योहान 13:21 - पवित्र पोल्‍ले

²¹ इव पोल्‍लें वळ्‍कुड आतस्के येसुंक मनसुने बादा अनपिस्ता. पजा ओर, “नना निजम-निजम वेहासेक, मीवा लोप्पोटाल वरोर नाकुन दोकाते पीसि हींतोर,” इंचि इत्‍तोर.

योहान 13:21 Iomraidhean Croise

मत्‍तयाल 26:21

तिननेंके येसु ओर्कुन, “हीके केंजट नना निजम वेहचंतन, मिहगटाल वरोर नाकुन पगातोरा कय्‍दे पीसि हींतोर.” इंचि इत्‍तोर.

मत्‍तयाल 26:38

अस्‍के ओर्कुन, “नावा जीवा दांता बारे इत्‍ताप नाक वेल्‍ले दुक्‍कम आसेक मंता. मिमेट नातोनि इग्‍गेने आगसि तेल्‍विते मंटु,” इंचि इत्‍तोर.

मरकुस 14:18

ओर गाटो तिंचेके मत्‍तुर अस्‍के येसु, “नना मीक निजम वेहसेक मंतन, मीवा लोप्पोटाल वरोर नाकुन पीसि हींतोर, ओर नावातोनि उद्‍दिसि गाटो तिंचेके मंतोर,” इंचि ओर्कुन इत्‍तोर.

मरकुस 3:5

ओर्क बोर्के जीवा नोय्यो इंचि कन्‍कुंचि येसुंक दुक्‍कम वासि, ओर अंटोरहेके होंगुने हूळतोर. पजा, “नीवा कय मुन्‍नेळ्‍क हहा,” इंचि आ कय वत्‍सोत्‍तोन इत्‍तोर. ओर कय मुन्‍नेळ्‍क हाहतस्‍के ओना कय बेस आता.

योहान 11:33

मरियम आनि दानतोनि वातोर अंटोर यहुदिल्कुना अळुळ हूळसि, येसुंक बादा अनपिस्ता. मनसुने ओर वेल्‍लेन दुक्‍कमते मत्‍तोर.

योहान 11:35

हूळसि येसु अळतोर.

योहान 11:38

येसुंक मरुंदि मल्का मनसुने बादा अनपिस्ता. पजा ओर लाजरुना बोंदातगा होत्‍तोर. अद बोंदा उंदि पडालेह्का मत्‍ता. दाना सोर्रेक अड्‍डम उंदि बंडा दोब्‍बिसि मत्‍ता.

योहान 12:27

इंदके नावा जीवा तकलिपते मंता. नना बतल इंदकन? बाबा, इद तकलिपता वेलाताल नाकुन तप्‍सा, इंचि इंदकना? इनोन. बारित्‍ते नना इद वेलाहाटींगे वातन.

योहान 13:18

“नना मी अंटोरा बारेमते वळ्कसेक हिल्‍लेन. नना बोर्कुन अय्ते पेर्कुत्‍तन, ओरा बारेमते नाक बेस एरपाट. गानि, ना हारि तित्‍तोरे नाकु अड्‍डम आतोर, इल्‍हा दर्मसास्‍त्रमते रासि मत्‍ता पोल्‍ले पुरागा आयना इंचि इल्‍हा जर्गपींता.

योहान 13:2

येसु, ओना सिस्युल्क नर्कटा वेलाते गाटो तिनालय उद्‍दिस मत्‍तुर. गानि गाटो तिन्‍नका मुन्‍नेन देय्यम, इस्‍कारियोत नाटेना सिमोन इनानोना मर्रि यहुदन लोप्पो वासि, येसुंक दोका हियालय ओन एक्‍किसता.

योहान 13:22

येसु बोना बारेमते वळ्कतोरो इंचि तेळियका, सिस्युल्क वरोना मोकोम वरोर हूळकुत्‍तुर.

प्रेरितुल्‍कुना कबाह्‍क 17:16

पौलुस, एतेंस सहरते सिलास आनि तिमोतिना एदुर हूळसेक मत्‍तस्के, अद सहर बोम्मानतोनि निंडिस मत्‍तद हूळसि ओना मनसुने बागा दुक्‍कम वाता.

1 योहान 2:19

ओर लोकुल्‍क मना लोप्पोटाले पेय्‍सतुर, गानि ओर मनोर्क आयुर. ओर निजमे मनोर्क आसि मत्‍ते मनातोनि मंचि मन्‍नेर. ओर बोरे मनोर्क आयुर इंचि मनाकु तेळियानाहाटीं ओर अल्हा पेय्सि होत्‍तुर.