योहान 17:6 - पवित्र पोल्‍ले

⁶ “ई दुनियाताल निमे नाकु हीता लोकुल्‍कुंक, नना नीवा पोरोल्तुन हुपिस्तन. ओर बस्‍केळ्‍क नीवोर्के आंदुर. ओर्कुन निमे नाकु हीतिन. ओर नीवा पोल्‍लेपोर्रो ताकतुर.

योहान 17:6 Iomraidhean Croise

योहान 1:18

पेनदुन बस्‍केने बोरे हूळा हिल्‍लुर. गानि पेनबाबाना संकाते मनना ओना वरोरे मर्रि, ओरे मनाकु ओन हुपिस्तोर.

योहान 12:28

बाबा! नीवा पोरोल्क निमेन कदर हीम,” इंचि येसु इत्‍तोर. अल्हा इत्‍तस्के स्वर्गमताल उंदि अल्किर, “नना नावा महिमाता कदरतुन दीनकन्‍ना मुन्‍ने हीतन, मर्रा इंका हींतन,” इंचि केंजावाता.

योहान 15:19

मिमेट दुनियातोर्क नच्‍चताप मनानय्ते, ओर मीकुन पावरम कीसि मन्‍नेर. गानि मिमेट दुनियातोर्क नच्‍चताप मंचेके हिल्‍लिर. नना मीकुन इद दुनियाताल पेरतन. अदुनहाटीं दुनियातोर मीकुन हय्सुर.

योहान 15:3

दीनकन्‍ना मुन्‍ने नना मीकु वेहता पोल्‍लेहेंदाल मिमेट साप आतिर.

योहान 15:7

मिमेट ना लोप्पो आनि नावा पोल्‍लें मीलोप्‍पो मनानय्ते, मीकु गावाले मत्‍तद बतल तल्‍किना, अद मीवाहाटीं कियमळ जर्गंता.

योहान 17:12

नना ई दुनियाते ईरतोनि मननेंके, निमे नाकु हीता नीवा पोरोलता ताकतते ओर्कुन कापाळतन. सिराप, दर्मसास्‍त्रमते रासता पोल्‍ले पूरा आयनाहाटीं बोर अय्ते नासडेम आयना मत्‍ता ओन होळसि, वेरे बोरे नासडेम आया हिल्‍लुर, नना ओर्कुन कापाळतन.

योहान 17:14

नीवा पोल्‍ले नना ईरकु वेहतन. नना इद दुनियातोन आयोन. अल्हेन ईरगुडा इद दुनियातोर आयुर. अदुनहाटीं ई दुनियातोर ईरकुन हय्सेक हिल्‍लुर.

योहान 17:16

नना ई दुनियातोन आयोन, अल्हेन ईरगुडा ई दुनियातोर आयुर.

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

योहान 17:26

ना पोर्रोटा नीवा पावरम ओरा लोप्पो मननाहाटीं आनि ननागुडा ओरा लोप्पो मनना इंचि, नीवा पोरोल्तुन ओर्क एरपाट कीसीतन. इंका मुन्‍नेगुडा एरपाट कीसि हीसेक मनंतन,” इंचेके येसु पारतना कीतोर.

योहान 17:7

निमे बतल अय्ते नाकु हीतिनो, अव अन्‍नि निहेंदाले दोर्कतव इंचि इंदके ओर्क तेळियता.

योहान 18:9

बारित्‍ते, “निमे नाकु हीतोरव्टेटाल, नना वरोनिंका तप्‍सोना हिय्या हिल्‍लेन,” इंचि ओर इत्‍ता पोल्‍ले पुरागा आयगोम इंचि अल्हा इत्‍तोर.

योहान 6:37

अयना बाबाल बोर-बोर्कुन अय्ते नाकु अप्‍पजेप्‍पंतोर, ओरे नहगा वांतुर. नहगा वायानोर्कुन नना बस्‍केने मलाहचि लोहोन.

योहान 6:39

नाकुन लोहतोना इच्‍चा बतल इत्‍ते, नाकु अप्पजेपतोर्कुन वरोरगुडा तप्‍सोनाकोंटा हूळना आनि आकिरता रोजु ओर्कुन मर्रा जीवाते तेहना.

योहान 8:51

नना निजम-निजम वेहासेक, बोरे आयिर नना कराहता पोल्‍लेनपोर्रो ताकानय्ते, ओर बस्‍केने हामुरतुन हूळोर,” इंचि इत्‍तोर.

