योहान 11:8 - पवित्र पोल्‍ले

⁸ गानि सिस्युल्क, “रब्‍बी, कोन्‍नि रोजकु मुन्‍नेन अगाटा यहुदि पेद्‍दाल्क नीकुन बंडाने तंचि हव्कालय हूळतुर. अयना निमे मर्रा अग्गेन दांतिना?” इंचि येसुन इत्‍तुर.

योहान 11:8 Iomraidhean Croise

मत्‍तयाल 23:7

हाटुमकुने जोहार वेहागोटकुनमळ, मनकालोराहेंदाल गुरु इंचि केया वेहकुनमळ ओर्कु बेस अनपिच्‍चंता.

मत्‍तयाल 23:8

गानि मिमेट अंटोर दादालोर-तम्मुह्‍क आंदिर, मीवा अंटोरा गुरु वरोरे. अदुनहाटीं मिमेट मीकुन “गुरु” इंचि इनागोटकुन्‍मटु.

योहान 10:31

अस्‍के मरुंदि मल्का यहुदिल्क येसुन हव्कालय बंडां पेरतुर.

योहान 10:39

अस्‍के ओर मरुंदि मल्का येसुन दोर्का पियालय हूळतुर, गानि ओर ओरा कय्‍दाल तपिच्‍कुंचि अगटाल होत्‍तोर.

योहान 11:19

तम्मुर हासोत्‍ताहेंका वेल्‍लेन दुक्‍कमते मनना मार्ता आनि मरियमुंक दैरनेम हियालय वेल्‍लेटोर यहुदिल्क वासि मत्‍तुर.

योहान 4:31

अद मुरतळ नाटे होत्‍तस्के, सिस्युल्क, “गिचचो तिन रब्‍बी!” इंचि येसुन विनंति कीतुर.

योहान 8:59

इद पोल्‍ले पोर्रोटाल, ओन बंडाने तंचि हव्कना इंचि अंटोर बंडां पेरतुर. गानि येसु ओर्क दिसाकोंटा मक्‍किस गुळिताल पेय्सि होत्‍तोर.

प्रेरितुल्‍कुना कबाह्‍क 20:24

नाकु नावा जीवाता पिकिर हिल्‍ले. नना अय्ते सिराप येसु सामिनहेंदाल नाकु दोर्कुता आ पंदेमतुन, सेवातुन पूरा कींतन. अद बतल इत्‍ते, पेनदा कुर्पाता बारेमते बेसता पोल्‍लेना गवाइ वेहामळ आंद.”