योहान 16:11 - पवित्र पोल्‍ले

¹¹ इंका इद दुनियापोर्रो राज्येम एलाना अदिकारिना न्‍यायम अय्ते मुन्‍नेन आसि मंता. अदुनहाटीं सहायम कियानोर न्‍यायमता बारेमते लोकुल्‍कुंक तेळियागोट्‍सि वेहंतोर.

योहान 16:11 Iomraidhean Croise

मत्‍तयाल 12:18

यसयाना बविस्यवानि इल्‍हा मत्‍ता: “ईर नावा सेवक आंदुर, ईन नना पेर्कुत्‍तन. नना ईन पावरम कींतन ईना बारेमते कूस मंतन. नना नावा पवित्र आत्मा ईना पोर्रो इर्रंतन, ईर नावा न्‍यायमतुन अन्‍नि जातिनोर्क वेहांतोर.

मत्‍तयाल 12:36

इंका नना मीकु वेहानद बतल इत्‍ते, पज्जो-मुन्‍ने विचारम कियाका मीवा तोळ्‍दाल पेय्सता उंद-उंदि वट्‍टि पोल्‍लेता लेक्‍का आकिर न्‍यायम कियना रोजु पेन मीवाहेंदाल एतार.

लूकाल 10:18

अस्‍के येसु ओर्कुन इल्‍हा इत्‍तोर, “नना पेद्‍दा देय्यमतुन मब्बुनाल पिळगुनलेसीं अरनेंके हूळतन.

योहान 12:31

इंदके इद दुनियाता न्‍यायम कियना वेला एवता. इद दुनियापोर्रो राज्येम कियना अदिकारिन पलाते पेचाहचि गेदमना वेला इंदके वाता.

योहान 14:30

इंका मीतोनि एक्‍को वळ्‍कोन. बारित्‍ते दुनियापोर्रो राज्येम एलाना अदिकारि वासेकेन मंतोर. वासि अयना नावापोर्रो ओन्क बतले अदिकारम हिल्‍ले.

योहान 16:12

मीकु वेहालय नहगा इंका वेल्‍लेन पोल्‍लें मंतां, गानि अवुनंता इंदके ओर्सुकुना परिर.

प्रेरितुल्‍कुना कबाह्‍क 10:42

जीवाते मत्‍तोर्कुंक, हासोत्‍तोर्कुंक न्‍यायम कियानोर इंचि पेन ईने पेर्कुत्‍ता. इदुना बारेमते लोकुल्‍कुंक बेसता पोल्‍लें कराहना, गवाइ वेहना इंचि ओरे माकु आदेस हीतोर.

प्रेरितुल्‍कुना कबाह्‍क 24:25

गानि बस्के अय्ते, सत्‍तेमते बल्हा ताकाना, बल्हा ओप्‍केते मनना, पेन दुनियातोरा न्‍यायम आकिरते बल्हा किय्‍यार इव पोल्‍लेना बारेमते पौलुस पिलिक्‍सुनतोनि चर्चा कीतोर, अस्‍के पिलिक्‍स वेरियसि, “इंदके निमे होन, वेला दोर्कतस्के नना नीकुन मर्रा केयंतन,” इंचि पौलुसुन इत्‍तोर.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

रोम सहरतोरहाटीं पौलुसना सिट्‍टि 16:20

मनाकु सांति हियना पेन बिराने देय्यमतुन मीवा काल्कुनगा तच्‍चि जारसि पोहंता. मना सामि येसु किरिस्‍तुनद मीवापोर्रो कुर्पा मन्‍निकांटी, आमेन.

रोम सहरतोरहाटीं पौलुसना सिट्‍टि 2:16

नना वेहना बेसता कबुर परकारम, बोर्क तेळियाकोंटा मनकालोर्क कीता कबाह्‍कुन पोर्रोटाल, अद रोजुने पेन येसु किरिस्‍तुनाहेंदाल लोकुल्‍कुना न्‍यायम किय्‍यार.

1 कुरेंति 4:5

अदुनहाटीं न्‍यायम कियाना वेला वायाका मुन्‍ने बोने न्‍यायम कियमट, सामि वायानाल एदुर हुळाट. ओर हीकटते मक्‍किस मत्‍ता पोल्‍लेन वेल्‍गुने तरंतोर, मनसुने मत्‍तवुन पलाते अरहंतोर. अस्‍के पेन अंटोर्कुन मिमेट बेस कीतिट इंचि मेच्‍चुकुंता.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

कुलुसि 2:15

इल्‍हा राज्येम कियानोर्कुंक आनि अदिकारकुंक पेन ताकत हिलाकोंटा कीता. कीसि किरिस्‍तु क्रुसुनपोर्रो जीवा हीसि गेल्‍सताहाटीं ओरा अंटोरा मुन्‍ने तमासा आसि सिग्गु हिलाकोंटा आता.

इब्रि 2:14

पेनदा पिलाल्क आता मनम, मेंदुल रूपमते मत्‍ताहाटीं येसुगुडा हरेक पोल्‍लेते मनालेहका आसि वातोर. मना पिस्वरंता हामुरता वेर्रे मनागा मत्‍ताहेंका देय्यमता अदिकारम मनापोर्रो मत्‍ता. गानि येसु ओना हामुरताहेंदाल, देय्यमता अदिकारमतुन नासडेम कीसि, मनाकुन हामुरता वेर्रेताल इळबळिस्तोर.

इब्रि 6:2

बापतिस्माता बारेमते करियमळ, तल्‍लापोर्रो कय इरमळ, हासि मर्रा जीवाते तेदमळ आनि बस्‍केळ्‍ताहाटीं मनना न्‍यायम बारेमते करियमळ, इसोंटा किरिस्‍तुना बारेमते सुरुवने करियता बोदाना बारेमते मीकु मर्रा-मर्रा वेहाना अव्‍सरम हिल्‍ले.

इब्रि 9:27

बल्हा लोकुल्‍क अंटोर उंदि मल्का हासि दांतुर, पजा पेन ओरा न्‍यायम कींता, इंचि मुन्‍नेन निरनायम कीसि मंता,

2 पत्रु 3:7

गानि इंदके मनना मब्बु, बूमितुन, अदे पोल्‍लेते तळमितोनि नासडेम कियाना रोजुनदाका कापाळसि इरसेक मंता. बक्‍ति हिल्‍वोरा न्‍यायम नासडेम आयाना रोजुनदाका अल्हेन मनंता.

1 योहान 3:8

पापम कीसेके मनना हरेक मनकल देय्यमता बाजुनोरे आंदुर. बारित्‍ते सुरुवनाले देय्यम पापम कीसेके वासंता. गानि देय्यमता कबाह्‍कुन नासडेम कियानाहाटींगे पेनदा मर्रि इद दुनियाते वातोर.

पेन हुपिस्‍ता पोल्‍लें 1:7

हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!