योहान 17:1 - पवित्र पोल्‍ले

^1-4 इव अन्‍नि पोल्‍लें वेहमळ आतस्के, येसु पोर्रो स्वर्गमताहेके हूळसेक इल्‍हा पारतना कियालय दल्‍गतोर. “बाबा, अंटोर लोकुल्‍कुनपोर्रो निमे नाकु अदिकारम हीतिन. दीनहेंदाल निमे बोर्कुन अय्ते नाकु हीतिनो, ओर्क अंटोर्क नना बस्‍केळ्‍क पिस्सना पिस्वर हीकन. निमे वरोने सत्‍तेम पेनदुन आंदिन, बोर अय्ते नीकुन, निमे लोहता येसु किरिस्‍तुन एरपाट कींतुरो ओर्के आ बस्‍केळ्‍क पिस्सना पिस्वर दोर्कंता. निमे नाकु बव कबाह्‍क अय्ते कियालय हीतिनो, अवुन पुरागा कीसि, नना बूमिपोर्रो नीवा महिमा कीतन. इंदके नावा वेला एव्ता. अदुनहाटीं निमे नाकु कदर हीते, नना नीवा महिमा कींतन.

योहान 17:1 Iomraidhean Croise

मरकुस 14:41

येसु मूडोव मल्का ओरगा होंचि ओर्कुन इल्‍हा इत्‍तोर. “मिमेट इंदकेगुडा मींडसेक, आराम कीसेके मंतिरा? इद वेल्‍लेन आता, मनकना रूपमते पुटतोन नाकुन पापिर्कुना कय्‍दे पीसि हियना वेला एव्ता.

लूकाल 18:13

“गानि कर वसुल कियानोर लक्‍कु निततोर, ओनकु पोर्रो हूळालयगुडा दैरनेम आयाहिल्‍ले. ओर चातितुन तंचेके पारतना कीतोर, ‘ए पेनबाबा, नना पापि मनकन आंदुन, नावापोर्रो दया कीम,’ इंचि इत्‍तोर.

लूकाल 22:53

नना अय्ते रोज गुळितगा मीतोनि मनुंदुन, मिमेट अस्‍के नाकुन पिया हिल्‍लिर. अयना इद मीवा वेला आंदु, हीकटता राज्येम कियना वेला आंदु,” इंचि इत्‍तोर.

योहान 11:4

अद कबुर केंजसि येसु, “लाजरुंक अद बिमारि ओन हव्‍किसि ओयालय वाया हिल्‍ले, गानि पेनदा पेदातनमतुन हुप्‍सालय वाता. इदुनहेंदाल पेनदा मर्रिंक कदर दोर्कार,” इंचि इत्‍तोर.

योहान 11:41

अदुनहाटीं ओर आ बंडातुन तेंडतुर. पजा येसु पोर्रो हूळसेक, “बाबा, निमे ना पारतना केंजताहाटीं, नीकु दन्यवाद.

योहान 12:23

अस्‍के येसु इल्‍हा वेहालय दल्‍गतोर, “मनकना रूपमते पुटतोन नना, इंदके नावा महिमातुन हुप्‍सना वेला दग्गेर्क एव्ता.

योहान 13:1

इद दुनियातुन होळसि पेनबाबानगा मल्सि होनना वेला दग्गेर्क एव्ता इंचि, येसुंक दाटसि होनना पंडुगुंकन्‍ना मुन्‍नेन तेळियता. इद दुनियाते मनना ओना लोकुल्‍कुन ओर वेल्‍लेन पावरम कीतोर. अचोने आयाका अद पावरमतुन आकिरदाका ओरपोर्रो हुपिच्‍चेकेन मत्‍तोर.

योहान 16:32

हुळाट, नाकुन वरोने होळसि, मिमेट बेकेटोर हेके आसि बोना लोन ओर होनना वेला वायनद मंता, अद वासे मंता. अयना नना वरोन हिल्‍लेन, नातोनि बाबाल मंतोर.

योहान 7:30

पजा यहुदि पेद्‍दाल्क येसुन दोर्का पियालय हूळतुर. गानि अस्केळ्क ओना वेला एव्‍वका मत्‍ता. अदुनहाटीं वरोरगुडा ओन्क कय दोस्‍सा पराहिल्‍लोर.

योहान 7:39

येसुनपोर्रो विस्वासम कीतोर्क पेनदा आत्मा दोर्कनद मत्‍ता. अदे आत्माता बारेमते वेहालय येसु इव पोल्‍लें वळ्कतोर. येसु हासि मर्रा महिमाते तेदानदे मत्‍तोर. अदुनहाटीं पेन अदवेरदाका अद आत्मातुन बोर्के हिय्या हिल्‍ले.

योहान 8:20

येसु इव पोल्‍लें, गुळिता लोप्पो कोत्‍तां वाटना जेगातगा नित्‍तिसि कराहनेंके वळ्कतोर. अय्नागानि ओन बोरे दोर्का पिया हिल्‍लुर. बारित्‍ते ओना वेला एव्वनदे मत्‍ता.

प्रेरितुल्‍कुना कबाह्‍क 3:13

अब्राहाम, इसाक आनि याकोबुना पेन, इत्‍ते मना एनकाटोरा पेन, दाना सेवक येसुंक कदर हीता. गानि मिमेट ओन दोर्कापीसि हव्कालय हीतिर. अयना पिलातुस ओन होळसियाना विचारम कीतस्‍के मिमेट ओन होळसियामन्‍नि इत्‍तिर.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.