योहान 15:11 - पवित्र पोल्‍ले

¹¹ नावा कुसि मीलोप्‍पो मनना, आनि मीवा कुसि पुरागा आयना इंचि, नना मीकु इव पोल्‍लें वेहतन.”

योहान 15:11 Iomraidhean Croise

लूकाल 15:23

अल्‍हेने बेस बल्सता कुर्रातुन तच्‍चि कोय्यट, अदुन तिंचि मनम कूस आकोम.

लूकाल 15:32

गानि ईर नीवा तम्मुर वेल्‍लेन लक्‍कु होंचि हासोत्‍ताप मत्‍तोर, इंदके पिस्सि मल्सि वातोर. तप्‍सोंचि मत्‍तोर गानि इंदके दोर्कतोर. अदुनहाटीं मनम कूस आयमळ गावाले इत्‍तोर.” इल्‍हा वेहचि येसु वेसुडि वेहमळ महतोर.

लूकाल 15:5

पजा अद गोर्रे दोर्कतस्के, ओर वेल्‍लेन कूस आसि दान हट्‍टापोर्रो वाटकुंचि पीसि वांतोर.

लूकाल 15:9

पजा अद कोत्‍ता दोर्कतस्के, दाना दंटातवुन, लोता दग्गेटवुन केय्‍सि, ‘नावद बगानो अरसोत्‍ता कोत्‍ता दोर्कुता, मिमेट नातोनि कलियसि आनंदम कीम्‍ट,’ इंचि इंता.

योहान 16:24

इदवेरदाका मिमेट ना पोरोल्ते बतले तल्का हिल्‍लिर. तल्‍कट मीकु दोर्कार, अस्‍के मीवा कुसि पूरा आयार.”

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

योहान 17:13

नना इंदके निहगा वासंतन. गानि नावा आनंदम ओरा लोप्पो पुरागा आयना इंचि, इव पोल्‍लें नना इद दुनियाते मननेंकेन वेहंतन.

योहान 3:29

मरमिन पेडल मत्‍तागेन मरमिन पेगिड मनंता. नना अय्ते मरमिन पेडाना पक्‍काते निलसि मनना ओना दंटागानसंटोन आंदुन. मरमिना पेडल बतलन्‍ना वेहते अद केंजसि आ दंटागाल वेल्‍लेन कूस आंतोर. ननागुडा अल्हेन, लोकुल्‍क ओनगा होननद हूळसि नना पुरागा कुसिते निंडसोत्‍तन.

रोम सहरतोरहाटीं पौलुसना सिट्‍टि 15:13

मिमेट विस्वासम कीताहाटीं, मीकु आसे हियना पेन अन्‍नि तीरकुना कुसि, सांति हियिकांटीं. इल्‍हा पवित्र आत्माता ताकतहेंदाल मीवा आसे बेरस्सेक होंदार.

2 कुरेंति 1:24

मीवा विस्वासम पोर्रो अदिकारम हुप्‍सना इंचि मोमोट वेहासेक हिल्‍लोम, मिमेट विस्वासमते गट्‍टिगा निल्‍सि मंतिट, मीवा आनंदमते मोमोटगुडा मीवा तोळ मनंतोम.

इपीसि 5:18

इरगा कल उंचि ऊंगसेके मनमट, कल रिम्माते मीहेंदाल पापम जर्गा पर्रंता. कल उंचेके मनानदानकन्‍ना पवित्र आत्माते निंडिसि मंटु.

पिलिपिया 1:25

नना पिस्सि मंचि, मिमेट विस्वासमते बेस गट्‍टि पळना इंका मीवा पिस्वरते मीकु बेस कुसि दोर्कनाहाटीं सहायम कीसेके मीवातोने मनंतन इंचि नाकु पूरा बरोसा मंता.

1 तेसलोनि 5:16

बस्‍केळ्‍क कुसिते मंटु.

1 पत्रु 1:8

मिमेट येसुन हूळाकोन्‍ना गानि पावरम कींतिट; इंदके ओर दिसाकोन्‍ना ओन विस्वासम कीसि, पोल्‍लेने वेहा परवच्‍चोन आनंदमते आनि महिमाते निंडिस मंतिर.

1 योहान 1:4

मिमेट मातोनि कलियसि मावा आनंदम पुरागा आयाना इंचि मोमोट इव पोल्‍लें मीकु रासेक मंतोम.

2 योहान 1:12

इंका वेल्‍लेन पोल्‍लें मीहाटीं रासाना इंचि नावा मनसु मंता. गानि अवुन नना साइते कायदोमपोर्रो रासोन. बारित्‍ते, मिहगा वासि मीकुन कलियसि, मीतोने अन्‍नि पोल्‍लें वळ्‍काना इंचि मनसुने आसे पडसेक मंतन. अस्‍के मना कुसि इत्‍तदगुडा पुरागा आंता.