योहान 16:7 - पवित्र पोल्‍ले

⁷ अयना नना मीकु निजम-निजम वेहासेक, नना मिहागटाल होत्‍ते, मीके पायदा आयार. बारित्‍ते नना होनाकोंटे सहायम कियानोर मिहगा वायोर. नना होनानय्ते ओन मिहगा लोहंतन.

योहान 16:7 Iomraidhean Croise

लूकाल 24:49

इंका नावा पेनबाबाल हींतन इंचि पोल्‍ले हीता आ पवित्र आत्मातुन नना मिहगा लोहांतन. गानि बदवेरदाका अय्ते स्वर्गमताल पवित्र आत्माता ताकत मीपोर्रो रेय्योनो, अदवेरदाका मिमेट इदे येरुसलेम सहरते मंटु,” इंचि इत्‍तोर.

लूकाल 4:25

अद बल्हा इत्‍ते, पेनदा कबुरतोर एलियाहना कालमते बतल जर्गुता मीकु एर्केना? अस्‍के पूरा देसेमते मूड वर्सां हारुं नेल्कुनदाका पिर्रु वाया हिल्‍ले, अदुनहाटीं वेल्‍ले कर्वु अर्सि मत्‍ता. नना मीकु निजम वेहांतन, अद वेलाते इस्राएल देसेमते वेल्‍लेने मुंडामोस्ता मुर्ताह्क मत्‍तां.

लूकाल 9:27

गानि, नना मीकु निजम वेहांतन, इग्‍गे नित्‍तिसि मनानोरा लोप्पोटाल इच्‍चुर इल्‍हा मंतुर गदा, ओर पेनदा राज्येमतुन हूळवा, ओर्कु हामुर वायो.”

योहान 14:26

अय्नागानि, बाबाल नावा पोरोल्ते लोहना सहायम कियानोर, इत्‍ते पवित्र आत्मा, मीकु अन्‍नि पोल्‍लें करहार. अचोने आयका, नना मीकु वेहता अन्‍नि पोल्‍लें अद मीकु मति कीसि हिय्यार.

योहान 14:28

नना लक्‍कु होंचंतन, गानि मर्रा तिरियसि मीहेके वांतन, इंचि नना मीकु वेहचि मत्‍तन, अदुन मिमेट केंजतिरे गदा! अय्ते, मिमेट नाकुन निजम पावरम कियानय्ते, नना बाबानाहेके होंचंतन इंचि वेहतस्के मिमेट कूस आसि मंदकिट. बारित्‍ते बाबाल नाकन्‍ना पेद्‍दोड आंदुर.

योहान 14:3

नना होंचि अवुन सदुरतंका, मल्सि वासि मीकुन ओंतन. अस्‍के नना मनानगेन, मिमेटगुडा मंदकिट.

योहान 15:26

गानि बाबानाहेंदाल नना लोहना सहायम कियानोर, इत्‍ते बाबानगटाल वायना सत्‍तेम आत्मा, बस्के अय्ते मिहगा वायार. अद मीकु नावा बारेमते गवाइ वेहंता.

योहान 16:8

ओर वातस्के पापम बारेमते, सत्‍तेम बारेमते आनि न्‍यायम बारेमते लोकुल्‍कुन ओप्‍संतोर.

योहान 7:39

येसुनपोर्रो विस्वासम कीतोर्क पेनदा आत्मा दोर्कनद मत्‍ता. अदे आत्माता बारेमते वेहालय येसु इव पोल्‍लें वळ्कतोर. येसु हासि मर्रा महिमाते तेदानदे मत्‍तोर. अदुनहाटीं पेन अदवेरदाका अद आत्मातुन बोर्के हिय्या हिल्‍ले.

प्रेरितुल्‍कुना कबाह्‍क 10:34

अस्‍के पत्रु वळ्‍कमळ सुरुव कीतोर. ओर इत्‍तोर, “पेन हरेक मनकन उंदेतीर हूळंता इंचि इंदके नाकु निजम तेळियता.

प्रेरितुल्‍कुना कबाह्‍क 2:33

इंदके पेन येसुन दाना तिना बाजुंक उपिस्ता. पवित्र आत्मातुन हींतन इंचि पेन पोल्‍ले हीसि मत्‍ता अद ओन्क दोर्कता. येसु अदे पवित्र आत्मातुन वळियतोर, अदुन मिमेट हूळसेक, केंजसेक मंतिर.

रोम सहरतोरहाटीं पौलुसना सिट्‍टि 8:28

बोर अय्ते पेनदुन पावरम कींतुर, बोर्कुन अय्ते पेन दाना पिलान मत्‍ताप केयता, ओर्क बसोंटा परिस्तिति वायिना, पेन आ परिस्तिति ओरा बेसताहाटींगे कींता इत्‍ता पोल्‍ले मनाकु एरपाटे.

2 कुरेंति 4:17

बारित्‍ते, माकु गळसेमताहाटीं वायाना तकलिपकु, मावाहाटीं मोमोट विचारम किय्‍योम अच्‍चोर अव्‍सरम आतव आनि बस्‍केळ्‍क मंदना महिमातुन तयार कींतां.