योहान 17:13 - पवित्र पोल्‍ले

¹³ नना इंदके निहगा वासंतन. गानि नावा आनंदम ओरा लोप्पो पुरागा आयना इंचि, इव पोल्‍लें नना इद दुनियाते मननेंकेन वेहंतन.

योहान 17:13 Iomraidhean Croise

योहान 13:3

पेनबाबाल अन्‍नि अदिकाराल्‍क येसुना कय्‍दुक हीतोर, इंका ओर पेनदागटाल वातोर, पेनदागेन मल्सि दांतोर इत्‍तद अन्‍नि ओन्क एरपाटे मत्‍ता.

योहान 15:11

नावा कुसि मीलोप्‍पो मनना, आनि मीवा कुसि पुरागा आयना इंचि, नना मीकु इव पोल्‍लें वेहतन.”

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

योहान 17:11

इंदकेटाल नना इद दुनियाते मनोन. नना निहगा वासंतन. गानि ईर ई दुनियाते मनंतुर. पवित्र बाबा! इंदके मनम उंदि आसि मत्‍ताप, ईरगुडा उंदि आसि मनालय, निमे नाकु हीता नीवा पोरोलता ताकतते ईरकुन कापाळा.

योहान 3:29

मरमिन पेडल मत्‍तागेन मरमिन पेगिड मनंता. नना अय्ते मरमिन पेडाना पक्‍काते निलसि मनना ओना दंटागानसंटोन आंदुन. मरमिना पेडल बतलन्‍ना वेहते अद केंजसि आ दंटागाल वेल्‍लेन कूस आंतोर. ननागुडा अल्हेन, लोकुल्‍क ओनगा होननद हूळसि नना पुरागा कुसिते निंडसोत्‍तन.

योहान 7:33

अस्‍के येसु ओर्क, “इंका जेर्रासेप नना मीतोनि मनंतन, पजा नाकुन लोहतोनगा नना तिरियसि दांतन.

प्रेरितुल्‍कुना कबाह्‍क 13:52

गानि अंताकियाता विस्वासुल्‍क पवित्र आत्माते पूरा निंडिस आनंदमते मत्‍तुर.

रोम सहरतोरहाटीं पौलुसना सिट्‍टि 14:17

पेनदा राज्येम, इत्‍ते मना पिस्वर पोर्रो किरिस्‍ते राज्येम कियना. दाना राज्येम इत्‍ते तिनमळ-उनमळता पोल्‍लेंगें अचोने इंचि इनकुनमट गानि पेनदा मुन्‍ने सत्‍तेमते पिसमळ, पवित्र आत्माहेंदाल दोर्कना सांति, आनंदमते मनमळ आंद.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

1 योहान 1:4

मिमेट मातोनि कलियसि मावा आनंदम पुरागा आयाना इंचि मोमोट इव पोल्‍लें मीकु रासेक मंतोम.

2 योहान 1:12

इंका वेल्‍लेन पोल्‍लें मीहाटीं रासाना इंचि नावा मनसु मंता. गानि अवुन नना साइते कायदोमपोर्रो रासोन. बारित्‍ते, मिहगा वासि मीकुन कलियसि, मीतोने अन्‍नि पोल्‍लें वळ्‍काना इंचि मनसुने आसे पडसेक मंतन. अस्‍के मना कुसि इत्‍तदगुडा पुरागा आंता.