योहान 13:8 - पवित्र पोल्‍ले

⁸ पजा पत्रु, “निमे नावा काल्क बस्‍केने नोरमा,” इंचि इत्‍तोर. अस्‍के येसु, “ननागिंटा नीवा काल्क नोर्रकोंटे, निमे नावोन आया परिन,” इंचि वेहतोर.

योहान 13:8 Iomraidhean Croise

मत्‍तयाल 16:22

अस्‍के पत्रु ओन अलग ओसि, “अल्हा वळ्का मन्‍नि सामि! पेन दीन तपिचगोम. नीकु इल्‍हा बस्‍केने आयामन्‍नि,” इंचि ओन रांगतोर.

मत्‍तयाल 21:29

अस्‍के आ पेद्‍दा मर्रि “नना होनोन” इत्‍तोर गानि पज्जो ओर विचारम कीसि बगिचाते होत्‍तोर.

मत्‍तयाल 26:33

अस्‍के पत्रु, “अंटोर नीकुन होळसि होनिनागानि, नना नीकुन बस्‍केने होळसि होन्‍नोन गुरु,” इंचि येसुन इत्‍तोर.

मत्‍तयाल 26:35

गानि, “ओक्‍कला नाकु नीतोनि हामुर वायिना बेसे, नीकुन नना एरपाट किय्योन इंचि बस्‍केने इन्‍नोन,” इंचि पत्रु इत्‍तोर. अंटोर सिस्‍युल्‍कगुडा अल्हे इत्‍तुर.

योहान 13:6

अल्हा कीसेके ओर सिमोन पत्रुनगा वातोर. अस्‍के पत्रु, “निमे नावा काल्क बारि नोरसंतिन सामि?” इंचि येसुन पूसकीतोर.

योहान 13:9

अस्‍के सिमोन पत्रु, “अय्ते सिराप नावा काल्के आयो, नावा कय्‍कुन, नावा तल्‍लातुनगुडा नोर्रा सामि!” इंचि इत्‍तोर.

योहान 3:5

अस्‍के येसु ओन्क इल्‍हा वेहतोर: “नना निजम-निजम वेहासेक, वरोर मनकल एताल आनि पवित्र आत्माहेंदाल पुट्‍टुवद, ओर पेनदा राज्येमते होळिया परोर.

प्रेरितुल्‍कुना कबाह्‍क 22:16

अय्ते इंदके आलसेम बारि कीसंतिन? तेदसि बापतिस्मा एतसि, सामिना पोरोलते पारतना कीम, अस्‍के ओर नीवा पापाल्कुन नोर्रांतोर,” इंचि इत्‍तोर.

1 कुरेंति 6:11

मुन्‍ने मीवा नड्‍डुम इच्‍चुर इल्हे मत्‍तिर. गानि मिमेट येसु किरिस्‍तुना पोरोलते आनि पेनदा आत्माते नोर्कुंचि, पवित्र आसि नीतिमंतुल्क आतिर.

इपीसि 5:26

अस्‍के दान किरिस्‍तु, पेनदा पोल्‍लेतोनि सक्‍कगा साप नोर्सि पवित्र कींतोर.

कुलुसि 2:18

बोरन्‍ना सतागा सिन्‍नातनम हुपिच्‍कुनानोर, दूताना पूजा कियानोर, हूळता पोल्‍लेनपोर्रो, ओना मनसुना पालतु पोल्‍लेनपोर्रो पेद्‍दिरकेम कियानोना हेंदाल मीवा पेनदा इनामतुन तपिच्‍कुना हियमटु.

कुलुसि 2:23

इव नियमकुने मना मनसुनाल तयार कीता बक्‍ति कियालय, सिन्‍नातनम हुपिच्‍कुनालय, मना मेंदुल्तुन तीराता कस्‍टम कीकुनालय बुद्‍दि अय्ते मंता, गानि मना मेंदुल्ता कराब इच्‍चान आपालय इव बतल कबळ्‍क ओज्‍जों.

तीतु 3:5

मनाकुन कापाळतोर. मनम कीता नीति कबाह्‍कुनाहेंका ओर मनाकुन कापाळा हिल्‍लोर गानि ओना सतता दयाहेंदाले मनाकुन कापाळतोर. पूना रीतुने पुट्‍टना एर तुंगमळहेंदाल आनि पवित्र आत्मा मनाकुन पूनगा कियमळहेंदाल इल्‍हा आता.

इब्रि 10:22

अदुनहाटीं मनम सत्‍तेम मनसुने, पुरागा विस्वासमते, इंका मना विवेकमतुन दोसेम हिलाकोंटा कियानाहाटीं मना मनसुनपोर्रो किरिस्‍तुना नेत्‍तुर सल्सि, इंका मेंदुल्तुन बेस साप एते नोर्सि पेनदा दग्गेर्क दाकोम.

पेन हुपिस्‍ता पोल्‍लें 7:14

अस्‍के, “नीकु एरपाटे महाराज,” इंचि नना ओन इत्‍तन. अस्‍के ओर, “ईर अंटोर वेल्‍ले तिप्पल्कुनाल पलाते वातोर आंदुर. ईर ईरा कपडिं गोर्रे पोरिना नेत्‍तुरते हुक्‍किसि तेल्‍लगा कीतुर आंदुर.