योहान 13:13 - पवित्र पोल्‍ले

^13-16 मिमेट नाकुन गुरु, सामि इंचि केयंतिर. नना गुरु, सामिन आंदुन, अदुनहाटीं मिमेट इनानद बरोबरे. नना गुरुन, सामिन आसिगुडा मीवा काल्क नोरतन. अय्ते मिमेटगुडा वरोना काल्क वरोर नोरसेके सेवा कियना. नना मीकु निजम-निजम वेहासेक, वरोर दासि मनकल ओना मालकुंकन्‍ना पेद्‍दा आयोर. अल्हेन वरोर कबुरतोर ओन लोहतोनकन्‍ना पेद्‍दा आयोर. नना बल्हा अय्ते कीतनो, अल्हेन मिमेटगुडा कियना इंचि, इद उंदि उदाहरन हुपिस्तन.

योहान 13:13 Iomraidhean Croise

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

लूकाल 10:28

अस्‍के येसु ओन, “निमे बरोबर वेहतिन, अल्हेन निमेगुडा कीम, अस्‍के नीकु बस्केळक पिस्सना पिस्वर दोर्कंता,” इंचि इत्‍तोर.

लूकाल 6:46

“नना वेहता पोल्‍लेन केंजिर अय्ते नाकुन सामि सामि इंचि बारि इंतिर?

लूकाल 7:43

अस्‍के, “बोर अय्ते एक्‍को बाकि मत्‍तोर, ओरे एक्‍को पावरम कियानुर बारे,” इंचि सिमोन इत्‍तोर. इत्‍तस्के, “निमे बरोबर वेहतिन,” इंचि येसु ओन इत्‍तोर.

योहान 11:2

मुन्‍ने उंदि मल्का उंदि मुरतळ, सामिना काल्कुंक अत्‍तर निय होकसि दाना केल्कुने उसुमता, अद इदे मरियम आंद. ई बिमार अरता लाजर दाना तम्मुर आंदुर.

योहान 11:28

इच्‍चोन वळ्‍किसि अद अगटाल पेय्सि होंचि, दाना अक्‍कल मरियमुन सपुडदाका पक्‍कक केयता. केय्‍सि, “गुरु वातोर, ओर नीकुन केयसंतोर,” इंचि वेहता.

योहान 11:3

अदुनहाटीं अव रोंड अक्‍काह्‍क, “सामि, नीवा पावरमगल्‍लोड वरोर, बिमारते मंतोर,” इंचि येसुंक कबुर लोहतां.

1 कुरेंति 12:3

अदुनहाटीं पेनदा आत्माते वळ्कानोर बोरे आयिर, “येसु सापनेम दल्‍गतोर आंदुर,” इंचि इन्‍नुर. अल्‍हेने पवित्र आत्माते ताकवोर बोरे आयिर, “येसु सामि आंदुर,” इंचि इन्‍नुर.

इपीसि 6:9

मालकुरिटा! मिमेट मीवा दासुल्‍कुन वेरहुळ-बेदरिच्‍चुळ कियमट, ओर्कुन बेस हूळकुंटु. मीवा इव्वुरागुडा मालक स्वर्गमते मंतोर. ओर सिन्‍ना-पेद्‍दा हूळोर, इद मति इर्कुंटु.

पिलिपिया 2:11

इंका “येसु किरिस्‍ते सामि आंदुर,” इंचि हरेक नाल्के ओप्कुनगोम. इल्‍हा पेनबाबांक कदर दोर्कना इंचि अल्हा कीता.

पिलिपिया 3:8

अचोने आयाका, नावा सामि येसु किरिस्‍तुन एरपाट कीतदे पेद्‍दा पोल्‍ले आंद. कळमतव अन्‍नि अट्‍टि पोल्‍लेंगें, येसु किरिस्‍तुन दोर्किच्‍कुनालय अव अन्‍निन नना लेक्‍का किय्योन कचरा इनकुंतन.

याकोब 2:19

पेन उंदे मंता इंचि मिमेट विस्वासम कीतिर, बेसे आंद. गानि देय्याल्कुगुडा विस्वासम कीसि गजा-गजा वनकंतां.