाकु ओनालोप्‍पो बदे कसूर दोर्काहिल्‍ले,” इंचि इत्‍तोर.

योहान 7:32

लोकुल्‍क येसुना बारेमते इसोंटा पोल्‍लें गुसा-गुसा वळ्कानेंके परिसिल्क केंजतुर. केंजसि पेर्मालोर्क आनि परिसिल्क येसुन दोर्का पियानाहाटीं गुळितगा कावेल कीसेक मत्‍ता सिपाइल्कुन लोहतुर.

प्रेरितुल्‍कुना कबाह्‍क 1:16

“नावा विस्वासुल्‍कुनिटा! दाविद राजाल पवित्र आत्माहेंदाल दर्मसास्‍त्रमते रासि मत्‍ता पोल्‍लेतुन मुन्‍नेन इंचि मत्‍तोर, अद इंदके यहुदाना हेंदाल पूरा आता. ई यहुदाले येसुन पियानोर्कुंक मुन्‍ने अरतोर.

प्रेरितुल्‍कुना कबाह्‍क 10:1

कैसरिया सहरते कुरनेलियुस पोरोलतोर वरोर मनकल मनुंदुर. ओर इटलि इनना पोलिस दलमते नूर मिल्ट्री पोलिसुल्कुन पोर्रो दरोगाल मत्‍तोर.