योहान 14:2 - पवित्र पोल्‍ले

² नावा बाबाना लोते वेल्‍लेन अर्रां मंतां. ओक्‍कला हिलाकोंटे मंचि मत्‍ते, मीवाहाटीं जेगा तयार कियालय होंचंतन इंचि, नना मीकु वेहचि मन्‍नेन.

योहान 14:2 Iomraidhean Croise

लूकाल 14:22

अस्‍के दासुड मालक वेहतापे कीतोर. पजा मर्रा मल्सि वासि मालकुंक इल्‍हा वेहतोर. मालक, निमे वेहतापे नना होंचि केय्‍सि तत्‍तन. अय्नागानि इंका वेल्‍लेन जेगा मिगिल्सि मंता, इत्‍तोर.

योहान 13:33

नावा पिलाल्कनिटा! नना इंका गडसेम मीवातोनि मनंतन. पजा मिमेट नाकुन पहककिर. यहुदिल्कुना पेद्‍दाल्कुंक, नना बगा दांतन, अगा मिमेट वाया परिर, इंचि बल्हा नना वेहतनो, अल्हेन मीकुगुडा वेहचंतन.

योहान 13:36

पजा सिमोन पत्रु, “निमे बेके दांतिन सामि?” इंचि पूसकीतोर. अय्ते येसु, “नना होनानगा, निमे इंदके वाया परिन. गानि नना होत्‍तंका पज्जोटाल वाकिन,” इंचि इत्‍तोर.

योहान 14:28

नना लक्‍कु होंचंतन, गानि मर्रा तिरियसि मीहेके वांतन, इंचि नना मीकु वेहचि मत्‍तन, अदुन मिमेट केंजतिरे गदा! अय्ते, मिमेट नाकुन निजम पावरम कियानय्ते, नना बाबानाहेके होंचंतन इंचि वेहतस्के मिमेट कूस आसि मंदकिट. बारित्‍ते बाबाल नाकन्‍ना पेद्‍दोड आंदुर.

योहान 16:4

अद कालम वातस्के, नना वेहता पोल्‍लें मीकु मति वायाना इंचि, इव पोल्‍लें नना मीकु वेहचंतन. इव पोल्‍लें नना मीकु मुन्‍ने वेहा हिल्‍लेन, बारित्‍ते नना मीतोने मत्‍तन.”

योहान 17:24

“बाबा! बोर्कुन अय्ते निमे नाकु हीतिनो, ओर निमे नाकु हीता कदरतुन हूळानाहाटीं, नना बगा मत्‍ते अगा ओरगुडा मनना इंचि, नना पारतना कीसंतन. बारित्‍ते इद दुनिया पुट्‍टका मुन्‍नेन निमे नाकुन पावरम कीतिन.

प्रेरितुल्‍कुना कबाह्‍क 9:16

नावा पोरोल एतानाहाटीं ओन्क बच्‍चोर कस्‍टाल्‍क अर्रा पींतानो नना कुद ओन्क हुप्‍संतन,” इंचि इत्‍तोर.

2 कुरेंति 5:1

बूमिपोर्रो मंदना लोतालेसीं मावा मेंदुल मंता. अद लोन नासडेम आतस्के माकु मनालय स्वर्गमते लोन मंता, अद बस्‍केळ्‍क मंदना लोन मनकल तयार कीतद आयो, गानि पेने कीता इंचि माकु एरपाटे मंता.

1 तेसलोनि 5:9

बारित्‍ते पेन मनापोर्रो होंग हुप्‍सालय आयो, गानि मना येसु किरिस्‍तु सामिनाहेंदाल मुक्‍ति दोर्किच्‍कुनालय मनाकुन निलाहता.

तीतु 1:2

ई सत्‍तेम, बस्‍केळ्‍क पिस्सना पिस्वरता आसे पोर्रो निल्‍सि मंता. बस्‍केने आबद्‍दम वळ्कुवा पेन इदुन हींतन इंचि वेल्‍लेन मुन्‍ने पोल्‍ले हीसि मत्‍ता.

इब्रि 11:10

बारित्‍ते, कुद्‍दु पेने सारे पीसि, पुनादि दोह्‍चि, बस्‍केळ्‍ताहाटीं निल्‍हाता सहरते मनालय ओर विस्वासमते एदुर हूळसेक मत्‍तुर.

इब्रि 13:14

इद दुनियाते हमेसा मनालय मनाहाटीं बदे सहर हिल्‍ले. गानि वायाना कालमते मनाहाटीं तयार आयाना सहरते मनालय, आसेते मंतोम.

इब्रि 6:20

अद जेगातगा येसु मनाहाटीं मनाकन्‍ना मुन्‍नेन होळियतोर. होळियसि मेल्किसेदेकुना रीतिते बस्‍केळ्‍ताहाटीं पेद्‍दा पेर्मल आतोर.

इब्रि 9:8

इवुनंता हूळसि बतल अर्तम आंता इत्‍ते, बदवेरदाका अय्ते इसोंटा मोदाटा डेरा मनंतनो, अदवेरदाका अन्‍निटकन्‍ना पवित्र जेगाते होनालय हर्रि कुल्‍ला हिल्‍ले, इंचि पवित्र आत्मा वेहांता.

पेन हुपिस्‍ता पोल्‍लें 21:2

अस्‍के, पेनदागटाल पवित्र सहर पूना येरुसलेम, स्वर्गमताल हिळु रेयानद नना हूळतन. मरमिना पेडानाहाटीं, मरमिना पेगिड बल्हा तयार आंता, अल्हा अद सहर दिस्सेक मत्‍ता.

पेन हुपिस्‍ता पोल्‍लें 3:12

बोर अय्ते गेल्सांतोर, ओन नना नावा पेनदा गुळिते बस्‍केने पलाते पेय्साकोंटा उंदि कंबालेसीं निपसंतन. नना ओनपोर्रो नावा पेनदा पोरोल, नावा पेनदागटा स्वर्गमताल हिळु वायाना पूना येरुसलेमता पोरोल आनि नावा पूना पोरोल रासंतन.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.