योहान 15:6 - पवित्र पोल्‍ले

⁶ बोर अय्ते नावातोनि कलियसि मन्‍नुरो, ओर्कुन कबळ्‍क ओज्जुवा पंगान पोहताप पोहचियमळ जर्गंता. पजा अव पंगां वत्‍तुतस्के, अवुन जमा कीसि तडमिते वाटसि बोळ्‍संतुर.

योहान 15:6 Iomraidhean Croise

मत्‍तयाल 13:41

बारित्‍ते अद वेलाते मनकना रूपमते पुटतोन नना, नावा दूतन लोहंतन. अव नावा राज्येमते मनना पापिर्कुन आनि पापम किया वेहानोर्कुन अंटोर्कुन पेच्‍हासि,

मत्‍तयाल 27:5

अस्‍के यहुदल आ एंडि कल्‍दार्कुन गुळिते विसिरसि, अगटाल पलाते होंचि उर्रि दोसकुत्‍तोर.

मत्‍तयाल 3:10

इंदके मराकुना हिह्‍कुनगा मर्सु इरसि मंता. बव मराकुंक अय्ते बेसता पंडिं हादोंगों, अवुन नर्किसि तडमिते वाटमळ जर्गंता.

मत्‍तयाल 7:19

बव मराकु बेसता पंडिं हादों असोंटव अन्‍नि मराकुन नर्किसि तडमिते वाटंतुर.

योहान 15:2

नावा पंगानाल बव पंगांक अय्ते कायां हादोंगो, अवुन ओर नरकिस पोहांतोर. आनि हादाना पंगान बारे, इंका बेस हादगोम इंचि अवुना कोस्‍सन कत्रिच्‍चंतोर.

इब्रि 10:27

गानि दाना बदुलते, बोर अय्ते पेनदा विरोदमते ताकतुरो ओराहाटीं पेन सिक्‍साता आदेस हीसि, ओर्कुन बरा-बरा पोत्‍तना तळमिते वाट्‍सि बूळ्‍दि किय्‍यार इत्‍ता, वेरियानसोंटा पोल्‍लें मात्रम मिगिल्सि मंतां.

2 पत्रु 2:20

ओरगिंटा मना सामि मुक्‍ति हियना येसु किरिस्‍तुना तेल्‍विता हेंदाल दुनियाता कराब कबाह्कुनाल पलाते अरतंका, मर्रा अवे कराब कबाह्‍कुने हिरकिसि अवुना लोप्‍पोने ताकते, ओना गति मुन्‍नेटा गतिकन्‍ना आकिरता गति वेल्‍ले कराब मनंता.

1 योहान 2:19

ओर लोकुल्‍क मना लोप्पोटाले पेय्‍सतुर, गानि ओर मनोर्क आयुर. ओर निजमे मनोर्क आसि मत्‍ते मनातोनि मंचि मन्‍नेर. ओर बोरे मनोर्क आयुर इंचि मनाकु तेळियानाहाटीं ओर अल्हा पेय्सि होत्‍तुर.

पेन हुपिस्‍ता पोल्‍लें 20:15

पिस्वरता पुस्तकमते बोरा-बोरा पोरोलीं अय्ते रासि मना हिल्‍लेंगों, ओर्कुन अंटोर्कुन तळमिता सेरवुने वाटमळ जर्गता.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.