योहान 17:11 - पवित्र पोल्‍ले

¹¹ इंदकेटाल नना इद दुनियाते मनोन. नना निहगा वासंतन. गानि ईर ई दुनियाते मनंतुर. पवित्र बाबा! इंदके मनम उंदि आसि मत्‍ताप, ईरगुडा उंदि आसि मनालय, निमे नाकु हीता नीवा पोरोलता ताकतते ईरकुन कापाळा.

योहान 17:11 Iomraidhean Croise

मत्‍तयाल 10:16

हुळाट, तोडेल्‍लिन लोप्पो गोर्रेन लोहताप नना मीकुन लोहचंतन, इंचि मिमेट तरासुनलेसीं जेगर्ता आनि पावरेम पिट्‍टेनलेसीं इमानदार मंटु.

मत्‍तयाल 5:48

अदुनहाटीं स्वर्गमते मंदना मीवा पेनबाबाल बल्हा पुरागा मंतोर अल्हे मिमेटगुडा मंटु.

मत्‍तयाल 6:9

अदुनहाटीं मिमेट पारतना कियनेंके इल्‍हा पारतना कीम्‍टु: “ए स्वर्गमते मनना मावा पेनबाबा, नीवा पोरोलतुन अंटोर कदर कियिरकांटी.

योहान 13:1

इद दुनियातुन होळसि पेनबाबानगा मल्सि होनना वेला दग्गेर्क एव्ता इंचि, येसुंक दाटसि होनना पंडुगुंकन्‍ना मुन्‍नेन तेळियता. इद दुनियाते मनना ओना लोकुल्‍कुन ओर वेल्‍लेन पावरम कीतोर. अचोने आयाका अद पावरमतुन आकिरदाका ओरपोर्रो हुपिच्‍चेकेन मत्‍तोर.

योहान 13:3

पेनबाबाल अन्‍नि अदिकाराल्‍क येसुना कय्‍दुक हीतोर, इंका ओर पेनदागटाल वातोर, पेनदागेन मल्सि दांतोर इत्‍तद अन्‍नि ओन्क एरपाटे मत्‍ता.

योहान 14:20

अल्हा जर्गतस्के, नना बाबाना लोप्पो, मिमेट ना लोप्पो, नना मीलोप्‍पो मंतन इंचि मीकु तेळियार.

योहान 16:28

नना बाबानगटाल इद दुनियाते वातन. इंदके मर्रा इद दुनियातुन होळसि बाबानाहेके होंचंतन,” इंचि येसु वेहतोर.

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

योहान 17:25

बाबा! निमेन नीतिमंतुन आंदिन. ई दुनिया नीकुन एरपाट किय्‍यो. गानि नना एरपाट कींतन. अल्हेन नाकुन निमेन लोहतिन इंचि ई सिस्युल्क एरपाट कींतुर.

योहान 17:6

“ई दुनियाताल निमे नाकु हीता लोकुल्‍कुंक, नना नीवा पोरोल्तुन हुपिस्तन. ओर बस्‍केळ्‍क नीवोर्के आंदुर. ओर्कुन निमे नाकु हीतिन. ओर नीवा पोल्‍लेपोर्रो ताकतुर.

योहान 7:33

अस्‍के येसु ओर्क, “इंका जेर्रासेप नना मीतोनि मनंतन, पजा नाकुन लोहतोनगा नना तिरियसि दांतन.

प्रेरितुल्‍कुना कबाह्‍क 3:21

गानि पूरा दुनियातुन मोदाटालेसीं बेस कींतन, इंचि पेन वेल्‍ले मुन्‍नेने पवित्र कबुरतोराहेंदाल वेहचि मत्‍ता. अद कालम वायनादाका किरिस्‍तु स्वर्गमतेन मनंतोर.”

रोम सहरतोरहाटीं पौलुसना सिट्‍टि 12:5

अल्हेन मनमगुडा वेल्‍लेन मंदि अय्नागानि किरिस्‍तुनतोनि कलियसि उंदे मेंदुललेह्का मंतोम. इंचि मनम कय्‍क-काल्कुनलेह्का उंदे मेंदुल्क अंटिस मंचि वरोंक-वरोर बेस कलियसि मंतोम.

रोम सहरतोरहाटीं पौलुसना सिट्‍टि 9:17

पेन पिरोन राजानतोनि इत्‍ता पोल्‍ले दर्मसास्‍त्रमते इल्‍हा रासि मंता: “नावा ताकततुन नीवाहेंदाल हुप्‍संतन अस्‍के नावा पोरोल पूरा दुनियामेळ तेळियसि होन्‍नार. इदुनहाटींगे नना नीकुन राजाल इंचि निलाहतन.”

1 कुरेंति 1:10

विस्वासुल्‍कुनिटा! मीलोप्‍पो जगडाल्‍क आसेक मंतां इंचि क्‍लोयेना लोतोर नाक वेहतुर. अदुनहाटीं मिमेट अंटोर उंदे पोल्‍लेते ताकाटु, मीलोप्‍पो वरोनद-वरोंक अर्राकोंटा मनमट, गानि मिमेट उंदे मनसुने, उंदे विचारमते कलियसि मंटु इंचि नना मीक मना सामि येसु किरिस्‍तुना पोरोलते विनंति कीसेक मंतन.

