योहान 12:16 - पवित्र पोल्‍ले

¹⁶ इव गटनां जर्गनेंके येसुना सिस्युल्कुंक बतले तेळिया हिल्‍ले. गानि येसु हामुरताल जीवाते तेदसि महिमाते स्वर्गम होत्‍तस्के, जर्गता अन्‍नि गटनां, दर्मसास्‍त्रमते रासि मत्‍तापे जर्गतां, लोकुल्‍कगुडा ओनतोनि अल्हेन कीतुर. इंचि ओर्क अर्तम आता.

योहान 12:16 Iomraidhean Croise

मरकुस 16:19

येसु सामि ओना सिस्युल्कुनतोनि इव पोल्‍लें वेहता पजा, पेन ओन स्वर्गमते तेहकुत्‍ता. अस्‍के ओर दाना तिना बाजुंक उद्तोर.

मरकुस 9:32

गानि येसु वेहता पोल्‍ले ओर्क तेळिया हिल्‍ले. आनि ओन पूस कियालयगुडा ओर वेरियतुर.

लूकाल 18:34

गानि ओना सिस्युल्कुंक मात्रम ओर वळ्कता पोल्‍ले तेळिया हिल्‍ले. अद पोल्‍ले ओराहाटीं मर्ममते मत्‍ताहेंके, ओर्क बतल अर्तम आयाहिल्‍ले.

लूकाल 24:25

अस्‍के येसु ओर्कुन, “अरे बुद्‍दि तक्‍को लोकुरिटा, पेनदा कबुरतोर मुन्‍ने वेहचि मत्‍ता पोल्‍लेन मिमेट बस्के नम्मंतिर?

लूकाल 24:45

पजा दर्मसास्‍त्रमते रासि मत्‍ता पोल्‍लें तेळियना इंचि येसु ओर्क तेल्वि हीतोर.

लूकाल 9:45

गानि येसु वेहता पोल्‍ले ओर्क तेळिया हिल्‍ले. अद पोल्‍ले ओर्क तेळियामन्‍नि इंचि मक्‍किचि मत्‍ता. आनि इदुना बारेमते ओन पूस कियालयगुडा ओर वेरियतुर.

योहान 12:23

अस्‍के येसु इल्‍हा वेहालय दल्‍गतोर, “मनकना रूपमते पुटतोन नना, इंदके नावा महिमातुन हुप्‍सना वेला दग्गेर्क एव्ता.

योहान 14:26

अय्नागानि, बाबाल नावा पोरोल्ते लोहना सहायम कियानोर, इत्‍ते पवित्र आत्मा, मीकु अन्‍नि पोल्‍लें करहार. अचोने आयका, नना मीकु वेहता अन्‍नि पोल्‍लें अद मीकु मति कीसि हिय्यार.

योहान 16:4

अद कालम वातस्के, नना वेहता पोल्‍लें मीकु मति वायाना इंचि, इव पोल्‍लें नना मीकु वेहचंतन. इव पोल्‍लें नना मीकु मुन्‍ने वेहा हिल्‍लेन, बारित्‍ते नना मीतोने मत्‍तन.”

योहान 17:5

बाबा, दुनिया पुट्‍टका मुन्‍ने नना नीतोनि मननेंके बसोंटा महिमा मत्‍तानो, असोंटा महिमा इंदकेगुडा नी मुन्‍ने हीम.”

योहान 2:22

येसु हासि मर्रा जीवाते तेदतस्‍के ओना सिस्युल्कुंक इद पोल्‍ले मति वाता. अस्‍के ओर दर्मसास्‍त्रमते रासि मत्‍तादुन आनि येसु वेहता पोल्‍लेन नम्मुतुर.

योहान 7:39

येसुनपोर्रो विस्वासम कीतोर्क पेनदा आत्मा दोर्कनद मत्‍ता. अदे आत्माता बारेमते वेहालय येसु इव पोल्‍लें वळ्कतोर. येसु हासि मर्रा महिमाते तेदानदे मत्‍तोर. अदुनहाटीं पेन अदवेरदाका अद आत्मातुन बोर्के हिय्या हिल्‍ले.

प्रेरितुल्‍कुना कबाह्‍क 2:33

इंदके पेन येसुन दाना तिना बाजुंक उपिस्ता. पवित्र आत्मातुन हींतन इंचि पेन पोल्‍ले हीसि मत्‍ता अद ओन्क दोर्कता. येसु अदे पवित्र आत्मातुन वळियतोर, अदुन मिमेट हूळसेक, केंजसेक मंतिर.

प्रेरितुल्‍कुना कबाह्‍क 2:36

“अदुनहाटीं इस्राएलता अंटोर लोकुल्‍क बेस एरपाट कीकुनना पोल्‍ले बतल इत्‍ते मिमेट बा येसुन अय्ते क्रुस पोर्रो मोल्‍लां कोहकिस हव्कतिरो, पेन ओन सामि आनि किरिस्‍तु कीता,” इंचि पत्रु वेहतोर.

प्रेरितुल्‍कुना कबाह्‍क 3:13

अब्राहाम, इसाक आनि याकोबुना पेन, इत्‍ते मना एनकाटोरा पेन, दाना सेवक येसुंक कदर हीता. गानि मिमेट ओन दोर्कापीसि हव्कालय हीतिर. अयना पिलातुस ओन होळसियाना विचारम कीतस्‍के मिमेट ओन होळसियामन्‍नि इत्‍तिर.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 8:1

इदवेरदाका वेहासेक वाता पोल्‍लेता मेन पोल्‍ले बतल इत्‍ते, स्वर्गमते अन्‍निटकन्‍ना पेद्‍दा पेनदा तिना बाजुंक राज्येम कियालय बोर अय्ते उद्‍दिसि मंतोरो, ओरे मावाहाटीं पेद्‍दा पेर्मल आतोर.