31 यहुदल पलाते होत्तस्के, येसु इल्हा वेहालय दल्गतोर. “मनकना रूपमते पुटतोंक नाकु, महिमा दोर्कना वेला इंदके एव्ता. नाकु जर्गना अन्निटवुनहेंदाल पेनदुक महिमाता कदर दोर्कार.
अस्के येसु ओन इल्हा इत्तोर, “नक्कांक बारे मनालय सोर्रें मंतां, पिट्टेंक मनालय गूडां मंतां, गानि मनकना रूपमते पुटतोन नाकु मात्रम तल्ला इर्रालयगुडा जेगा हिल्ले.”
गानि नाकु उंदि कस्टाल्कुना बापतिस्मा एतानद मंता, अद एतनदाका नाकु तिप्पल्क तप्पों.
अद कबुर केंजसि येसु, “लाजरुंक अद बिमारि ओन हव्किसि ओयालय वाया हिल्ले, गानि पेनदा पेदातनमतुन हुप्सालय वाता. इदुनहेंदाल पेनदा मर्रिंक कदर दोर्कार,” इंचि इत्तोर.
अस्के येसु इल्हा वेहालय दल्गतोर, “मनकना रूपमते पुटतोन नना, इंदके नावा महिमातुन हुप्सना वेला दग्गेर्क एव्ता.
बाबा! नीवा पोरोल्क निमेन कदर हीम,” इंचि येसु इत्तोर. अल्हा इत्तस्के स्वर्गमताल उंदि अल्किर, “नना नावा महिमाता कदरतुन दीनकन्ना मुन्ने हीतन, मर्रा इंका हींतन,” इंचि केंजावाता.
अदुनहाटीं, मिमेट नावा पोरोल्ते बतल तल्किना, नावा बाबांक महिमा वायानाहाटीं नना अदुन कींतन.
अद नाहगटाल तेंडकुंचि, वासि मीकु वेहंता. अल्हा कीसेके अद नाकु कदर हींता.
येसुनपोर्रो विस्वासम कीतोर्क पेनदा आत्मा दोर्कनद मत्ता. अदे आत्माता बारेमते वेहालय येसु इव पोल्लें वळ्कतोर. येसु हासि मर्रा महिमाते तेदानदे मत्तोर. अदुनहाटीं पेन अदवेरदाका अद आत्मातुन बोर्के हिय्या हिल्ले.
“अदुनहाटीं इस्राएलता अंटोर लोकुल्क बेस एरपाट कीकुनना पोल्ले बतल इत्ते मिमेट बा येसुन अय्ते क्रुस पोर्रो मोल्लां कोहकिस हव्कतिरो, पेन ओन सामि आनि किरिस्तु कीता,” इंचि पत्रु वेहतोर.
अब्राहाम, इसाक आनि याकोबुना पेन, इत्ते मना एनकाटोरा पेन, दाना सेवक येसुंक कदर हीता. गानि मिमेट ओन दोर्कापीसि हव्कालय हीतिर. अयना पिलातुस ओन होळसियाना विचारम कीतस्के मिमेट ओन होळसियामन्नि इत्तिर.
मनम अंटोरम अद मुस्कुन तेंडसि पोहतोम, इंदके अद्दमते हूळताप सामिना महिमाता वेल्गुन हूळसेक मंतोम. ओना आत्मा मनालोप्पो मत्ताहाटीं ओनालेसींगे मनम मारियसेके मंतोम.
मनम बोर अय्ते मुन्नेटाले किरिस्तुनपोर्रो आसे इरतोम, दाना महिमातुन तल्सकुनागोम इंचि दाना विचारम मंता.
इंका किरिस्तु येसुन मनाहाटीं लोहचि मनाकुन वेल्लेन पावरम कीता. इल्हा पेन मनापोर्रो लेक्का हिल्वच्चोन कुर्पा कीता, इदुन वायाना कालमते अंटोर्क हुप्सानाहाटीं पेन अल्हा कीता.
इंदके पोर्रो वळिते राज्येम कियाना सक्तिंक आनि अदिकारम ताकिचानवुंक पेन दाना बच्चुंगो तीरकुना तेल्वितुन कलिसियाहेंदाल हुप्संता.
इंका “येसु किरिस्ते सामि आंदुर,” इंचि हरेक नाल्के ओप्कुनगोम. इल्हा पेनबाबांक कदर दोर्कना इंचि अल्हा कीता.
ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्दातनम हीता. अदुनहाटीं मीवा आसे आनि विस्वासम पेनदापोर्रो मंता.
मिमेट अविस्वासुल्कुना नड्डुम मंतिट इंचि बेस ताकट. ओर मीकुन कराब लोकुल्क इंचि बदनाम किय्यिनागानि मीवा बेस कबाह्कुन हूळसि, पेन वायाना रोजुने ओर इंका पेनदा कदर कियानुर.
बोन्क अय्ते पेनदा पोल्ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्नि पोल्लेने येसु किरिस्तुनाहेंदाल पेनदुके महिमा दोर्काना. महिमा आनि ताकत युगा-युगाल्कुनदाका पेनदादे आंद. आमीन.