योहान 13:3 - पवित्र पोल्‍ले

³ पेनबाबाल अन्‍नि अदिकाराल्‍क येसुना कय्‍दुक हीतोर, इंका ओर पेनदागटाल वातोर, पेनदागेन मल्सि दांतोर इत्‍तद अन्‍नि ओन्क एरपाटे मत्‍ता.

योहान 13:3 Iomraidhean Croise

मत्‍तयाल 11:27

मर्रा येसु लोकुल्‍कुनतोनि इल्‍हा वळकुतोर. “नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर.”

मत्‍तयाल 28:18

अस्‍के येसु ओरा दग्‍गेर होंचि ओर्कुन इल्‍हा इत्‍तोर. “स्वर्गमते आनि बूमिपोर्रोटा अदिकारम अंता नाकु हीसि मंता.

लूकाल 10:22

नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर,” इंचि इत्‍तोर.

योहान 1:18

पेनदुन बस्‍केने बोरे हूळा हिल्‍लुर. गानि पेनबाबाना संकाते मनना ओना वरोरे मर्रि, ओरे मनाकु ओन हुपिस्तोर.

योहान 13:1

इद दुनियातुन होळसि पेनबाबानगा मल्सि होनना वेला दग्गेर्क एव्ता इंचि, येसुंक दाटसि होनना पंडुगुंकन्‍ना मुन्‍नेन तेळियता. इद दुनियाते मनना ओना लोकुल्‍कुन ओर वेल्‍लेन पावरम कीतोर. अचोने आयाका अद पावरमतुन आकिरदाका ओरपोर्रो हुपिच्‍चेकेन मत्‍तोर.

योहान 3:13

मनकना रूपमते पुट्तोन नना स्वर्गमताल वातन. इंका नाकु तप्‍पा स्वर्गमते वेरे बोरे होना हिल्‍लुर.

योहान 3:35

पेन बाबल ओना मर्रिन इरगा पावरम कींतोर, इंचि मर्रिना कय्‍दुक अन्‍नि अप्पजेपतोर.

योहान 7:29

गानि नना ओन एरपाट कींतन. बारित्‍ते ओरे नाकुन लोहातोर, नना ओनागटाले इगे वातन,” इंचि लगांचि वेहतोर.

योहान 7:33

अस्‍के येसु ओर्क, “इंका जेर्रासेप नना मीतोनि मनंतन, पजा नाकुन लोहतोनगा नना तिरियसि दांतन.

योहान 8:14

अय्ते येसु ओर्क इल्‍हा जवाब हीतोर, “नावा बारेमते ननाने गवाइ वेहिनागानि, नावा गवाइ मात्रम सत्‍तेम आंद. बारित्‍ते, नना बगाटाल वातन, बगा दांतन, इत्‍तद नाक एरपाट मंता. गानि नना बगा वातन, बगा दांतन मीकु बतले एरपाट हिल्‍ले.

योहान 8:42

अस्‍के येसु ओर्कुन इल्‍हा इत्‍तोर, “पेन मीवा बाबाल आसि मत्‍ते मिमेट नाकुन पावरम कीसि मन्‍नेर. बारित्‍ते नना पेनदागटाल वातन. इगे नावद ननेन वाया हिल्‍लेन. पेने नाकुन लोहता.

प्रेरितुल्‍कुना कबाह्‍क 2:36

“अदुनहाटीं इस्राएलता अंटोर लोकुल्‍क बेस एरपाट कीकुनना पोल्‍ले बतल इत्‍ते मिमेट बा येसुन अय्ते क्रुस पोर्रो मोल्‍लां कोहकिस हव्कतिरो, पेन ओन सामि आनि किरिस्‍तु कीता,” इंचि पत्रु वेहतोर.

1 कुरेंति 15:27

बारित्‍ते, पेन अन्‍निन किरिस्‍तुना काल्कुना हिळु इरता. अन्‍निन इंचि इत्‍ते, पेनदुन होळसिसि अन्‍निन इंचि बरोबर एर्का आंता.

इब्रि 1:2

गानि ई आकिरता रोजकुने बारे, पेन दाना मर्रिनाहेंदाल मनातोनि वळ्कता. दाना मर्रिनाहेंदाले इद पूरा दुनियातुन तयार कीसि, ओन ई दुनियाता वारसदार इंचि निलाहता.