योहान 18:18 - पवित्र पोल्‍ले

¹⁸ अद वेलाते वेल्‍लेन पीनि मत्‍ता. अदुनहाटीं सेवाकुल्क आनि गुळितगा कावेल कियानोर, तडमि मासि, सेका कासेके मत्‍तुर. अगा पत्रुगुडा ओरतोनि नित्‍तिसि आरसेक मत्‍तोर.

योहान 18:18 Iomraidhean Croise

मरकुस 14:54

गानि पत्रु लक्‍कुटाले येसुना पज्जो-पज्जो पेद्‍दा पेर्माना दारादाका होत्‍तोर. अगा सिपाइल्कुनतोनि तडमितगा सेका कासेक मत्‍तोर.

मरकुस 14:67

वासि, पत्रु तळमि सेका कासेक मत्‍तद हूळसि, “निमेगुडा नासरेत नाटेना येसुनतोनि मत्‍तिन गदा!” इंचि इत्‍ता.

लूकाल 22:44

येसु वेल्‍लेन दुक्‍कमते निंडिसि पेनदुक पारतना कीतोर. ओर अल्हा पारतना कियनेंके ओना सेमटा, नेत्‍तुरलेसीं आसि बोट्‍टुक-बोट्‍टुक बूमिपोर्रो अरसेक मत्‍ता.

योहान 18:25

सिमोन पत्रु तडमितगा सेका कासेके मत्‍तस्के, अगा मत्‍तोर इच्‍चुर लोकुल्‍क ओन, “निमेगुडा ओना सिस्युल्‍कुनाल वरोन आंदिन गदा?” इंचि पूसकीतस्‍के, “नना आयोन,” इंचि पत्रु आबद्‍दम वळ्कतोर.

योहान 18:3

अय्ते यहुदल सिपाइल्कुना गेंगुन, पेद्‍दा पेर्मालोर, परिसिल्क लोहता गुळितगा कावेल कियानोर्कुन पीसि अगा वातोर. ओरतोनि दिव्टीं, कंदिलिं, लडाइ कियना विस्रें मत्‍तां.

योहान 21:9

ओर ओड्‍डुंक एवतस्‍के, रेय्‍सि हूळते, अगा ओर्क इच्‍चुं हारिं आनि तडमि पोर्रो वाटसि, इच्‍चुं जिम्मां दिसतां.

प्रेरितुल्‍कुना कबाह्‍क 4:23

पत्रुन, योहानुन होळसीतस्के ओर ओरा दंटातोरगा वापस वासि, पेद्‍दा पेर्मालोर्क, यहुदि पेद्‍दाल्क इत्‍ता पोल्‍लें अंता ओर्कु वेहतुर.

1 कुरेंति 15:33

गानि हातोर मर्रा जीवाते अर्रुर इंचि इनानोरा हेंदाल दोकाते अरमट. “कराब लोकुल्‍कुना दंटा, बेस ताकानोर्कुन हेडहंता.”