गलातिया 3:28

इंदके यहुदि, युनानि, जीतागाड, मालक, मांड्‍सा, मुरतळ इल्‍हा बतले परक हिल्‍ले. किरिस्‍तुने मिमेट अंटोर उंदे.

इपीसि 4:4

अंटोर विस्‍वासुल्‍कुनद उंदे मेंदुल आंद. अव्टे मनना पवित्र आत्मागुडा उंदे आंद. अल्हे अंटोर विस्‍वासुल्‍कुनगुडा पेन उंदे आसेते पिस्‍सालय केयता.

पिलिपिया 2:9

अदुनहाटीं पेन ओन अन्‍निटवुंकन्‍ना पेद्‍दोड कीसि ओना पोरोल्तुन अन्‍नि पोरोलींकन्‍ना पेद्‍दा कीता.

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 9:24

बूमिपोर्रो मनकालोर कीता अन्‍निटकन्‍ना पवित्र जेगा इत्‍ते, स्वर्गमते मनना निजम पवित्र जेगातसोंटा उंदि पोटवे आंद. बारित्‍ते, मनकालोर कीता पवित्र जेगाते किरिस्‍तु होळिया हिल्‍लोर, गानि इंदके ओर मना अंटोराहाटीं सीदा स्वर्गमते होळियसि पेनदा मुन्‍ने विनंति कियालय निल्‍सि मंतोर.

याकोब 4:4

विस्वासम हिल्वोरिटा! दुनियातोनि दंटा कियमळ इत्‍ते पेनदुक पगा आयमळ इद मीक तेळियोना? अदुनहाटीं बोर अय्ते दुनियातोनि दंटा कींतोर, ओर पेनदुक पगातोर आंतोर.

1 पत्रु 1:5

आकिरि रोजकुने पेन अंटोर्कुंक हुप्‍सालय तयार कीसि इरता मुक्‍ति, मीकु दोर्कनाहाटीं मीवा विस्वासम परकारम पेन मीकुन दाना बलमते कापाळसि स्वर्गमते इरसंता.

1 योहान 3:12

मनम काइनुनालेसीं मननायो. ओर देय्यमता बाजुनोर आसि ओना तम्मुन हव्कतोर. ओर ओना तम्मुन बद कारनमते हव्कतोर? बारित्‍ते, ओना तम्मुना कबाह्‍क नीतितव मत्‍तां आनि ओना कबाह्‍क बारे तप्‍पुनव मत्‍तां.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.

यहुदा 1:1

नना यहुदन, येसु किरिस्‍तुना सेवकुन आनि याकोबुना तम्मुन आंदुन. पेनबाबाल मीकुन केय्‍सि पावरम कीतोर आनि येसु किरिस्‍तुना कय्‍दे कापाळसेक मंतोर, मी अंटोर्क नना जोहर कींतन.

यहुदा 1:24

पेन मीकुन तप्‍पुळ बोदानाल हिळु अर्राकोंटा कापाळसि, दाना महिमाता मुन्‍ने आनंदमते आनि दोसेम हिलाकोंटा निल्‍हा परांता,

पेन हुपिस्‍ता पोल्‍लें 15:4

हे सामि सिराप निमेने पवित्र मंतिन, असोंटस्के नीकु वेरियाकोंटा, नीवा पोरोलता महिमा कियाकोंटा बोर मना पर्रांतोर? नीवा न्‍यायमतुन अंटोर हूळतुर, अदुनहाटीं दुनियाता अन्‍नि देसेल्‍कुना लोकुल्‍क निहगा वासि नीके मोळ्‍कानुर.”

पेन हुपिस्‍ता पोल्‍लें 19:12

ओना कळ्‍क पोत्‍तना तळमितालेसीं मंतां, ओना तल्‍लापोर्रो वेल्‍लेन किरिटाल्कु मत्‍तां. ओनापोर्रो उंदि पोरोलगुडा रासि मंता, आ पोरोलता अर्तम ओन्क तप्‍पा बोर्के तेळियो

पेन हुपिस्‍ता पोल्‍लें 4:8

जीवाते मनना नालुं जिवरासिंक हारुं-हारुं रेक्‍कां मंतां, अवुना मेंदुलता सुट्‍टु, लोप्पो कळ्के-कळ्‍क मंतां. अव पोद्‍दाला नर्का पल्हीं आराम कियाकोंटा उंदेतीर, “निमेने पवित्र, पवित्र, पवित्र, सामि पेनबाबाल, अन्‍निटकन्‍ना सक्‍तिमंतुन आंदिन. निमेने मुन्‍नेटाल मत्‍तिन, इंदके मंतिन, मुन्‍नेगुडा मनांतिन” इंचि इंचेक मत्‍तां.