योहान 18:11 - पवित्र पोल्‍ले

¹¹ गानि येसु, “नीवा कसेर दाळोतगा इर्रा. नावा बाबाल नाकु हीता तिप्पलता वाटिते नना उना मन्‍निआ?” इंचि पत्रुन इत्‍तोर.

योहान 18:11 Iomraidhean Croise

मत्‍तयाल 20:22

जवाबुने, “मिमेट बतल पूसकीसंतिरो, अद मीक तेळियसेक हिल्‍ले. नना बव कस्‍टाल्‍क अय्ते बोगांचना मंता, अवुन मिमेट बोगांचा परकिटा?” इंचि येसु इत्‍तस्के, “हो, मोमोट तयार मंतोम,” इंचि ओर इत्‍तुर.

मत्‍तयाल 26:39

इच्‍चुर मुन्‍ने होंचि बोकबोर्लें अर्सि ओर इल्‍हा पारतना कियालय दल्‍गुतोर, “ए बाबा, ओक्‍कला कुदुरते, नावा इद गोसा तप्‍पिसि होन्‍नि, गानि इद नावा विचारम मत्‍ताप आयो, नीवा विचारम मत्‍तापे आयि.”

मत्‍तयाल 26:42

येसु मरुंदि मल्का होंचि, “नावा बाबा, नना इदुन उन्‍ने पींता इनानय्ते, नीवा विचारमे पूरा आयि,” इंचि पारतना कीतोर.

लूकाल 12:30

दुनियातोर अंटोर लोकुल्‍क इवुनाहाटींगें तनलाळसेक मनांतुर. गानि मीकु इव अन्‍नि गावाले इंचि मीवा पेनबाबांक एर्के मंता.

लूकाल 22:42

“ए पेनबाबा! ओक्‍कला नीवा इच्‍चा मत्‍ते, नाकु वायाना ई तकलिपतुन नावा पोर्रोटाल तप्पिच्‍चा. अयना नावा इच्‍चा मत्‍ताप आयो गानि नीवा इच्‍चा बल्हा मंता अल्हे जर्गि,” इंचि इत्‍तोर.

योहान 15:10

नना नावा बाबाल वेहता आदेसकुनपोर्रो ताकसेके, ओना पावरमते निलसि मंतन. अल्हेन मिमेटगुडा नना वेहता आदेसकुनपोर्रो ताकतिरित्‍ते, नावा पावरमते निलसि मनंतिर.

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

योहान 18:36

अस्‍के येसु, “नावा राज्येम ई दुनियाक संबंदिस्तद आयो. ओक्‍कला नावा राज्येम ई दुनियाक संबंदिस्तद आसि मत्‍ते, नाकुन यहुदि पेद्‍दाल्कुंक अप्‍पजेपकोंटा नावा सेवाकुल्क लडाइ कीसि मन्‍नेर. गानि इंदके नावा राज्येम ई दुनियाक संबंदिस्तद आयो,” इंचि जवाब हीतोर.

योहान 20:17

अस्‍के येसु, “इदवेरदाका नना बाबानगा होना हिल्‍लेन. निमे नाकुन इट्‍टुमा, गानि नावा तम्मुह्कुनगा होंचि इल्‍हा वेहा: नना नावा बाबाल आनि मीवा बाबाल, इंका नावा पेन आनि मीवा पेनदागा पोर्रो होंचंतन, इंचि ओर्क वेहा,” इंचि दानकु वेहतोर.

2 कुरेंति 10:4

मोमोट लडाइ कियाना विस्रें दुनियातोरसंटव आयों, गानि किल्‍लान कूलाहनाहाटीं पेनदाहेंदाल ताकततव आंदुं.

2 कुरेंति 6:7

सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.