योहान 13:34 - पवित्र पोल्‍ले

³⁴ अदुनहाटीं नना मीकु उंदि पूना आदेस हीसंतन, मिमेट वरोंक-वरोर पावरम कीम्‍टु. नना मीकुन बल्हा पावरम कीतन, अल्हेन मिमेटगुडा वरोंक-वरोर पावरम कीम्‍टु.

योहान 13:34 Iomraidhean Croise

मत्‍तयाल 5:44

गानि नना मीकु वेहानद बतल इत्‍ते, मीवा पगातोर्कुन पावरम कीम्‍टु. मीकुन तकलिप कियानोराहाटीं मिमेट पारतना कीम्‍टु. अस्‍के मिमेट मीवा स्वर्गमते मनना बाबाना पिलाल्क आंतिर.

योहान 15:17

मिमेट वरोंक-वरोर पावरम कीकुंटु, इद मीकु नावा आदेस आंदु.”

योहान 17:21

बाबा! बल्हा अय्ते निमे नहगा, नना निहगा उंदि आसि मंतोमो, अल्हेन ओरगुडा उंदि आसि मननाहाटीं पारतना कीसंतन. नाकुन निमेन लोहतिन, इंचि दुनियातोर विस्वासम कियना इत्‍ते, ओरगुडा मनांटे उंदि आयापींता.

रोम सहरतोरहाटीं पौलुसना सिट्‍टि 12:10

उंदि कुटुंबतोरलेसीं वरोंक-वरोर बेस पावरम कीकुंटु, वरोंक-वरोर कदर हियनेंके, मनाकन्‍ना एक्‍को इंकावरोंक कदर हीम्टु.

रोम सहरतोरहाटीं पौलुसना सिट्‍टि 13:10

वेरेतोरपोर्रो पावरम हूपिचनोर, ओरा नुकसान किय्योर. अदुनहाटीं पावरमता पोल्‍लेने, दर्मसास्‍त्रमता पोल्‍लें निजम आंतां.

रोम सहरतोरहाटीं पौलुसना सिट्‍टि 13:8

मिमेट इंकावरोन पावरम कीम्‍टु, पावरम कियमळ तप्‍पा बोर्के आयि बदे पोल्‍लेता बाकि मनमट. अल्हा मत्‍तोर मूसाना नियमतुन पालन कीताप आंतोर.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

गलातिया 5:6

येसु किरिस्‍तुनलोप्‍पो कतना किय्‍यिना, कतना कियाकोन्‍ना अद बाता कबळतद आयो, गानि पावरमते कबळ कियना विस्वासमे कबळतद आंद.

गलातिया 6:10

अय्ते मरि, मनाकु बल्हा मोका दोर्कते अल्हा अंटोराहाटीं, एक्‍कोते-एक्‍को मना विस्‍वासुल्‍कुनाहाटीं बेस सहायम कीकोम.

गलातिया 6:2

मिमेट तकलिपते वरोंक-वरोर सहायम कीम्‍टु, अल्हा कीतेने किरिस्‍तु हीता नियमतुन पूरा किया परांतिर.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

कुलुसि 1:4

बारित्‍ते, किरिस्‍तु येसुना पोर्रोटा मीवा विस्वासम आनि अंटोर पेनदा लोकुल्‍कुन मिमेट कियाना मीवा पावरमता बारेमते केंजतोम.

1 तेसलोनि 3:12

मोमोट मीकुन पावरम कीताप, मिमेटगुडा मीलोप्‍पो वरोंक-वरोर पावरम कियालय, अंटोर लोकुल्‍कुनतोनि पावरम बेर्सालय सामि मीक सहायम कियिरकांटी.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

इब्रि 13:1

मिमेट अंटोर उंदि लोतोरलेसीं वरोंक-वरोर पावरम कीसेके मंटु.

याकोब 2:8

मिमेटगिंटा, “नीवद-निमे पावरम कीतापे पक्‍कातोर्कुनगुडा पावरम कीम,” इंचि दर्मसास्‍त्रमते वेहताप ताकानय्ते, मिमेट निजमे बेस कीसेक मंतिट.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

2 पत्रु 1:7

बक्‍तिते दादल-तम्मुना कूळमळ, दादल-तम्मुना कूळमळते पावरम कल्‍पट.

1 योहान 3:11

मनम वरोंक-वरोर पावरम कियागोम इनना ई बोदा, मिमेट सुरुवनेन केंजतद आंद.

1 योहान 3:23

दाना आदेस बतल इत्‍ते, मनम दाना मर्रि येसु किरिस्‍तुनपोर्रो विस्वासम इर्राना आनि ओना आदेस परकारम मनम वरोंक-वरोर पावरम कियाना.

1 योहान 4:21

पेनदाहेंदाल मनाकु इदु आदेस दोर्कता. बोर अय्ते पेनदुन पावरम कींतोर, ओर ओना दादानगुडा पावरम कियाना.

2 योहान 1:5

अय्ते बाई! नना मीकु बतल विनंति कीसेके इत्‍ते, मनम वरोंक-वरोर पावरम कियाना. इदु पूना आदेस इंचि नना मीकु रासेक हिल्‍लेन, गानि मुन्‍नेटाल मनगा मत्‍तादे आंद.