योहान 17:22 - पवित्र पोल्‍ले

^22-23 निमे ना लोप्पो मंतिन, नना नी लोप्पो मंतन. निमे नाकु हीता कदरतुन नना ओर्क हीतन. मनम इंदके बल्हा उंदि आसि मंतोमो, अल्हेन ओरगुडा उंदि आसि मंदना. अल्हा मत्‍तेने, नाकुन निमे लोहतिन आनि नाकुन पावरम कीताप ओर्कुनगुडा पावरम कीसंतिन, इंचि दुनियाक एरपाट आयापींता.”

योहान 17:22 Iomraidhean Croise

मरकुस 6:7

उंदि रोज येसु पन्‍नेंड मंदि सिस्युल्कुन दग्‍गेरा केयतोर. ओर्कुन इव्वुर-इव्वुर दंटा कीसि, ओर्क देय्याल्क गेदमना अदिकारम हीसि सेवा कियालय लोहतोर.

लूकाल 22:30

अद अदिकारम बद इत्‍ते, मिमेटगुडा नावा राज्येमते नावातोनि उद्‍दिसि तिनकिर, उनकिर. इंका राजगद्‍देन पोर्रो उद्‍दिसि इस्राएलना पन्‍नेंड गोत्राल्कुनोरा न्‍यायम कीकिर,” इंचि इत्‍तोर.

योहान 1:14

आ पोल्‍ले मनकना रूपमते मारियता. अद कुर्पा, सत्‍तेमतोनि पुरागा निंडिस मना नड्‍डुम जेगा आता. मोमोट महिमातुन हूळतोम. अद महिमा बाबाना वरोरे मर्रिना महिमालेसीं मत्‍ता.

योहान 1:16

ओर अन्‍नि तीरकुने पुरागा मत्‍ताहेंका, ओनहेंदाल मनाकु अंटोर्क कुर्पाता आसिर्वाद पोर्रो आसिर्वाद दोर्कता.

योहान 14:20

अल्हा जर्गतस्के, नना बाबाना लोप्पो, मिमेट ना लोप्पो, नना मीलोप्‍पो मंतन इंचि मीकु तेळियार.

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

रोम सहरतोरहाटीं पौलुसना सिट्‍टि 8:30

बोर-बोर्कुन अय्ते पेन पेरता ओर्कुन दाना हर्दे ताकालय केयता. इंका बोर-बोर्कुन दाना हर्दे ताकालय केयता ओर्कुन नीतिमंतुल्क कीता. इल्‍हा नीतिमंतुल्क कीतोर्कुंक वेल्‍लेन कदरगुडा हीता.

2 कुरेंति 3:18

मनम अंटोरम अद मुस्‍कुन तेंडसि पोहतोम, इंदके अद्‍दमते हूळताप सामिना महिमाता वेल्‍गुन हूळसेक मंतोम. ओना आत्मा मनालोप्‍पो मत्‍ताहाटीं ओनालेसींगे मनम मारियसेके मंतोम.

2 कुरेंति 5:20

अदुनहाटीं मोमोट किरिस्‍तुना राजदूतकुम आंदुम. मावाहेंदाल पेन मीक वेहासेक मंता इनकुंटु. मिमेट पेनतोनि कलियसि मंदना इंचि किरिस्‍तुनाहेंदाल मोमोट मीक विनंति कीसेक मंतोम.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

इपीसि 2:20

अचोने आयाका प्रेरितुल्क आनि पेनदा कबुरतोरा पुनादिपोर्रो येसु किरिस्‍तुन मूला बंडालेसीं इर्सि दोहता लोह्‍कु मिमेटे आंदिर.

पिलिपिया 1:29

सिराप किरिस्‍तुन विस्वासम कियालये आयो गानि ओनाहाटीं तिप्‍पल्‍क अर्रालयगुडा पेन किरिस्‍तुनहेंदाल मीकु आसिर्वाद हीता.

कुलुसि 1:24

किरिस्‍तुना मेंदुलतसोंटा कलिसियाताहाटीं बवय्ते बादां तक्‍को मत्‍तां. अव बादन नावा मेंदुलताहेंदाल पूरा कीसेके मंतन, अदुनहाटीं इंदके मीवाहाटीं बवय्ते नावा दुक्‍काल्क मंतां अवुने नना आनंदमते मंतन.

1 योहान 1:3

मोमोट अय्ते पेनबाबानतोनि ओना मर्रि येसु किरिस्‍तुनतोनि कलियसि उंदासि पिस्सेक मंतोम, अदुनहाटीं मोमोट बतल अय्ते हूळतोम, केंजतोम, अदुना बारेमते मीकुगुडा वेहासेक मंतोम. दीनहेंदाल मिमेटगुडा मातोनि कलियसि मनम उंदासि मंदकोम.

1 योहान 3:24

बोर अय्ते पेनदा आदेस परकारम ताकंतोर, ओर पेनदा लोप्पो निल्‍सि मनंतोर, ओनालोप्‍पो पेन निल्‍सि मनंता. इल्‍हा, पेन मना पिस्वरते निल्‍सि मनंता इंचि, मनाकु हीता पवित्र आत्माहेंदाल, एरपाट आंता.

1 योहान 4:17

मनालोप्‍पो पेनदा पावरम पुरागा आंता. अदुनहाटीं पेन न्‍यायम कियाना रोजुने मनम वेरियाकोंटा मना परकोम. बारित्‍ते किरिस्‍तु मत्‍तापे, मनमगुडा इद दुनियाते पिस्सेक मंतोम.

पेन हुपिस्‍ता पोल्‍लें 21:14

अद सहर सुट्‍टु मत्‍ता गूरे पन्‍नेंड पूनादिनपोर्रो निल्‍सि मत्‍ता. आ पन्‍नेंड पूनादिनपोर्रो गोर्रे पोरिना पन्‍नेंड प्रेरितुल्कुना पन्‍नेंड पोरोलीं रासि मत्‍तां.