योहान 15:5 - पवित्र पोल्‍ले

⁵ “ननाने अंगुर वेलितसंटोन आंदुन, मिमेट बारे पंगांनसंटोर आंदिर. बोर अय्ते नातोनि कलियसि मनंतुरो, नना बोरतोनि कलियसि मनंतनो, ओर वेल्‍लेन बेसता कबाह्‍क कींतुर. नाहगटाल वेरे आसि मंचि, मिमेट बतले किया परिर.

योहान 15:5 Iomraidhean Croise

मत्‍तयाल 13:21

ओनालोप्‍पो पेनदा पोल्‍लेता हिह्‍कु गट्‍टि पळुवाहाटीं, ओर कोन्‍नि रोजके अव्टे निल्‍सि मनांतोर. पजा पेनदा पोल्‍लेताहाटीं तिप्‍पल्‍क, कस्‍टाल्‍क वातस्के, विस्वासमताल ओर बिराना लक्‍कु आंतोर.

योहान 12:24

नना निजम-निजम वेहासेक, वंजि पेडे बूमिते अर्सि हासोन्‍नाकोंटे अद उंदे मनंता. गानि अद हासोंचि मोल्का वाते मात्रम पेद्‍दा बेर्सि वेल्‍लेन पेडेकुन तयार कींता.

योहान 15:16

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

योहान 5:19

अस्‍के येसु ओर्क इल्‍हा वेहतोर: “नना मीकु निजम-निजम वेहचंतन, मर्रि ओनद-ओर बतले किय्योर. गानि बाबो बतल-बतल अय्ते कींतोर, बाबो कियनदुन हूळसि मर्रि अल्हेन कींतोर.

योहान 9:33

ईर मनकलगिंटा पेनदागटाल वातोर आयाकोंटे, इसोंटव बवे कबाह्‍क किया परा कोन्‍नेर,” इंचि ओर्क वेहतोर.

प्रेरितुल्‍कुना कबाह्‍क 4:12

येसुना पोरोल तप्‍पा मब्बुना हिळु मनानोरा बोना पोरोले मनाकुन पापमताल पिसागोट्‍टो, इंका बोरे मनाकुन पिसागोट्‍टोर,” इंचि वेहतोर.

रोम सहरतोरहाटीं पौलुसना सिट्‍टि 12:5

अल्हेन मनमगुडा वेल्‍लेन मंदि अय्नागानि किरिस्‍तुनतोनि कलियसि उंदे मेंदुललेह्का मंतोम. इंचि मनम कय्‍क-काल्कुनलेह्का उंदे मेंदुल्क अंटिस मंचि वरोंक-वरोर बेस कलियसि मंतोम.

रोम सहरतोरहाटीं पौलुसना सिट्‍टि 6:22

गानि इंदके पेन मीकुन पापमता कय्‍दाल होळसीताहेंका मिमेट दाना दासुल्क आतिर. अदुनहाटीं इंदके मीकु दोर्कना इनाम बतल इत्‍ते, पेन मीकुन दाना पवित्र हर्दे ताक्‍किचि, आकिरते बस्‍केळ्‍क पिस्सना पिस्वरताहेके ओंता.

रोम सहरतोरहाटीं पौलुसना सिट्‍टि 7:4

अय्ते विस्वासुल्‍कुनिटा, इल्हेन मिमेटगुडा बस्के अय्ते किरिस्‍तुनतोनि हातिर अस्‍के मूसाना नियमताल इळबळतिर. इंदके बोर अय्ते हातोरव्टेटाल मर्रा जीवाते तेदतोर आ किरिस्‍तुनतोनि मिमेट कलिया परंतिर. दीनहेंदाल मनम पेनदा सेवाताहाटीं बेसता कबाह्‍क किया परांतोम.

1 कुरेंति 10:16

मनम दन्यवाद कीसि, उंदे गिलासते अंगुर पानकम उट्‍टस्के, किरिस्‍तुना नेत्‍तुर मना अंटोराहाटीं हीतोर इंचि हुपिच्‍चेक मंतोम. मनम उंदे हारितुन तुकडां कीसि तित्‍तस्के किरिस्‍तुना मेंदुल मना अंटोराहाटीं हीतोर इंचि हुपिच्‍चेक मंतोम.

1 कुरेंति 12:12

मना मेंदुल उंदे गानि अवने बागाल्क वेरे-वेरे मंतां. अवन्‍नि बागाल्क वेल्‍लेने मनना गानि उंदे मेंदुल्तव आंद, अल्‍हेने किरिस्‍तुगुडा मेंदुललेसीं मंतोर.

1 कुरेंति 12:27

अल्‍हेने मिमेट अंटोर कलियसि किरिस्‍तुना मेंदुल आंदिर, हरेक मनकल आ मेंदुल्ता बागाल्क आंदिर.

2 कुरेंति 13:8

मिमेट सत्‍तेमते ताकते दानकु विरोद मोमोट किय्‍योम, गानि सत्‍तेमताहाटींगे सहायम कींतोम.

2 कुरेंति 9:10

अदुनहाटीं वीतानोंकु पेन विज्‍जां हींता, तिनालय तिंडि हींता. अद मीक वेल्‍ले विज्‍जां हीतस्के मीवा नीतिता पलम बेरसंता.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

इपीसि 5:9

वेलगुने पिसते सिराप अन्‍नि तीरकुना बेसतनम, नीतितनम आनि निजम इवे दिसंतां.

पिलिपिया 1:11

मीवा पिस्वरते येसु किरिस्‍तु मत्‍ताहाटीं, मिमेट बस्‍केळ्‍क नीति कबाह्के कीसेक मंदना. दीनहेंदाल पेनदा पोरोल, कदर वेल्‍लेन बेरस्सेक दांता.

पिलिपिया 4:13

किरिस्‍तु नाक ताकत हीसेक इंचि, बसोंटा परिस्तिति वायिनागानि नना अन्‍नि किया परांतन.

पिलिपिया 4:17

नाक मीहेंदाल सहायम गावाले इंचि आयो, गानि मिमेट कियना बेसता कबाह्कुनहेंका मीकु पेनदाहेंदाल आसिर्वाद दोर्कसेकेन मनना इंचि नावा विचारम मंता.

कुलुसि 1:10

इदुनहेंदाल, मिमेट अन्‍नि तीरुकुने सामिन कूस कियालय मीवा पिस्वर दानकु इस्‍टमाताप मनंता, मीक हरेक बेसता कबळते पलम दोर्किसि, पेनदा तेल्‍विते बेर्स्‍सेके दांतिट.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

याकोब 1:17

हरेक बेसता वरम आनि अन्‍निंकन्‍ना बेसता इनाम पोर्रोटाले वांता, वेल्‍गुल्कुना पेनबाबानगटाल वांता, ओनालोप्‍पो बतले तेडा हिल्‍ले, ओर नीडातालेसीं बदलांचानोर आयोर.

1 पत्रु 2:4

मिमेट जीवाते मंदना बंडातसोंटा किरिस्‍तुनगा वट, मनकालोर्क ओन हय्‍सा हिल्‍लुर गानि ओर पेनदा लोप्पो पेरकुत्‍तोर आनि विलुवातोर आंदुर.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.