योहान 15:16 - पवित्र पोल्‍ले

¹⁶ नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

योहान 15:16 Iomraidhean Croise

मत्‍तयाल 21:22

मिमेट विस्वासमतोनि पारतनाते बतल तल्‍किना अद मीकु दोर्कार,” इत्‍तोर.

मत्‍तयाल 7:7

पेनदुन तल्‍कट मीकु हिय्यार, पह्कट मीकु दोर्कार, तल्‍पुन तनट तल्‍पु तेंडार.

लूकाल 6:13

पंगातस्के ओना सिस्युल्कुन अंटोर्कुन दग्गेर्क केय्‍सि ओराव्टेटाल पन्‍नेंड मंदितुन पेरतोर. पेरसि ओर्कु, प्रेरितुल्क इंचि पोरोल दोसतोर. येसु पन्‍नेंड मंदितुन पेरकुत्‍तोर ओरे प्रेरितुल्क इंचि पोरोल दोसतोर.

योहान 13:18

“नना मी अंटोरा बारेमते वळ्कसेक हिल्‍लेन. नना बोर्कुन अय्ते पेर्कुत्‍तन, ओरा बारेमते नाक बेस एरपाट. गानि, ना हारि तित्‍तोरे नाकु अड्‍डम आतोर, इल्‍हा दर्मसास्‍त्रमते रासि मत्‍ता पोल्‍ले पुरागा आयना इंचि इल्‍हा जर्गपींता.

योहान 15:19

मिमेट दुनियातोर्क नच्‍चताप मनानय्ते, ओर मीकुन पावरम कीसि मन्‍नेर. गानि मिमेट दुनियातोर्क नच्‍चताप मंचेके हिल्‍लिर. नना मीकुन इद दुनियाताल पेरतन. अदुनहाटीं दुनियातोर मीकुन हय्सुर.

योहान 15:5

“ननाने अंगुर वेलितसंटोन आंदुन, मिमेट बारे पंगांनसंटोर आंदिर. बोर अय्ते नातोनि कलियसि मनंतुरो, नना बोरतोनि कलियसि मनंतनो, ओर वेल्‍लेन बेसता कबाह्‍क कींतुर. नाहगटाल वेरे आसि मंचि, मिमेट बतले किया परिर.

योहान 6:70

अस्‍के येसु, “मीकुन पन्‍नेंड मंदितुन ननाने पेरतन, अय्नागानि मी अव्टे वरोर देय्यम मंतोर,” इंचि सिस्युल्कुन इत्‍तोर.

प्रेरितुल्‍कुना कबाह्‍क 1:24

अस्‍के प्रेरितुल्क पारतनाते, “सामि! निमे अंटोरा मनसुन एरपाट कींतिन, यहुदल अय्ते ओन्क हीता कबळतुन होळसिसि ओर होनना जेगाते होत्‍तोर. गानि निमे ईर इव्वुरा लोप्पोटाल प्रेरित इंचि नीवा सेवा कियालय बोन पेरकुत्‍तिन माकु हुप्‍सा,” इंचि तल्कतुर.

प्रेरितुल्‍कुना कबाह्‍क 1:8

गानि पवित्र आत्मा मीपोर्रो वातस्के मिमेट येरुसलेम सहर, पूरा यहुदिया एरिया, सामरिया एरिया अल्‍हेने बूमिता आकिरदाका नावा गवाइ आयना ताकत मीकु वायार,” इंचि इत्‍तोर.

प्रेरितुल्‍कुना कबाह्‍क 10:41

अंटोर लोकुल्‍क ओन हूळा हिल्‍लुर. गानि पेन माकुन मुन्‍नेन गवाइदार्क इंचि पेर्कुत्‍ता. अदुनहाटीं मोमोटे ओन हूळतोम. ओर हासि तेदतारित्‍ते मोमोट ओनतोनि कलियसि तित्‍तोम, उट्‍टोम.

प्रेरितुल्‍कुना कबाह्‍क 22:14

पजा ओर नाकुन, “मना एनकटा पेद्‍दाल्कुना पेन दाना इच्‍चातुन एरपाट कियालय, नीतिमंतुड आता दाना सेवकुन हूळालय, ओना तोळ्‍दा पोल्‍लेन केंजालय नीकुन पेर्कुत्‍ता.

प्रेरितुल्‍कुना कबाह्‍क 9:15

अस्‍के सामि ओन, “नावा पोरोलतुन वेरे जातितोरा नड्‍डुम, राजालोरा मुन्‍ने, इस्राएलता लोकुल्‍कुन मुन्‍ने वेहनाहाटीं नना ईन नावा विस्रे इंचि पेर्कुत्‍तन, अदुनहाटीं निमे होन.

रोम सहरतोरहाटीं पौलुसना सिट्‍टि 1:13

विस्वासुल्‍कुनिटा! नना मीकु वेहानद बतल इत्‍ते, यहुदि आयवा लोकुल्‍कुंक बेसता कबुर वेह्‍चि ओर्क सहायम कीतन, अस्‍के ओर ओरा विस्वासमता पिस्वरते बेस बेर्सतुर. अल्हेन मिमेटगुडा मीवा विस्वासमता पिस्वरते बेस बेर्सना इंचि नना ऊके-ऊके मिहगा वायालय हूळुंदुन, गानि इदवेरादाका बतलन्‍ना-बतल अड्‍डम वासेक मत्‍ता, इद पोल्‍ले मीकु तेळियना इंचि नना वेहासेके मंतन.

