योहान 12:2 - पवित्र पोल्‍ले

² अगा येसुनाहाटीं नर्कटा गाटो तयार कीतुर. मार्ताल गाटो वाटता. लाजरगुडा गाटो तिनानोरतोनि उद्‍दिस मत्‍तोर.

योहान 12:2 Iomraidhean Croise

मत्‍तयाल 26:6

पजा येसु बेतानिया इनना नाटे होंचि, कुस्‍टरोगम आसि मत्‍ता सिमोनिना लोन आगतोर.

मरकुस 14:3

अद वेलाते येसु बेतानिया नाटे, मुन्‍ने कुस्‍टरोगम आसि मत्‍ता सिमोनुना लोते गाटो तिनालय उद्‍दिसि मत्‍तस्के, उंदि मुरतळ तेल्‍लाटा बंडा गुर्गिते जटामासि मराताल तयार कीतद, वेल्‍ले दराता पिव्‍वर अत्‍तर निय पीसि वाता. अद गुर्गिता बुच्‍चातुन पयाहचि येसुना तल्‍लापोर्रो वळियता.

लूकाल 12:37

मालक वातस्के एदुर हूळसेक तेल्‍विते मत्‍ता सेवाकुल्कु वेल्‍लेन आसिर्वाद दोर्कुतोर आंदुर. नना मीकु निजम वेहासेक मंतन, मालक वासि अंटोर सेवाकुल्कुन बेस उद्‍दा वेहांतोर. पजा नडिकट्‍टु दोहकुंचि ओरे सेवाकुल्कुना सेवा कियालय तयार आंतोर.

लूकाल 14:12

पजा येसुन बोर अय्ते केयतोरो आ मनकंकगुडा येसु उंदि पोल्‍ले वेहतोर. “निमे नर्का-पिय्यल बस्के बोजनम हिय्‍यिना आ बोजनमते नीवा दंटागाह्कुन, नीवा दादल-तम्मुह्‍कुन, जीवातोर-हेडमितोर्कुन, मीवा पक्‍का लोह्कुना सिरमंत लोकुल्‍कुन केयुमा. ओर्कुन केयते, निमे ओर्कुन केयताप ओरगुडा नीकुन केयांतुर, इल्‍हा नीवा बाकि तीरंता.

लूकाल 22:27

असल पेद्‍दा इत्‍ते बोर आंद? बोर अय्ते गाटो तिनालय उद्‍दंतोर ओरा? मरि उद्‍दुतोंकु गाटो वाटांतोर ओरा? गाटो तिनालय उद्‍दुतोरे पेद्‍दोड आंद. गानि नना अय्ते मीवा नड्‍डुम गाटो वाटाना सेवाकुनलेसीं मंतन.”

लूकाल 5:29

पजा लेवि येसुन ओना लोन केय्‍सि, उंदि पेद्‍दा बोजनम हीतोर. अगा वेल्‍लेटुर कर वसुल कियानोर, इंका वेरेटोर लोकुल्‍क येसुनतोनि उद्‍दिसि गाटो तिंचेके मत्‍तुर.

पेन हुपिस्‍ता पोल्‍लें 3:20

हूळा, नना तल्‍पुनगा नित्‍तिसि तल्‍पुन टोक-टोक तंतस्के; बोर अय्ते ना लेंग केंजसि तल्‍पु तेंडांतोर, नना ओनगा लोप्पो दांतन, होंचि ओनतोनि कलियसि गाटो तिंतन, आनि ओर नातोनि तिंतोर.