योहान 16:1 - पवित्र पोल्‍ले

¹ “मिमेट विस्वासमताल पजोळ्क आयामन्‍नि, इंचि मीकु इव पोल्‍लें वेहतन.

योहान 16:1 Iomraidhean Croise

मत्‍तयाल 11:6

बोर अय्ते नावा बारेमते अन्‍समन्‍स किय्योर, ओन्‍के आसिर्वाद दोर्कंता,” इंचि इत्‍तोर.

मत्‍तयाल 13:21

ओनालोप्‍पो पेनदा पोल्‍लेता हिह्‍कु गट्‍टि पळुवाहाटीं, ओर कोन्‍नि रोजके अव्टे निल्‍सि मनांतोर. पजा पेनदा पोल्‍लेताहाटीं तिप्‍पल्‍क, कस्‍टाल्‍क वातस्के, विस्वासमताल ओर बिराना लक्‍कु आंतोर.

मत्‍तयाल 13:57

अदुनहाटीं ओर येसुनपोर्रो होंग आतुर. अस्‍के येसु ओर्कुन इल्‍हा इत्‍तोर, “पेनदा कबुरतोंकु ओना नाटे, ओना लोते तप्‍पा दुनियांता कदर दोर्कंता.” इत्‍तोर.

मत्‍तयाल 24:10

आ वेलाते बच्‍चटुरो विस्वासम कियानोर ओरा विस्वासम होळसंतुर. वरोंक-वरोर पगां आसि वरोंक-वरोर हयसाकोंटा आंतुर.

योहान 15:11

नावा कुसि मीलोप्‍पो मनना, आनि मीवा कुसि पुरागा आयना इंचि, नना मीकु इव पोल्‍लें वेहतन.”

योहान 16:4

अद कालम वातस्के, नना वेहता पोल्‍लें मीकु मति वायाना इंचि, इव पोल्‍लें नना मीकु वेहचंतन. इव पोल्‍लें नना मीकु मुन्‍ने वेहा हिल्‍लेन, बारित्‍ते नना मीतोने मत्‍तन.”

रोम सहरतोरहाटीं पौलुसना सिट्‍टि 14:21

हव्‍विं तिनमळ आयि, अंगुर कल्‍लु उनमळ आयि, इंका बतलन्‍ना आयि पूना विस्वासुल्कुंक इस्‍टम हिलाकोंटे, निमे इव अन्‍निनाल लक्‍कु मत्‍तेने बेस मनंता.

पिलिपिया 1:10

दीनहेंदाल मिमेट मंचि-सेड्‍डातुन एरपाट कीसि बेस पिस्वर पिसकिट. अस्‍के किरिस्‍तु वातस्के मिमेट अंटोरगुडा ओना मुन्‍ने नीतिमंतुल्क आनि दोसेम हिलवोर आसि निलकिट.

1 पत्रु 2:8

इंका दर्मसास्‍त्रमते इल्‍हा मंता गदा, “अद बंडा लोकुल्‍कुंक दल्‍गंता, इंका पर्पु बंडा ओर्कुन हिळु अरहंता. बारित्‍ते, ओर पेनदा पोल्‍लेने ताकवाहेंके, बंडा दल्‍गिसि हिळु अर्रंतुर. ओर हिळु अर्रनाहाटींगे इल्‍हा निलाहमळ जर्गता.”