रोम सहरतोरहाटीं पौलुसना सिट्‍टि 1:5

अंटोर लोकुल्‍क ओन विस्वासम कियना, ओर वेहताप ताकना इंचि पेन नावापोर्रो कुर्पा हुपिच्‍चि नाकुन येसुनहेंदाल प्रेरित इंचि निलाहता.

रोम सहरतोरहाटीं पौलुसना सिट्‍टि 15:4

दर्मसास्‍त्रमते मुन्‍नेटाले रासि मत्‍तद उंदि-उंदि पोल्‍ले मनाकु कराहनाहाटींगे मंता. अदुन करियते मनम ओप्के पीसि दैरनेमते पिस्‍सा परांतोम इत्‍ता आसे दोर्कंता.

रोम सहरतोरहाटीं पौलुसना सिट्‍टि 9:21

उंदे तोळि मुद्‍दाताल सगोम बेस सिंगारम अळकां, इंका सगोमताल सादा अळकां तयार कियना अदिकारम वरोर कुम्मांकु हिल्‍लेना? तप्‍पाकोंटा मंता.

1 कुरेंति 10:11

मना तादो-बाबुर्क जर्गता पोल्‍लें उंदि उदाहरनलेसीं मंचि, मनम आकिर युगमते एवताहाटीं मनाकु तेळियागोम इंचि रासमळ जर्गता.

गलातिया 1:15

गानि पेन मात्रम नना यावाना पीटे मननेंकेन नाकुन पेरता. पजा दाना कुर्पाते नाकुन केय्‍सि, दाना मर्रि येसु किरिस्‍तुना बारेमते तेळियागोट्‍सि वेहता.

इपीसि 2:10

बारित्‍ते, पेने मनाकुन पुट्‍टिस्‍ता. मनम किरिस्‍तु येसुनलोप्‍पो बेसता कबाह्‍क कियाना इंचि अद मनाकुन पुटिस्ता. अव बेसता कबाह्‍क बव आंदुंगो अवुन पेन मुन्‍नेने तयार कीसि इरता.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

1 तिमोति 2:7

इदे गवाइतुन वेहनाहाटीं, नाकुन प्रचार कियानोर प्रेरित इंचि पेरमळ जर्गता. इंका यहुदि आयवोर्कुंक विस्वासम आनि सत्‍तेमता बारेमते कराहनोर इंचि निलाहमळ जर्गता. नना निजम वेहचंतन, आबद्‍दम वेहासेक हिल्‍लेन.

2 तिमोति 1:11

इदे बेसता कबुरतुन प्रचार कियनाहाटीं प्रेरित अल्हेन कराहनोर इंचि नाकुन निलाहमळ जर्गता.

2 तिमोति 2:2

वेल्‍लेन मंदि लोकुल्‍कुना मुन्‍ने नाहेंदाल निमे केंजता पोल्‍लेन, बोर अय्ते वेरेतोर्क कराह परांतुर, असोंटा विस्वासमलायक मनानोर्कुंक अप्पजेप्पा.

तीतु 1:5

क्रेति दीबेते, बव कबाह्‍क अय्ते मय्सि मंतां, अव कबाह्‍कुन सुदरांचनाहाटीं आनि नना नीकु आदेस हीता परकारम निमे हरेक सहरते पेद्‍दाल्कुन निलाहना इंचि नीकुन नना अगा होळसि वातन.

इब्रि 11:4

विस्वासमहेंदाले आदामना मर्रि आबेल, ओना दादाल काइनुंकन्‍ना बच्‍चोनो बेसता मोक्‍कु पेनदुक हीतोर. काइन बतल अय्ते हीतोर अदुन पेन मेच्‍कुना हिल्‍ले गानि, आबेलना मोक्‍कुन पेन मेच्‍कुंचि ओन नीतिमंतुड इंचि गवाइ हीता. आबेल अय्ते हातोर, गानि ओना विस्वासमहेंदाल मनम इदवेरदाकागुडा करियसेक मंतोम.

याकोब 3:18

सांतितुन वरोंक-वरोर कल्‍पानोर्क, सांतिता विज्‍जाता हेंदाल नीतिता पंटा दोर्कंता.

1 पत्रु 3:15

गानि मीवा मनसुने किरिस्‍तु मावा सामि इंचि ओनकु कदर हीम्टु. येसुना पोर्रोटा मीवा आसेता बारेमते बोरन्‍ना मीकुन पूसकीते, मिमेट सादा-सिंपल आनि मान-मर्यादाते बस्‍केळ्‍क वेहालय तयार मंटु.

1 योहान 4:10

मनम पेनदुन पावरम कीतोम इंचि आयो, गानि पेने मनाकुन पावरम कीता. अदुनहाटींगे, पेन दाना मर्रिन मना पापाल्क मापि आयाना इंचि मोक्‍कु आयालय लोहता. इदे निजम पावरम आंद.

1 योहान 4:19

मनम पावरम कींतोम, बारित्‍ते मुन्‍ने मनाकुन पेन पावरम कीता.