योहान 14:10 - पवित्र पोल्‍ले

¹⁰ नना बाबाना लोप्पो, बाबाल नावा लोप्पो मंतोर. इदुन निमे विस्वासम कीसेक हिल्‍लिना? नना वेहना पोल्‍लें ना इच्‍चटा नना वेहसेक हिल्‍लेन, गानि नावा लोप्पो मनना नावा बाबाल, ओना कबाह्‍कुन नाहेंदाल कीकुंचंतोर.

योहान 14:10 Iomraidhean Croise

योहान 10:30

बाबल, नना मोमोट इव्वुरोम उंदे आंद,” इंचि इत्‍तोर.

योहान 10:38

गानि नना अव कबाह्‍कुन कींतन इंचि, नाकुन नम्मकोन्‍ना, नना कियना कबाह्कुनपोर्रो अयना विस्वासम इर्रट. अस्‍के, बाबाल ना लोप्पो, नना बाबाना लोप्पो मंतोम इंचि मीकु तेळियार,” इंचि येसु इत्‍तोर.

योहान 11:26

जीवाते मननेंके नापोर्रो विस्वासम इर्रनोर अंटोर्क बस्‍केने हामुर वायो. इद पोल्‍लेतुन निमे नम्मंतिना मार्ता?” इंचि दान पूसकीतोर.

योहान 12:49

बारित्‍ते नना नावा मनसुंक वाताप वळ्का हिल्‍लेन, गानि नना बतल वळकना, बतल वेहना, इंचि नाकुन लोहचीता बाबाले नाकु आदेस हीतोर.

योहान 14:11

नना बाबाना लोप्पो, बाबाल नावा लोप्पो मंतोर इत्‍ता पोल्‍लेपोर्रो मिमेट विस्वासम इर्रट. हिलाकोंटे नना कियना कबाह्कुनहेंदाल अयना नाकुन विस्वासम कीम्‍टु.

योहान 14:20

अल्हा जर्गतस्के, नना बाबाना लोप्पो, मिमेट ना लोप्पो, नना मीलोप्‍पो मंतन इंचि मीकु तेळियार.

योहान 14:24

नाकुन पावरम कियवोर, ओर नावा पोल्‍लेनपोर्रो ताकोर. मिमेट केंजना पोल्‍लें नावां आयों, गानि नाकुन लोहचीता बाबानव आंदुं.

योहान 17:8

बारित्‍ते बव पोल्‍लें अय्ते निमे नाकु हीतिनो, अवुन नना ओर्क एविच्‍तन. ओर अवुन ओप्‍कुत्‍तुर. नना निजम निहागटाले वातन, नाकुन निमेन लोहतिन इंचि ओर विस्वासम कीतुर.

योहान 3:2

ओर उंदि रोजु नर्कटा वेलाक येसुंक वासि कलियतोर. कलियसि, “रब्‍बी, निमे कियना ई अद्‍बूतामाता कबाह्‍क पेनदा तोळ हिल्वा बोरे किया परोर. दीनहेंदाल निमे पेनदाहेंदाल वाता गुरुनिंचि मोमोट तेल्‍पिचकुत्‍तोम,” इंचि इत्‍तोर.

योहान 5:17

अस्‍के येसु ओर्कुन, “ना बाबाल बस्‍केळ्‍क कबळ कीसेकेने मनंतोर. अदुनहाटीं ननागुडा कबळ कीसेकेने मनंतन,” इंचि इत्‍तोर.

योहान 5:19

अस्‍के येसु ओर्क इल्‍हा वेहतोर: “नना मीकु निजम-निजम वेहचंतन, मर्रि ओनद-ओर बतले किय्योर. गानि बाबो बतल-बतल अय्ते कींतोर, बाबो कियनदुन हूळसि मर्रि अल्हेन कींतोर.

योहान 7:16

अस्‍के येसु ओर्क इल्‍हा जवाब हीतोर, “नना कराहना पोल्‍लें नावां आयों, नाकुन लोहचीता पेनदव आंदुं.

योहान 8:28

अदुनहाटीं येसु, “मनकना रूपमते पुटतोन नाकुन, बस्के अय्ते वेलाड वाटमळ जर्रगंतनो, अस्‍के, ओन ननाने आंदुन इंचि, मीकु एरपाट आयार. अचोने आयका, नना सतागा बतले कीसेक हिल्‍लेन, गानि बव पोल्‍लें अय्ते बाबाल नाकु कराहतोरो, अवे पोल्‍लें नना वेहतन.

योहान 8:38

नना नावा बाबानतोनि मत्‍तस्के बतल अय्ते हूळतनो, अदे मीकु वेहचंतन. आनि मिमेटगुडा मीवा बाबानहेंदाल केंजतद कीसंतिर,” इंचि इत्‍तोर.

योहान 8:40

गानि नना पेनदागटाल केंजता सत्‍तेम पोल्‍लें मीकु वेहते, मिमेट नाकुने हव्कालय हूळसंतिर. अब्राहाम अय्ते अल्हा किया हिल्‍लोर.

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.

2 कुरेंति 5:19

अद बल्हा इत्‍ते, लोकुल्‍कुना पापाल्क लेक्‍का पिय्याकेन, ओर्कुन किरिस्‍तुना हामुरताहेंदाल दानतोनि कल्‍पता. इल्‍हा कल्‍पना पोल्‍लेतुन लोकुल्‍कुनगा ओयालय माकुन निल्‍हाता.

कुलुसि 1:19

बारित्‍ते ओनालोप्‍पो पेनदा गुनम पूरा निंडसि मत्‍तेने बाबो कूस मनंतोर.

कुलुसि 2:9

बारित्‍ते पेनदाव अन्‍नि गुनाल्‍क किरिस्‍तुना मेंदुल्ते मनंतां.

1 योहान 5:7

साक्‍सि हिय्यनोर मुव्वुर आंदुर.