योहान 8:52

इदुन केंजसि यहुदिल्क, “नीकु निजमे देय्यम पीता इंचि इंदके माकु एरपाट आता. अब्राहाम आनि पेनदा कबुरतोरगुडा हातुर, आनि निमे, ‘बोर आयिर, नना वेहता पोल्‍लेनपोर्रो ताकानय्ते, ओर बस्‍केने हामुरतुन हूळोर’ इंचि वेहांतिन.

प्रेरितुल्‍कुना कबाह्‍क 13:48

ई पोल्‍ले केंजसि वेरे जातितोर वेल्‍ले कूस आसि, सामिना पोल्‍लेता कदर कियालय दल्‍गुतुर. बचटूर्कुन अय्ते बस्‍केळ्‍क पिस्सना पिस्वरताहाटीं पेन पेरकुत्‍तनो, अचटुर येसुनपोर्रो विस्वासम कीतुर.

रोम सहरतोरहाटीं पौलुसना सिट्‍टि 11:2

पेनदुक मोदोलताले तेळियसि मत्‍ता. दाना इस्राएल लोकुल्‍कुन अद होळसा हिल्‍ले. एलिया इनना पेनदा कबुरतोना बारेमते दर्मसास्‍त्रमते बतल रासि मंता मीकु तेळियोना? ओर इस्राएल लोकुल्‍कुनपोर्रो तप्पुक दोस्सेके इल्‍हा इत्‍तोर, “ए सामि, ई लोकुल्‍क अय्ते नीवा कबुरतोर्कुन हव्कतुर, नीकु मोक्‍कु हिय्यना गद्‍देनंता कूलाहतुर. नना वरोने पिस्सि मंतन. इंदके नाकुनगुडा हव्कालय हूळसंतुर,” इंचि इत्‍तोर.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

2 तिमोति 1:13

किरिस्‍तु येसुना लोप्पो मनना विस्वासम आनि पावरमताहेंदाल निमे बव सत्‍तेम पोल्‍लें अय्ते नाहेकेटाल केंजतिनो, अवुन पीसि वेरेतोराहाटीं मन्‍नु.

इब्रि 2:12

अदुनहाटीं, “नावा तम्मुह्‍कुंक-हेलाहकुंक नीवा पोरोल वेहकन, कलिसियातोरा मुन्‍ने नना नीकुन तल्सकुनकन,” इंचि ओर पेनदुन इत्‍ता पोल्‍ले दर्मसास्‍त्रमते रासतद मंता.

इब्रि 3:6

गानि पेनदा विस्वासमगल्‍ला मर्रि, किरिस्‍तु, पेनदा पूरा लोतोरा अदिकारि आसि मत्‍तोर. मनमगिंटा मना विस्वासम आनि आसेता बारेमते आकिरदाका इरगा गट्‍टिगा मत्‍ते, मनमगुडा पेनदा लोतोरम आसि मनंतोम.

1 पत्रु 1:1

नना पत्रुन, येसु किरिस्‍तुना प्रेरितुन आंदुन. रोम देसेमता पुंतुस, गलातिया, कप्‍पुदुकिया, आसिया आनि बितुनिया राज्येल्कुने पैलांचि होंचि, पराय देसेमतोर आसि मत्‍ता लोकुल्‍कुंक नना इद सिट्‍टि रासेके मंतन.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.

पेन हुपिस्‍ता पोल्‍लें 2:13

बगा अय्ते देय्यमता राजगद्‍दे मंता अग्गेन निमे मनांतिन इंचि नाकु एरपाटे. अयना ना पोरोलते निमे निल्‍सि मंतिन. नावा विस्वासमगल्‍ला सेवक अंतिपान मीवा नड्‍डुमे देय्यम मनना जेगाते हव्कतुर, अव रोजकुनेगुडा निमे नावा पोर्रोटा विस्वासमताल पजोळ्क होना हिल्‍लिन.

पेन हुपिस्‍ता पोल्‍लें 3:10

निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.

पेन हुपिस्‍ता पोल्‍लें 3:8

निमे कियाना कबाह्‍क नाक एरपाटे, नीवा ताकत तक्‍को मंता गानि नावा पोल्‍लेता पालन कीतिन आनि नावा पोरोलतुन एतोन इंचि इना हिल्‍लिन. अदुनहाटीं हूळा! नीवा मुन्‍ने उंदि तल्‍पु कुल्‍ला कीसि इरतन, अदुन बोरे बंद किया पर्रुर.