21 बाबा! बल्हा अय्ते निमे नहगा, नना निहगा उंदि आसि मंतोमो, अल्हेन ओरगुडा उंदि आसि मननाहाटीं पारतना कीसंतन. नाकुन निमेन लोहतिन, इंचि दुनियातोर विस्वासम कियना इत्ते, ओरगुडा मनांटे उंदि आयापींता.
ओक्कला, उंदि राज्येमते मनानोरा लोप्पो वरोनद-वरोंक अर्राकोंटे अद राज्येम निल्ला परांतना? बस्केने निल्ला पर्रो.
इद पोद्दितव आयवा गोर्रेंगुडा नहगा मंतां. नाकु अवुनगुडा तरानद मंता, अवगुडा नावा लेंग केंजनूं. अस्के अन्नि उंदे मंदा आसि मनंतां आनि अवुना मेहानोरगुडा वरोरे मनांतोर.
बाबल, नना मोमोट इव्वुरोम उंदे आंद,” इंचि इत्तोर.
गानि नना अव कबाह्कुन कींतन इंचि, नाकुन नम्मकोन्ना, नना कियना कबाह्कुनपोर्रो अयना विस्वासम इर्रट. अस्के, बाबाल ना लोप्पो, नना बाबाना लोप्पो मंतोम इंचि मीकु तेळियार,” इंचि येसु इत्तोर.
निमे बस्केळ्के नावा पारतना केंजंतिन इंचि नाकु एरके. गानि नाकुन निमेन लोहतिन इत्तादुन, ना सुट्टु निलसि मत्ता लोकुल्क नम्मुगोम इंचि ओराहाटींगे नना ई पोल्ले वळ्कतन,” इंचि इत्तोर.
नावाहेंदाल पेनदुक महिमाता कदर दोर्कानय्ते, पेन नाकु दाना कदर हिय्यार. अद आल्सेम कियाकोंटा बिरानेन हींता.
मीवा वरोनद वरोर पावरम कियमळतुन हूळसि, मिमेट नावा सिस्युल्क आंदिर, इंचि अंटोर लोकुल्कुंक तेळियसि दांता,” इंचि येसु वेहतोर.
इंदकेटाल नना इद दुनियाते मनोन. नना निहगा वासंतन. गानि ईर ई दुनियाते मनंतुर. पवित्र बाबा! इंदके मनम उंदि आसि मत्ताप, ईरगुडा उंदि आसि मनालय, निमे नाकु हीता नीवा पोरोलता ताकतते ईरकुन कापाळा.
बल्हा अय्ते निमे नाकुन ई दुनियाते लोहतिन, अल्हेन नना ईरकुन दुनियाते लोहंतन.
“नना सिराप ईराहाटींगे पारतना कीसेक हिल्लेन, गानि बोर अय्ते ईर वेहना पोल्लेतुन केंजसि नापोर्रो विस्वासम इर्रंतुर, ओराहाटींगुडा नना पारतना कीसंतन.
बाबा! निमेन नीतिमंतुन आंदिन. ई दुनिया नीकुन एरपाट किय्यो. गानि नना एरपाट कींतन. अल्हेन नाकुन निमेन लोहतिन इंचि ई सिस्युल्क एरपाट कींतुर.
बारित्ते बव पोल्लें अय्ते निमे नाकु हीतिनो, अवुन नना ओर्क एविच्तन. ओर अवुन ओप्कुत्तुर. नना निजम निहागटाले वातन, नाकुन निमेन लोहतिन इंचि ओर विस्वासम कीतुर.
पेन ई दुनियातोर्क सिक्सा हिया वेहालय, दाना मर्रिन ई बूमिपोर्रो लोहा हिल्ले, गानि दुनियातोर्कुन पिसागोटालय ओन लोहचीता.
रोज गुळिते उंदि मनसुने जमा आयुंदुर. ओर लोन-लोन हारि उराहचि, आनंदमते पीटे बतले अन्समन्स हिलाकोंटा अंटोर कलियसि गाटो तिनुंदुर.
विस्वासुल्क अंटोर उंदि मनसु, उंदि जीवा आसि मत्तुर. बोरन्ना आयि बदे सोम्मु, इद नावद इंचि इनाकोंदुर, गानि बोनगन्ना बतलन्ना मत्ते दान तूसकुनुंदुर.
अल्हेन मनमगुडा वेल्लेन मंदि अय्नागानि किरिस्तुनतोनि कलियसि उंदे मेंदुललेह्का मंतोम. इंचि मनम कय्क-काल्कुनलेह्का उंदे मेंदुल्क अंटिस मंचि वरोंक-वरोर बेस कलियसि मंतोम.
विस्वासुल्कुनिटा! मीलोप्पो जगडाल्क आसेक मंतां इंचि क्लोयेना लोतोर नाक वेहतुर. अदुनहाटीं मिमेट अंटोर उंदे पोल्लेते ताकाटु, मीलोप्पो वरोनद-वरोंक अर्राकोंटा मनमट, गानि मिमेट उंदे मनसुने, उंदे विचारमते कलियसि मंटु इंचि नना मीक मना सामि येसु किरिस्तुना पोरोलते विनंति कीसेक मंतन.
मना मेंदुल उंदे गानि अवने बागाल्क वेरे-वेरे मंतां. अवन्नि बागाल्क वेल्लेने मनना गानि उंदे मेंदुल्तव आंद, अल्हेने किरिस्तुगुडा मेंदुललेसीं मंतोर.
गानि बोर अय्ते सामिनतोनि उंदि आंतोर, ओर ओनतोनि आत्माते उंदि आंतोर.
इंदके यहुदि, युनानि, जीतागाड, मालक, मांड्सा, मुरतळ इल्हा बतले परक हिल्ले. किरिस्तुने मिमेट अंटोर उंदे.
बद बतले आयि, मीवा पिस्वर मात्रम किरिस्तुना बेसता कबुरते मत्ताप मनना. अस्के बतल आंता इत्ते, नना मिहगा वायिना, वायाकोन्ना मिमेट अंटोर उंदे आत्माते गट्टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.
मोमोट अय्ते पेनबाबानतोनि ओना मर्रि येसु किरिस्तुनतोनि कलियसि उंदासि पिस्सेक मंतोम, अदुनहाटीं मोमोट बतल अय्ते हूळतोम, केंजतोम, अदुना बारेमते मीकुगुडा वेहासेक मंतोम. दीनहेंदाल मिमेटगुडा मातोनि कलियसि मनम उंदासि मंदकोम.
साक्सि हिय्यनोर मुव्वुर आंदुर.